ომეგა 3: არ დაუშვა შეცდომა, აარჩიე სწორად!

სანამ ომეგა 3-ს იყიდი, რამდენიმე კრიტერიუმი უნდა გაითვალისწინო და არცერთ შემთხვევაში არ იყიდო ომეგა 3 უბრალოდ ბრენდის მიხედვით. პირველი კრიტერიუმი და პირველი რამ, რაც უნდა იცოდე, ის არის, რომ როცა ომეგა 3-ს აწერია 1000 მილიგრამი, ეს არ ნიშნავს არაფერს.

იმიტომ რომ 1000 მილიგრამი აღნიშნავს თევზის ცხიმის ოდენობას ერთ კაფსულაში და არა ომეგა 3-ის ოდენობას, არადა ჩვენ ომეგა 3 გვჭირდება და ომეგა 3-ის ოდენობა გვაინტერესებს ზუსტად. ერთ კაფსულაში ისედაც 1000 მილიგრამი ცხიმი ეტევა, ამაში განსაკუთრებული არაფერია და პრაქტიკულად ყველა ბრენდის შემთხვევაში ასეა, უნდა დააკვირდეთ ომეგა 3 რამდენია ამ 1000 მილიგრამში ანუ 1 კაფსულაში.

ზრდასრულ ადამიანს დღეში სჭირდება საშუალოდ 1500-დან 2000-მდე ომეგა 3, ხოლო ერთ კაფსულაში შეიძლება იყოს 50 მილიგრამი ომეგა 3-იც და 550 მილიგრამიც. ამიტომ არის საჭირო ნახოთ შემადგენლობა პროდუქტის უკანა მხარეს.

მეორე რამ, რაც უნდა იცოდე, ისაა რომ ომეგა 3 აღინიშნება აბრევიატურებით EPA და DHA, ეს არის ომეგა 3-ის ორი ნაირსახეობა და ორივე საჭიროა. ამიტომ როცა ნახავთ პროდუქტის შემადგებლობას, იქ როგორც წესი ეწერება ვთქვათ თევზის ცხიმი 1000 მილიგრამი და შემდეგ ეწერება რამდენი EPA და DHA შედის ამ 1000 მილიგრამში.

იმისთვის რომ გაიგოთ რამდენი ომეგა 3-ია ერთ კაფსულაში, უნდა შეკრიბოთ EPA და DHA. მაგალითად შეიძლება ეწეროს 300 მგ EPA და 200 მგ DHA, შესაბამისად გამოვა რომ ერთ კაფსულაში 500 მგ ომეგა 3-ია.

ასევე არსებობს ომეგა 3-ის მესამე ნაირსახეობაც, რაც არის ALA და ეს არის მცენარეული ომეგა 3. თუმცა მცენარეულ ომეგა 3-ს ადამიანის ორგანიზმი თითქმის ვერ ითვისებს და ყურადღება უნდა მიაქციოთ, რომ პროდუქტში ომეგა 3 მოცემული იყოს მხოლოდ თევზის ცხიმის ფორმით ანუ მხოლოდ EPA და DHA.

მცენარეული ომეგა 3 ხანდახან არის ხოლმე შერეული, იმიტომ რომ უფრო იაფია როგორც წესი, მაგრამ ადამიანისთვის დიდად გამოსადეგი არ არის. მაგალითად როგორც 2018 წელს გამოქვეყნებულმა კვლევამ აჩვენა, მცენარული ომეგა 3 ძალიან მცირე ოდენობით გარდაიქმნება აქტიურ ფორმად და არ არის კარგი წყარო ომეგა 3-ის მისაღებად:
“Our results confirm that the intake of ALA is not a sufficient source for the increase of EPA + DHA in subjects on a Western diet. Specifically, a high-ALA diet results in increased EPA and declined DHA concentrations.”

მესამე კრიტერიუმი: ომეგა 3-ის დანამატში არ უნდა იყოს მხოლოდ 30 კაფსულა, როგორც ხშირად არის ხოლმე და მიზეზი ძალიან მარტივია, 30 კაფსულა ფიზიკურად არაფერში არ გეყოფათ.

როგორც უკვე ვთქვით დღეში საჭიროა 1500-დან 2000 მილიგრამამდე ომეგა 3 და თუნდაც ერთ კაფსულაში შედიოდეს 500 მგ ომეგა 3, დღეში მაინც 3 კაფსულის მიღება იქნება საჭირო და თუ კაფსულაში 300, 200 ან 100 მილიგრამი ომეგა 3 შედის, ხომ საერთოდ კიდევ უფრო მეტი კაფსულა დაგჭირდებათ ყოველდღიურად.

აქედან გამომდინარე 30 კაფსულა ყველაზე კარგ შემთხვევაში, სულ რამდენიმე დღის დოზა იქნება, რაც თავისთავად ძალიან ცოტაა, მით უმეტეს იმის გათვალისწინებით, რომ ომეგა 3-ს სწრაფი ეფექტი არ აქვს და რამდენიმე დღეში არანაირი შედეგი არ ექნება.

კრიტერიუმი N4: ომეგა 3-ის დანამატში აუცილებლად უნდა შედიოდეს E ვიტამინი, ასტაქსანტინი ან სხვა ძლიერი ანტიოქსიდანტი. ომეგა 3 არის ძალიან მოწყვლადი და სენსიტიური ცხიმოვანი მჟავა, რის გამოც შეიძლება მარტივად დაზიანდეს და პროდუქტში შეიძლება შემცირდეს ომეგა 3-ის ოდენობა.

ამიტომ აუცილებელია დანამატში შედიოდეს ძლიერი ანტიოქსიდანტი, რაც შეამცირებს ოქსიდაციურ სტრესს და ომეგა 3-ის დაზიანების ალბათობას.

კრიტერიუმი N5: ომეგა 3, რომელსაც იყიდით, არცერთ შემთხვევაში არ უნდა იყოს ე.წ. ომეგა 3 6 9. ეს პროდუქტი არის უბრალოდ მარკეტინგული ტყუილი და მეტი არაფერი.

ამ პროდუქტში შედის ომეგა 3, ომეგა 6 და ომეგა 9, მაგრამ დამატებით ომეგა 6 და ომეგა 9 საერთოდ არ ჭირდება ადამიანს, საკვებიდან ხშირად საკმარისზე მეტსაც იღებთ და რადგან დანამატში ეს ორიც არის დამატებული, თვითონ ომეგა 3 კიდევ უფრო მცირე ოდენობით არის ხოლმე მოცემული, რაც ამ პროდუქტში ერთადერთია რაც მართლა საჭიროა.

ანუ ეს არის პროდუქტი, სადაც რაც საჭიროა, ის შედის ცოტა და რაც არ გჭირდებათ, ის შედის ბევრი. უბრალოდ დაფიქრებადაც არ ღირს.

ბონუსად გეტყვით რომ დანამატში ომეგა 3-ის ოდენობა შეიძლება იყოს მოცემული არა მილიგრამებით, არამედ პროცენტებით. მაგალითად ნაცვლად იმისა რომ ეწეროს 300 მგ EPA და 200 მგ DHA, შეიძლება ეწეროს 30% EPA და 20% DHA, რაც ნიშნავს რომ 1000 მილიგრამში არის 50% ომეგა 3 ანუ კვლავ 500 მილიგრამი. მოკლედ ამან არ დაგაბნიოთ.

ასევე ხშირად გვეკითხებიან ხოლმე რომ რომელი ქვეყნის ან რომელი ბრენდის ომეგა 3-ა საუკეთესო და ამაზე პასუხი არის ძალიან მარტივი. ბრენდს არანაირი მნიშვნელობა არ აქვს, იმიტომ ყველა ბრენდს აქვს როგორც ხარისხიანი დანამატები, ასევე უხარისხო და უნდა წაიკითხოთ შემადგენლობა, რაზეც ახლა ვისაუბრეთ. ხარისხი უდრის შემადგენლობას.

ხოლო მწარმოებელ ქვეყანას რაც შეეხება, მთავარია დანამატი იყოს წარმოებული ევროკავშირში ან ამერიკაში, რაც ითვლება უმაღლეს სტანდარტად. ხოლო რუსეთში, თურქეთში, ინდოეთში და მსგავს ქვეყნებში წარმოებული დანამატი რომ არ უნდა იყიდოთ, ამას თქმა არ ჭირდება.

თუ რეალურად ეფექტური ვიტამინები და დანამატები გაინტერესებთ, რა თქმა უნდა, ჩვენთან შეიძენთ. ჩვენი მაღაზიის მისამართი: ვაჟა-ფშაველას გამზ. 12. შევხვდებით შემდეგ ვიდეოში.