რამდენი შაქარი არის ბევრი შაქარი?

შაქარი რომ არაჯანსაღია ეს მგონი ყველამ იცის, მაგრამ თვითონ შაქარი როგორც მოლეკულა არ არის არაჯანსაში, გარკვეული ოდენობით ჭირდება თქვენს ორგანზიმს, არაჯანსაღია ბევრი შაქრის მიღება. ამიტომ დღეს მინდა ვისაუბროთ იმაზე თუ რამდენი შაქარი შეიძლება იყოს ბევრი და რამდენი შაქარი შეიძლება იყოს დასაშვები.

ეს ზოგადად საკმაოდ კომპლექსური საკითხია და ერთი გამზადებული პასუხი არ აქვს, თუმცა როგორც უკვე ვახსენე შაქარი ჭირდება ორგანიზმს გარკვეული ოდენობით, გლუკოზა ჭირდება ტვინს, გლუკოზა ჭირდება ერითროციტებს იგივე სისხლის წითელ უჯრედებს და ა.შ. გლუკოზა რომ არ გქონდეთ სისხლში, უბრალოდ ცუდად გახდებით ახლავე, მაგრამ ძაღლის თავი იმაშია დამარხული, რომ მიუხედავად ასეთი საჭიროებისა, ეს საერთოდ არ ნიშნავს იმას, რომ საკვებიდან უნდა მიიღოთ შაქარი.

თქვენს ღვიძლს შეუძლია აწარმოოს ზუსტად საჭირო ოდენობის გლუკოზა ცხიმისგან და ცილისგან, ამ პროცესს გლუკონეოგენეზისი ქვია, ძალიან მარტივი პროცესია და სრულიად ჩვეულებრივი ამბავია. ანუ თქვენ რომ საერთოდ არ მიიღოთ შაქარი ან თუნდაც სხვა ნახშირწყლები, რაც ისევ გლუკოზად გარდაიქმნება, თქვენი ორგანიზმი ამით არაფერს დაკარგავს, იმ მხრივ რომ საჭირო გლუკოზას ღვიძლი გააკეთებს მაშინვე და სულ ეგარის.

აქვე უნდა ვიცოდეთ რომ შაქარი არ არის და არ იგულისხმება მხოლოდ სუფრის შაქარი, ასევე ზოგადად ყველანაირი ნახშირწყალიც ორგანიზმში მოხვედრისთანავე ჯერკიდევ თქვენს პირის ღრუში იწყებს დაშლას შაქრად. ნახშირწყლები რომ წარმოიდგინოთ არის შაქრის მოლეკულები დაწებებული ერთმანეთზე, ხოლო როცა ნახშირწყალი მოხვდება ორგანიზმში, იწყებს განცალკევებას, დაშლას და ვიღებთ იგივე შაქარს ანუ გლუკოზას.

და მიუხედავად იმისა, რომ ძალიან რთულია რაიმე კონკრეტული რიცხვის დასახელება თუ რამდენი გრამი ნახშირწყალი ან რამდენი გრამი შაქარი იქნება ბევრი, ერთი რამ რაც ცალსახად შეიძლება ითქვას არის ის, რომ თუ თქვენ ჭამთ ცომეულს, ტკბილეულს, ბურღულეულს და ან სვამთ სხვადასხვა გაზიან სასმელებს, ცალსახად ძალიან ბევრ შაქარს და ნახშირწყლებს იღებთ. ეს პროდუქტები საშუალოდ 50-დან ლამის 100%-მდე არის ნახშირწყლები და თან სუპერ სწრაფად გარდაიქმნება შაქრად.

შეიძლება გაგიგიათ რომ არსებობს ასეთი რამ სახელად „გლიკემიური ინდექსი“ და მოკლედ ამ ინდექსით არის განსაზღვრული რომელი პროდუქტი უფრო სწრაფად გარდაიქმნება შაქრად, რაც უფრო მეტია რიცხვი მით უარესი, ჰოდა მაგალითისთვის შაქრის გლიკემიური ინდექსი არის 65, ხოლო თეთრი პურის 71. ანუ თეთრი პური კიდევ უფრო სწრაფად გარდაიქმნება გლუკოზად ვიდრე თვითონ შაქარი, რატომ ხდება ასე ამას კიდევ ცალკე მიზეზები აქვს, თუმცა ბევრი ადამიანი ვიცი ვინც შაქარს ერიდება და ცომეულს მიირთმევს თავისუფლად იმ მიზეზით რომ შაქარს ხომ მაინც არ ვიღებო, როცა რეალურად ცომეული არაფრით არის უკეთესი ჩვეულებრივი შაქრის მიღებაზე თუ პირიქით არა.

მეორე მხრივ თუ თქვენ გინდათ რომ შაქარი შეამციროთ რაციონში და უფრო ჯანსაღად იკვებოთ, შეგიძლიათ მიირთვათ ხორცი, კვერცხი, თევზი, ბოსტნეული, თხილეული და რძის პროდუქტები. ეს პროდუქტები პრაქტიკულად იმდენად მცირე ოდენობით შაქარს და ნახშირწყლებს შეიცავს, რომ რამდენიც არ უნდა ჭამოთ, ბევრი ვერ იქნება ვერანაირად და მით უმეტეს საფრთხეს არ შეუქმნის თქვენს ჯანმრთელობას. პირიქით, რეალურად ეს პროდუქტები ყველაზე ჯანსაღებიც არის ვიტამინების, მინერალების და სხვა საჭირო ნივთიერებების შემადგენლობით, ამაზე ცალკე ვიდეოც მაქვს. ასევე შეიძლება მიირთვათ ხილიც, თუმცა ოდენობა ცოტა უფრო საკონტროლებელია, რადგან მაინც დატვირთულია ნახშირწყლებით, შაქრებით და ცოტა საფრთხილო საკითხია. თუმცა ნებისმიერ შემთხვევაში ბევრად უკეთესია ხილი ვიდრე ცომეული, ტკბილეული, ბურღულეული, გაზიანი სასმელები და თვითონ შაქარი.

ასეთი კვების შემთხვევაში თქვენ პრაქტიკულად მიიღებთ ძალიან მცირე ოდენობით ნახშირწყლებს და შაქრებს, ხოლო გლუკოზის დანაკლისს ღვიძლი შეავსებს თვითონ და აწარმოებს იმდენ გლუკოზას რამდენიც დაგჭირდებათ კონკრეტულ დღეს, იმიტომ რომ გლუკოზის საჭიროება მილიონ ფაქტორზე შეიძლება იყოს დამოკიდებული: თქვენს კუნთოვან მასაზე, ფიზიკურ აქტივობაზე, ჰორმონალურ მდგომარეობაზე, იმაზეც კი თუ რამდენად დატვირთული დღე გაქვთ გონებრივად, რადგან ტვინი გლუკოზის ერთ-ერთი მთავარი მომხმარებელია. და ერთი საკითხია, რომ კონკრეტულ დღეს რამდენი გლუკოზა დაგჭირდებათ ამისი ცოდნა შეუძლებელია და მეორე საკითხია, რომ თქვენმა ორგანიზმმა ყველანაირ კალკულაციაზე უკეთესად იცის რამდენი გლუკოზა გჭირდებათ და თვითონ შეუძლია მოგამარაგოს საჭირო ოდენობით, ნაცვლად იმისა რომ ძალიან ბევრი შაქარი მიიღო და პრობლემები შეუქმნა საკუთარ ჯანმრთელობას.

მოკლედ რეალურად უფრო ყურადღებამისაქვევია რომელი პროდუქტებით იკვებებით და თუ სწორ პროდუქტებს აარჩევთ, საერთოდ არ მოგიწევთ იმაზე ფიქრი ბევრი შაქარი ხომ არ მიიღეთ ან რაიმე მსგავსი. გირჩევთ ნელ-ნელა უფრო და უფრო მეტად შეიტანოთ რაციონში ჩამოთვლილი ხორცი, თევზი, კვერცხი, ბოსტნეული, თხილეული და რძის პროდუქტები და ნელ-ნელა შესაბამისად შეამცირეთ სხვა პროდუქტები რაციონში. სხვათაშორის ასეთ კვების სტილს კეტოგენური კვება ქვია და ამაზეც გვაქვს ცალკე ძალიან ბევრი ვიდეო. ეს არის პრაქტიკულად კვება ყველაზე ჯანსაღი პროდუქტებით და პარალელურად მინიმალური შაქრების შემცველობით. ზოგადადაც როგორც წესი ბუნებაში პროდუქტებს, რომლებსაც ყველაზე ცოტა შაქარი და ნახშირწყლები აქვთ, მეორე მხრივ ყველაზე მეტად არის დატვირთული საჭირო ვიტამინებით, მინერალებით, ცილებით, ჯანსაღი ცხიმებით და ა.შ.

აქვე ორი სიტყვით ვახსენოთ ბევრი შაქრების და ნახშირწყლების მიღება რა პრობლემებს იწვევს და რატომ უნდა მოვერიდოთ: უპირველესყოვლისა დროთა განმავლობაში უარესდება მეტაბოლური ჯანმრთელობა და ვითარდება ინსულინის რეზისტენტულობა, მეორე ტიპის დიაბეტი, გაცხიმოვნებული ღვიძლი, მაღალი არტერიული წნევა, იწევს გულის დაავადებების რისკები ისევე როგორც პრაქტიკულად ყველანაირი დაავადების რისკები, ზიანდება სხვადასხვა ორგანოები, აჩქარებს დაბერების პროცესს, იწვევს წონის მატებას, ნერვულ დაზიანებებს, გონებრივ დაზიანებებს, მხედველობის დაზიანებას და ა.შ. და ა.შ. ეს ყველაფერი, რა თქმა უნდა ძალიან მოკლედ და გამარტივებულად რომ ვთქვათ, თუმცა მგონი ისედაც ცალსახაა რომ შაქარი და ნახშირწყლების შემცირება უნდა დაიწყოთ რაც შეიძლება მალე. თუ ეს ვიდეო მოგეწონათ, დიდი ალბათობით სხვა ვიდეოებიც დაგაინტერესებთ და გადახედეთ აუცილებლად. დღეისათვის კი სულ ეს იყო, შევხვდებით შემდეგ ვიდეოში.

Share

Post comment

Your email address will not be published. Required fields are marked *