თუ ენერგიის ნაკლებობას ხშირად გრძნობ, ამ ვიდეოს უნდა უყურო იმიტომ რომ საერთოდ არ არის გამოსწორება რთული. რა თქმა უნდა, ენერგიის ნაკლებობა ერთი შეხედვით ისეთი ზოგადი სიმპტომია რომ გამოწვევ მიზეზთა სია საკმაოდ დიდი შეიძლება იყოს, თუმცა დღეს ვისაუბრებთ იმ პრობლემაზე რაც ერთი მხრივ ყველაზე გავრცელებულია და ყველაზე დიდი შანსია რომ იწვევდეს ენერგიის ნაკლებობას და მეორე მხრივ ყველაზე მარტივიც არის მოსაგვარებლად.
ახლა რა პრობლემაზეა საუბარი კონკრეტულად. ეს პრობლემა არის ორი უმნიშვნელოვანესი მინერალის, კალიუმისა და მაგნიუმის ნაკლებობა. ეს მინერალები ზოგადად ადამიანების ძალიან დიდ ნაწილს აკლია, რაც უამრავი სიმპტომით გამოიხატება, ამაზე არაერთი ვიდეო გვაქვს, თუმცა ენერგიის ნაკლებობა უკვე ნიშნავს რომ კალიუმის და მაგნიუმის ძალიან სერიოზული დეფიციტი გაქვთ და მალევეა მოსაგვარებელი ეს პრობლემა.
ყველაზე ექსტრემალურ შემთხვევაში თუ მაგალითად მაგნიუმის და კალიუმის ოდენობა სისხლში 0-ს ძალიან დაუხალოვდება, თქვენ შეიძლება უბრალოდ გული წაგივიდეთ, ცუდად გახდეთ და სასწრაფო გახდეს გამოსაძახებელი. მაგრამ თქვენი ორგანიზმი ძალიან ჭკვიანია და მაქსიმალურად ცდილობს რომ ეს ამბავი აგარიდოთ თავიდან და როგორცკი მაგნიუმის ან კალიუმის დონე სისხლში მიუახლოვდება კრიტიკულ ზღვარს, აქტიურდება სტეროიდული ჰორმონი ალდოსტერონი, რაც პრაქტიკულად კარანტინში კეტავს თქვენს ორგანიზმს, რომ მაქსიმალურად შემცირდეს კალიუმისა და მაგნიუმის დანაკარგი და არ განვითარდეს ის სცენარი რაზეც ახლა ვისაუბრეთ.
მოკლედ უნდა იცოდეთ რომ თუ ენერგიის სიმცირეს იწვევს კალიუმის ან მაგნიუმის დეფიციტი, თქვენი ორგანიზმი ან უკვე „კარანტინშია“ ან ძალიან ახლოს ხართ ამ სიტუაციასთან. რა თქმა უნდა, ამ ყველაფერს კიდევ უამრავი გვერდითი ეფექტი აქვს, მაგრამ ეს კიდევ ცალკე ვიდეოს თემაა.
კალიუმი და მაგნიუმი პირდაპირი მნიშვნელობით საჭიროა ორგანიზმში ენერგიის საწარმოებლად, რასაც ვეძახით ATP-ს. ნუ ზოგი ეძახის ატეეფს და ვრცელი სახელია ადენოზინტრიფოსფატი. როგორც ფულის მაჩვენებელი არის მაგალითად დოლარი ან ევრო, მსგავსად ორგანმიზმში ენერგიის ვალუტა არის ATP. ყველანაირი საკვები რასაც იღებთ, თვენს თითოეულ უჯრედში გარდაიქმნება ენერგიად ანუ ATP-დ, რომ შემდეგ ორგანიზმმა შეძლოს მისი გამოყენება სხვადასხვა ფუნქციებში.
ჰოდა ATP-ს საწარმოებლად საჭიროა უკვე ბევრჯერ ნახსენები კალიუმი და მაგნიუმი, თუ თქვენ გაკლიათ თუნდაც ერთ-ერთი მათგანიც კი, რისი ალბათობაც ძალიან მაღალია, ამან შეიძლება გამოიწვიოს უენერგიობა. გარდა ამისა ადრე ენერგიას მეცნიერები ეძახდნენ პირდაპირ მაგნიუმის ATP-ს, იმიტომ რომ ATP-ს წარმოების შემდეგ, მაგნიუმი უნდა შეუერთდეს ATP-ს იმისთვის რომ მოხდეს ენერგიის გააქტიურება და გამოყენებადი გახდეს.
მოკლედ იმედი მაქვს ტერმინებით არ დაგაბნიეთ, მაგრამ ესეიგი მაგნიუმი და კალიუმი საჭიროა ენერგიის წარმოებისთვის და მაგნიუმი დამატებით საჭიროა ამ ენეერგიის მოქმედებაში მოსაყვანად. აქედან გამომდინარე თუ ენერგიის ნაკლებობა გაქვთ, პირველი ეჭვი მაგნიუმის და კალიუმის ნაკლებობაზეა მისატანი.
თანაც ამ ორი მინერალის საჭირო ოდენობით საკვებიდან მიღება ძალიან რთულია, მით უმეტეს მაგნიუმის შემთხვევაში, ამიტომ უფრო ხარისხიანი საკვები დანამატის მიღებას გავუწევდი რეკომენდაციას. იმისთვის რომ საჭირო ოდენობით კალიუმი მიიღოთ უნდა ჭამოთ ყოველდღე 2-3 ავოკადო, ხოლო იმისთვის რომ მაგნიუმი მიიღოთ, უნდა ჭამოთ საშუალოდ 400 გრამი თხილეული ყოველდღე, რაც პრაქტიკულად წარმოუდგენელია.
ხარისხიანი მაგნიუმი და კალიუმი, რა თქმა უნდა, მათ შორის ჩვენს მაღაზიაშიც იყიდება, რომლის მისამართსაც დავტოვებთ კომენტარებში, ასევე შესაძლებელია ონლაინ შეკვეთაც.
აქვე შეიძლება გაგიჩნდეთ კითხვა რომ თვითონ მაგნიუმის და კალიუმის ნაკლებობას რა იწვევს, ნუ ერთი ეს არის თვითონ საკვებიდან გამომდინარე, რადგან საკვების წარმოების პრეცესში ქიმიკატების გამოყენებამ სხვადასხვა ვიტამინების და მინერალების კონცენტრაცია შეამცირა და მათ შორის მოწინავეა ზუსტად მაგნიუმი და კალიუმი.
ასევე ბევრი შაქრის და ნახშირწყლის მიღება ფიტავს ამ ორ მინერალს, იგივენაირად სტრესი და ალკოჰოლი. თუ მარილს ერიდებით, ამანაც შეიძლება გამოიწვიოს მაგნიუმის და კალიუმის დაკარგვა და ასევე ვარჯიში და ფიზიკური აქტივობაც გაცლით ამ ორ მინერალს და კიდევ უფრო მეტია საჭირო.
მოკლედ თუ ენერგიის ნაკლებობა გაწუხებთ, ცალსახად გირჩევთ რომ მიიღოთ მაგნიუმი და კალიუმი, რაც ან მთლიანად მოაგვარებს პრობლემას ან მინიმუმ გაუმჯობესებას მაინც იგრძნობთ. თან მოქმედებას დიდი დრო არ სჭირდება და პირველივე კვირაში იგრძნობთ შედეგს.
მინიმუმ ცდად ღირს, იმიტომ რომ სხვა შემთხვევაში შეიძლება ბევრად უფრო სერიოზულ პრობლემასთან გქონდეთ საქმე, მაგალითად ფარისებრი ჯირკვლის პრობლემებთან. მაგნიუმზე და კალიუმზე ცალ-ცალკე ვიდეობიც გვაქვს და უყურეთ აუცილებლად. დღეისათვის კი სულ ეს იყო, შევხვდებით შემდეგ ვიდეოში.
