ძალიან ბევრი ადამიანი ფიქრობს რომ კალციუმი აკლია. შეიძლება სტომატოლოგმა გითხრათ, შეიძლება თქვენ თვითონ გაგიჩნდათ ეჭვი არაჯანსაღი კბილების ან სუსტი ძვლებიდან გამომდინარე, მაგრამ ნებისმიერ შემთხვევაში არასდროს არ უნდა მიიღოთ კალციუმის საკვები დანამატი და ამ ვიდეოში მინდა გითხრათ რატომ შეიძლება იყოს ეს საშიში.
არაერთმა კლინიკურმა კვლევამ აჩვენა, რომ კალციუმის საკვები დანამატი ზრდის თირკმელებში კენჭების დაგროვებისა და გულის დაავადებების განვითარების რისკებს. მიზეზი უპირველესყოვლისა ის არის, რომ ეს საკვები დანამატები არის ძალიან უხარისხო, ძირითადად შეიცავს კალციუმის კარბონატს, ხოლო მეორე მხრივ ადამიანების უმეტესობა ისედაც საკმარის კალციუმს იღებს საკვებიდან და საკვები დანამატიდან დიდი ოდენობით კალციუმის დამატება უკვე ზედოზირებაა შეიძლება ითქვას.
თქვენს ორგანიზმს და კონკრეტულად თირკმელებს არ შეუძლია სრულად გაფილტროს და თავიდან მოიშოროს ზედმეტი კაცლიუმი, ეს პროცესი ძალიან არაეფექტურად მუშაობს, რასაც მაგალითად ვერ ვიტყვით მარილზე. თუ თქვენ მიიღებთ ბევრ მარილს რაც შეიცავს მინერალებს ნატრიუმს და ქლორიდს, თქვენს ორგანიზმს სრულიად უპრობლემოდ შეუძლია მოიშოროს არასაჭირო მარილი. თუმცა რადგან ეს ვერ ხდება კალციუმის შემთხვევაში, ეს ზედმეტი კალციუმი იჭედება ორგანიზმში და უკვე იწვევს თირკმელებში კენჭების დაგროვებას, გულის დაავადებებს და ა.შ.
ამიტომ ყოველთვის ყველანაირად უნდა მოერიდოთ კალციუმის საკვები დანამატის მიღებას. თანაც საკვები დანამატების უმეტესობა შეიცავს კალციუმის კარბონატს(Calcium Carbonate), რაც უბრალოდ პირდაპირ კენჭებია ჩათვალეთ და კიდევ უფრო დიდი საფრთხის შემცველია თირკმელებისთვის. სხვათაშორის ამ ინგრედიენტს ბევრ მულტივიტამინშიც იპოვით და თუ სვამთ, შეამოწმოთ აუცილებლად.
მეორე მხრივ თქვენ შეიძლება სვამდეთ მაგალითად მაგნიუმს, რადგან საკვებიდან საკმარისი ოდენობის მიღება პრაქტრიკულად შეუძლებელია, მაგრამ კალციუმი როგორც წესი ისედაც საკმაო ოდენობით არის თქვენს საკვებში და საკვები დანამატის დალევის საჭიროება არც არსებობს რეალურად, იმ ყველაფერს რომ თავი დავანებოთ რაზეც ახლა ვისაუბრეთ.
ასევე სინამდვილეში კალციუმის ნაკლებობის გამომწვევი ხშირად საერთოდაც არ არის კალციუმის სიმცირე რაციონში. ვიცი უცნაურად ჟღერს, მაგრამ ის რომ თქვენს საკვებში არის კალციუმი, მაგალითად შეიძლება ბევრ ისპანახს ჭამთ რაც კალციუმს შეიცავს, ეს საერთოდ არ ნიშნავს რომ თქვენ ამ კალციუმს ითვისებთ და არც იმას ნიშნავს, რომ შემდეგ იყენებს თქვენი ორგანიზმი ამ მინერალს.
იმისთვის რომ თქვენ აითვისოთ კალციუმი, გჭირდებათ D3 ვიტამინი, ხოლო იმისთვის რომ გამოიყენოთ ეს კალციუმი კბილების გასამაგრებლად, ძვლების გასამაგრებლად და ა.შ. გჭირდებათ K2 ვიტამინი და მაგნიუმი. ეს 3 ნივთიერება კი ადამიანების ძალიან დიდ ნაწილს აკლია. შესაბამისად შეიძლება თქვენ საკვებიდან საკმარის კალციუმს იღებდეთ, მაგრამ არ გქონდეთ ორგანიზმში საკმარისი D3 ვიტამინი, K2 ვიტამინი და მაგნიუმი, რის შედეგადაც კალციუმი თითქმის უსარგებლო ხდება.
ამიტომ თუნდაც კალციუმი გაკლდეთ და კალციუმის ნაკლებობის სიმპტომები იყოს გამოხატული, თქვენ უნდა მიიღოთ ეს 3 ნივთიერება და არა კალციუმის საკვები დანამატი, რომლის ავკარგიანობაზეც უკვე ვისაუბრეთ.
ასევე თქვენ შეიძლება იცოდეთ, რომ ჩვენ გვაქვს ჯანსაღი მაღაზია, სადაც იყიდება უამრავი უშაქრო პროდუქტები, საკვები დანამატები და ა.შ. თუმცა ზუსტად იმ მიზეზის გამო რომ კალციუმის საკვები დანამატის მიღება დაკავშირებულია თირკმელებში კენჭების დაგროვებასთან და გულის დაავადებებთან, ჩვენ უბრალოდ არ შემოვიტანეთ ეს პროდუქტი ჩვენს მაღაზიაში. თუმცა საუკეთესო ხარისხის ნატურალური D3 ვიტამინი, K2 ვიტამინი და მაგნიუმი ნამდვილად შეგიძლიათ შეიძინოთ ჩვენთან, ჩვენი მაღაზიის მისამართი: ვაჟა-ფშაველას 12 , გვეწვიეთ აუცილებლად, ასევე შეგიძლიათ შეიძინოთ ჩვენი საიტიდან Ketogen.ge და კურიერი მოგიტანთ მისამართზე მთელი საქართველოს მასშტაბით.
ერთადერთი სიტუაცია როცა შეიძლება დაგჭირდეთ კალციუმის საკვები დანამატი, ეს არის მაშინ როცა უპირველესყოვლისა დაგიდასტურდათ კალციუმის ნაკლებობა კონკრეტულ ანალიზებზე დაყრდნობით, როცა შემდეგ დაიწყეთ ჩამოთვლილი 3 ნივთიერების მიღება და გარკვეული პერიოდის შემდეგ თუ მდგომარეობა არ გაუმჯობესდა, ასეთ შემთხვევაში შეიძლება ექიმმა დაგინიშნოთ კალციუმის დანამატი. მაგრამ აქაც მნიშვენლოვანია ხარისხიანი დანამატის შერჩევა.
ნებისმიერ შემთხვევაში ეს სიტუაცია როგორც წესი არასდროს დგება, რადგან როგორც წესი საკვებიდან ისედაც იღებთ საკმარის კალციუმს და პრობლემა უფრო D3 ვიტამინის, K2 ვიტამინის და მაგნიუმის ნაკლებობა არის ხოლმე. კალციუმი რა თქმა უნდა, ძალიან საჭირო და სასარგებლოა, თუმცა კალციუმი უნდა მიიღოთ საკვებიდან და არა საკვები დანამატიდან, რაც საერთოდ არ არის რთული. თუ ეს ვიდეო მოგეწონათ, დიდი ალბათობით ჩვენი სხვა ვიდეოებიც დაგაინტერესებთ და გადახედეთ აუცილებლად, შევხვდებით შემდეგ ვიდეოში.
