მოკლედ რომელ აფთიაქშიც არ უნდა შეხვიდეთ და რომელ საკვები დანამატების მაღაზიაშიც არ უნდა შეიხედოთ, ყველაზე მეტი და მილიონნაირი იყიდება ზუსტად ომეგა 3, მაგრამ პრობლემა ის არის რომ უმეტესობა არის გამოუსადეგარი და შეიძლება ზოგი საზიანოც კი იყოს პირიქით.
ამიტომ ამ ვიდეოში მინდა გითხრათ როგორ აარჩიოთ ხარისხიანი ომეგა 3-ის საკვები დანამატი, რომელსაც მართლა ექნება ის პოზიტიური ეფექტები რაც ვიცით და ცნობილია, ეს იქნება გონებრივი ფუნქციების გაუმჯობესება, კანის გაუმჯობესება, იმუნიტეტის გაძლიერება თუ ა.შ.
ზოგადად ომეგა 3-ის დღიური დოზა არის საშუალოდ 1500-დან 2000 მილიგრამამდე. ეს ინფორმაცია მინდა კარგად დაიმახსოვროთ, რადგან მთელი ვიდეოს განმავლობაში გამოგადგებათ. ახლა გადავიდეთ უკვე საკითხზე.
ომეგა 3-ის საკვებ დანამატზე საუბარი აუცილებლად უნდა დავიწყოთ მარკეტინგული ხრიკით, რომლითაც ბევრი ადამიანი შეცდომაში შეყავთ ხოლმე და მე თუ მკითხვათ, საერთოდ არც უნდა იყოს ლეგალური მაგის გაკეთება.
თუ თვალს გადაავლებთ ამ საკვებ დანამატებს, ძალიან ბევრს აწერია გარედან დიდი ასოებით ომეგა 3 – 1000 მგ, ანუ ეს ნიშნავს რომ თითო თევზის ცხიმის კაფსულაში უნდა იყოს 1000 მგ ომეგა 3.
ხოდა 1000 მგ რომ ისედაც არასაკმარისი ოდენობაა ეგ ცალკე საკითხია, მაგრამ უფრო მნიშვნელოვანი და ყურადღებამისქცევი ისაა რომ სინამდვილეში ამ საკვებ დანამატებში საერთოდ არ არის 1000 მგ ომეგა 3.
საქმე იმაშია რომ ეს დიდი ასოებით დაწერილი რიცხვები როგორც წესი ასახავს ცხიმის ოდენობას ერთ კაფსულაში, მაგრამ ამ ცხიმში კონკრეტულად ომეგა 3 რამდენია, ეს წარწერა ამაზე არაფერს გვეუბნება.
რეალური ომეგა 3 არის DHA და EPA ანუ დოკოზაჰექსანის მჟავა და ეიკოზაპენტანის მჟავა, ჰოდა როგორც წესი ომეგა 3-ის შემადგენლობა ამ 1000 მილიგრამ ცხიმში არის ხოლმე 300 მგ, ძალიან იშვიათ შემთხვევებში შეიძლება იყოს 500 მგ.
ანუ ნამდვილი ომეგა 3 არის იმის მესამედი რაც აწერია შეფუთვას გარედან დიდი ასოებით და თუ თქვენ უკანა მხარეს არ წაიკითხავთ შემადგენლობას და არ ნახავთ DHA და EPA რამდენია შიგნით, უბრალოდ შეცდომაში შეგიყვანთ ეს ყველაფერი.
მე მაგალითად საერთოდ ამორალური მგონია რომ გარედან აწერია 1000 მგ, რაც ცხიმის ოდენობაა და არა ომეგა 3-ის, არადა მე ცხიმს არ ვყიდულობ, არამედ ვყიდულობ ომეგა 3-ს და ლოგიკურად გარედანაც ამ ომეგა 3-ის ოდენობა უნდა ეწეროს.
როგორც ვიდეოს დასაწყისში ვახსენე, თქვენ გჭირდებათ დღეში საშუალოდ 1500-დან 2000 მილიგრამამდე ომეგა 3, პრაქტიკულად 6-ჯერ და 7-ჯერ მეტი ვიდრე ასეთი საკვები დანამატები შეიცავს, რაც უბრალოდ არაფერში ეყოფა თქვენს ორგანიზმს.
თანაც როგორც წესი ამ საკვებ დანამატებში ზუსტად 30 კაფსულა არის ხოლმე ანუ ვითომ 30 დღის დოზაა გათვალისწინებული და თეორიულად კი შეიძლება რამდენიმე კაფსულა დალიოთ, მაგრამ მაშინ გამოვა რომ 30 დღის კი არა 5 დღის დოზაა შეფუთვაში.
მოკლედ პირველი უნდა მიაქციოთ ყურადღება რეალური ომეგა 3 რა ოდენობით არის საკვებ დანამატში და რამდენი კაფსულაა. ვთქვათ თუ ერთ კაფსულაში იქნება 500-600 მგ ომეგა 3 და სულ 90 კაფსულა, მაშინ უკვე დღიური დოზა 3 კაფსულა გამოვა და მთელი თვე გეყოფათ.
შემდეგი რაც უნდა იცოდეთ არის ის, რომ ომეგა 3 არის ძალიან მოწყვლადი ცხიმოვანი მჟავა ანუ ეს იმას ნიშნავს რომ მაგალითად უბრალოდ არასწორ ტემპერატურასაც შეუძლია გაანადგუროს ომეგა 3.
და ეს საკმაოდ ცუდი ამბავია, იმიტომ რომ თქვენ საიდან გეცოდინებათ რა პირობებში მოხდა ომეგა 3-ის ტრანსპორტირება და კონტროლდებოდა თუ არა ტემპერატურა ყველა პროცედურის განმავლობაში.
თუმცა მეორე მხრივ ჩვენ ვიცით, რომ თვითონ თევზში ომეგა 3 რომ არ განადგურდეს, ბუნებამ შექმნა ძალიან ჭკვიანური სისტემა და თევზს რაც უფრო მეტი ომეგა 3 აქვს ორგანიზმში, ასევე უფრო მეტი E ვიტამინი, ასტაქსანტინი და სხვა ანტიოქსიდანტები აქვს.
ეს ანტიოქსიდანტები იცავს ომეგა 3-ს ოქსიდაციური სტრესისა და განადგურდებისგან, შესაბამისად როცა თქვენ ყიდულობთ საკვებ დანამატს, აუცილებელია რომ შეიცავდეს E ვიტამინს ან სხვა ასევე ძლიერ ანტიოქსიდანტს.
რა თქმა უნდა, ეს არ ნიშნავს რომ შეგიძლიათ ომეგა 3 ვთქვათ 40 გრადუს სიცხეში დადოთ, მაგრამ E ვიტამინი არის პრაქტიკულად დამცავი და ჩამკეტი მექანიზმი, რომ ომეგა 3 დაიცვას სხვადასხვა გარე ფაქტორებისა და ზოგადად განადგურებისგან.
თუ იყიდით ომეგა 3-ს, რომელსაც ასეთი დამცავი მექანიზმი არ აქვს, ძალიან დიდია შანსი რომ ამ დანამატში ომეგა 3 საერთოდ აღარ იქნება შემორჩენილი და ცხიმი იქნება უკვე ტოქსიკური და ოქსიდირებული.
ეს კი უკვე არათუ სასარგებლო, არამედ სერიოზულად საზიანოა თქვენთვის და ზრდის პრაქტიკულად ყველანაირი დაავადების განვითარების რისკებს, ეს იქნება დიაბეტი, გულის დაავადებები თუ ა.შ.
აქვე დავამატებდი რომ ასევე აუცილებლად მიაქციეთ ყურადღება ომეგა 3-ის საკვებ დანამატში შემადგენლობა რამდენ კაფსულაზეა მოცემული ანუ თუ აწერია რომ 500 მგ ომეგა 3-ს შეიცავს, დააკვირდით ეს 1 კაფსულაზეა ნაჩვენები, 2 კაფსულაზე თუ ა.შ.
ომეგა 3 ზოგადად ძალიან საინტერესო საკითხია და ბევრი შეგვიძლია ვისაუბროთ სხვადასხვა მიმართულებით, თუმცა ამ ვიდეოში ძალიან რომ არ გაგვიგრძელდეს, კომენტარებში დაწერეთ თუ გაინტერესებთ ეს თემა და ცალკე გავაკეთებ ვიდეოებს ომეგა 3-ზე.
ასევე გირჩევთ გადახედოთ ჩვენს სხვა ვიდეოებს, თუ ეს ვიდეო მოგეწონათ, სხვებიც დაგაინტერესებთ აუცილებლად. დღეისათვის კი სულ ეს იყო, შევხვდებით შემდეგ ვიდეოში.
