როცა ქოლესტერინზეა საუბარი, რეალურად უფრო დიდი მნიშვნელობა აქვს მთლიანი საკვები რაციონი როგორია და არა ვთქვათ რომელიმე კონკრეტულ პროდუქტს მიიღებთ თუ არა. ხორცი იქნება თუ სხვა პროდუქტი, ეს ყველაფერი უნდა განვიხილოთ ერთიან კონტექსტში.
საკითხი არ არის ისე, რომ თუ ადამიანი კონკრეტულ პროდუქტს ჭამს, აუცილებლად გული დაარტყამს, არამედ ყოველთვის გულის დაავადებებთან და ქოლესტერინთან მიმართებაში საუბარია რისკებზე.
უნდა დავფიქრდეთ კონკრეტული პროდუქტი ზრდის გულის დაავადებების რისკებს თუ ამცირებს, თან ეს საკმაოდ მარტივია. ყველაფერი ჯანსაღი – ამცირებს რისკს, ყველაფერი არაჯანსაღი ზრდის რისკს. ჩვენ შეგვიძლია მინიმუმამდე დავიყვანოთ რისკები, მაგრამ დიდი ალბათობით 0 ვერასდროს იქნება და ეს კიდევ ცალკე საკითხია.
სხვათაშორის გულის დაავადებების რისკს მხოლოდ ქოლესტერინის ოდენობა არ მოიცავს, ასევე მნიშვნელოვანია მაღალი წნევა ანუ გულზე დატვირთვა როგორია და პლიუს სისხლში ტრიგლიცერიდებისა და შაქრის დონე, ხოლო ამ ყველაფერზე გავლენას ახდენს რამდენიმე ფაქტორი და არა მხოლოდ რომელიმე კონკრეტული პროდუქტის მიღება.
რა ამცირებს გულის დაავადებების რისკებს? უპირველესყოვლისა საკვები ბოჭკოებით იგივე უჯრედისით მდიდარი პროდუქტების მიღება, ესენია: ბოსტნეული, თხილეული, ჩიას და სელის მარცვლები და N1 ამ მიმართულებით არის ე.წ. ფსილიუმი, რაც არის მცენარეული ექტრაქტი და მთლიანად საკვები ბოჭკოა. საკვები ბოჭკოები პირდაპირი მნიშვნელობით ეწებება ქოლესტერინს და სხვა ლიპოპროტეინებს და გამოაქვს ორგანიზმიდან.
ასევე სხვადასხვა ვიტამინების და მინერალების დეფიციტის შევსება ამცირებს გულის დაავადებების რისკს, იმიტომ რომ ეს ყველაფერი გულის ფუნქციონირებისთვის და არტერიების სიჯანსაღისთვის არის საჭირო, ასევე ანთებითი პროცესების რეგულირებისთვის, რაც მნიშვნელოვანი რისკ ფაქტორია და ა.შ. ყველა ადამიანს აკლია მინიმუმ რამდენიმე ვიტამინი და მინერალი. ასევე გულის დაავადებების რისკს ამცირებს ომეგა 3, ზეითუნის ზეთი, ვარჯიში, ფიზიკური აქტივობა და ყველაფერი ჯანსაღი.
მეორე მხრივ რა ზრდის რისკებს? ბევრი შაქრების და ნახშირწყლების მიღება, რაც არის ცომეული, ტკბილეული, ხილის წვენები და სხვა, არაჯანსაღი ზეთების და ტრანს ცხიმების მიღება, მოწევა, ალკოჰოლი, ვიტამინების და მინერალების ნაკლებობა, სტრესი და პარალელურად ამ ყველაფრის გამოწვეული შედეგებიც სერიოზული რისკფაქტორია, მაგალითად დიაბეტი და ჭარბი წონა.
თუმცა ისევ და ისევ, რაც კარგად უნდა დავიმახსოვროთ არის ის, რომ ვსაუბრობთ რისკებზე და რისკების მართვაზე. ვთქვათ ადამიანი შეიძლება იღებდეს ბევრ შაქარს, მაგრამ ასევე შეიძლება სტრესის დონე ქონდეს დაბალი, იღებდეს ვიტამინებს, მინერალებს, საკვები ბოჭკოებით მდიდარ საკვებს და ჯამში მაინც ბევრად ნაკლები რისკი ექნება ვიდრე ადამიანების უმეტესობას.
გულის დაავადებები სიკვდილიანობის N1 მიზეზია მსოფლიოში და თქვენი მიზანია მინიმუმამდე დაიყვანოთ რისკი, როგორც ეს შესაძლებელია. ჩამოთვლილთაგან აიღეთ ისეთი რაღაცები რისი გამოსწორებაც თქვენთვის უფრო მარტივია და მიყევით ამ გზას, რაც უფრო მეტს გამოასწორებთ, უკეთესი თქვენთვის.
თუ ეს ვიდეო მოგეწონათ, ჩვენი სხვა ვიდეოებიც დაგაინტერესებთ და გადახედეთ აუცილებლად, უკვე 100-ზე მეტი ვიდეო გვაქვს. ჩვენ კი შევხვდებით შემდეგ ვიდეოში.
