მარილი არის ალბათ ერთ-ერთი ყველაზე კონტრავერსიული თემა და ამავდროულად ძალიან საინტერესოც, ამიტომ ამ ვიდეოში ვისაუბრებთ უპირველესყოვლისა მარილის როლზე ორგანიზმში და რა სიმპტომები შეიძლება ახლდეს მარილის ნაკლებობას.
ასევე განვილიხავთ იმ პოტენციურ საფრთხეებს, რაც მარილთან ასოცირდება ხოლმე საზოგადოებაში, რა შემთხვევაში შეიძლება იყოს საშიში მარილი და რატომ შეიძლება მარილის ნაკლებობა იწვევდეს წონის მატებას.
მოკლედ მოდით ჯერ დავიწყოთ მარილის ფუნქციებით, ზოგადად მარილი არის უბრალოდ ორი მინერალის ნაერთი, ეს არის ნატრიუმი და ქლორი, და ორივეს ძალიან ფუნდამენტური ფუნქციები აქვთ ორგანიზმში.
ნატრიუმი საჭიროა იმისთვის რომ ორგანიზმმა შეინარჩუნოს სითხის ბალანსი და ზედმეტი სითხე არ დაკარგოს. თუ ეს სიტყვები მაინც და მაინც არაფერს გეუბნებათ, ახლავე აგიხსნით ყველაფერს.
თუ თქვენ დაკარგავთ ზედმეტ წყალს, ერთი მხრივ წნევა ძალიან დაეცემა, იმიტომ რომ უბრალოდ სისხლის მოცულობა შემცირდება და მეორე მხრივ, ორგანიზმში სითხესთან ერთად გადაადგილდება მინერალები და შესაბამისად გამოფიტებით სხვადასხვა მინერალებისგანაც, რასაც კიდევ მილიონი პრობლემა მოყვება.
მინერალებს რა თქმა უნდა უამრავი ფუნქცია აქვთ ორგანიზმში, ეს იქნება ვთქვათ ენერგიის წარმოება, კუნთების შეკუმშვა-მოდუნების ფუნქციის გამართულად მუშაობა, მათ შორის გულის შეუფერხებლად მუშაობა, დაძინება, უჯრედების შექმნა, ძვლების გამაგრება, იმუნიტეტის გაძლიერება და ა.შ.
ამიტომ თუნდაც ძალიან ბევრ მინერალს იღებდეთ საკვებიდან ან თუნდაც დანამატის სახით, თუ არ მიიღებთ საკმარის მარილს, უბრალოდ ისევე გამოიდევნება მინერალები ორგანიზმიდან როგორც მიიღეთ.
რაც შეეხება ქლორს, ამ მინერალს ბევრად ნაკლებ ყურადღებას აქცევენ ხოლმე თუმცა არანაკლებ მნიშვნელოვანია. ზოგადად კუჭში გვაქვს და უნდა გვქონდეს ძალიან ძლიერი მჟავა, რომელიც გვეხმარება საკვების მონელებაში და ამ საკვებიდან ნივთიერებების შეთვისებაში.
ეს არის ჰიდროქლორიდის მჟავა ანუ ორგანიზმს ჭირდება ქლორი რომ აწარმოოს ეს მჟავა. მეორენაირად საერთოდ მარილმჟავასაც კი ეძახიან ხოლმე, პირდაპირ სახელშია ჩადებული რომ მარილია საჭირო.
თუ თქვენ არ გექნებათ საკმარისად ძლიერი მჟავა კუჭში, ძალიან გაგიჭირდებათ საჭირო ნივთიერებების შეთვისება, მათ შორის განსაკუთრებით ცილების, ამინოჟავების და მინერალების, ისევ და ისევ.
მოკლედ თუ მარილს არ მიიღებთ საკმარისად, ჯერ ხო საერთოდ ძალიან გაგიჭირდებათ სხვა მინერალების შეთვისება საკვებიდან და შემდეგ ორგანიზმი მაინც ვერ შეინარჩუნებს ისევ მარილის ნაკლებობის გამო და მინერალების ნაკლებობა გარანტირებული გაქვთ.
თუ მაგალითად სწრაფად წამოდგომის დროს თვალებში გიბნელდებათ, ეს არის უკვე სერიოზული სიმპტომი რომ მარილი აკლია ორგანიზმს. ასევე მარილის ნაკლებობით შეიძლება იყოს გამოწვეული: ენერგიის ნაკლებობა, თავის ტკივილი, სისუსტე, კუნთების სპაზმი, იმუნიტეტის დასუსტება, ძილის პრობლემები, საკვების მოუნელებლობა და ა.შ.
რა თმა უნდა, ეს სიმპტომები შეიძლება სხვა ნივთიერებების ნაკლებობამ ან რაიმე სხვა პრობლემამ გამოიწვიოს, თუმცა იგივენაირად შეიძლება უბრალოდ არასაკმარისი მარილის ბრალი იყოს.
თანაც ვთქვათ თუ სუსტად გრძნობთ თავს, შეგიძლიათ უბრალოდ მარილიანი წყალი დალიოთ ან რაიმე ფორმით მიიღოთ მარილი და მალევე გაიგებთ ამით იყო გამოწვეული თუ არა. მოკლედ ძალიან მარტივად დასატესტია ეს ამბავი.
ის რომ ორგანიზმისთვის ზემნიშვნელოვანია მარილი კიდევ იმით დასტურდება რომ როგორცკი მარილის დონე და ამ შემთხვევაში ნატრიუმის დონე ჩამოცდება კრიტიკულ ზღვარს, ორგანიზმი ააქტიურებს სტრესის ჰორმონებს ალდოსტერონს და კორტიზოლს, რომ როგორც შეუძლია შეინარჩუნოს მარილი ორგანიზმში.
და ჩემი სხვა ვიდეოები თუ ნანახი გაქვთ, უკვე გეცოდინებათ რომ როცა ორგანიზმი ქრონიკულად სტრესის რეჟიმშია, თქვენ ბევრად უფრო მიდრეკილი ხართ წონის მატებისკენ და პრაქტიკულად ყველანაირი დაავადების განვითარების რისკი იზრდება.
ასევე როცა საკმარისი მარილი არ გაქვთ სისხლში, თქვენს ორგანიზმს უწევს რომ ეს მარილი ამოიღოს ძვლებიდან, რომ მოგაწოდოთ საკმარისი ოდენობა. ხოლო მარილთან ერთად ძვლებიდან გამოაქვს კალციუმი და მაგნიუმიც, რაც სულაც არ არის კარგი ამბავი.
კალციუმი, მაგნიუმი და მარილიც არის უმნიშვნელოვანესი თქვენი ძვლების სიჯანსაღისთვის და უბრალოდ იმიტომ რომ თქვენ საკმარის მარილს არ იღებთ, ეს ავტომატურად ფიტავს თქვენს ძვლებს, კბილებს და ა.შ.
და მთავარი საკითხი, რის გამოც დემონიზირებულია მარილი და მისი გამოყენება არის მოსაზრობა, რომ მარილი უარყოფითად მოქმედებს და ზრდის არტერიულ წნევას, რაც პირდაპირ რომ ვთქვათ უბრალოდ სისულელეა უმეტესწილად.
კი მარილმა შეიძლება ზოგ სიტუაციაში გაზარდოს არტერიული წნევა, მაგრამ ორგანიზმი ძალიან ჭკვიანია და ძალიან მალევე შეუძლია დაარეგულიროს ეს ამბავია ყველანაირი პრობლემის გარეშე.
თანაც პირიქით, მარილის ნაკლებობამ შეიძლება გამოიწვიოს არტერიული წნევის სერიოზულად ზრდა. როგორც უკვე ვახსენე თუ თქვენ გაქვთ მარილის ნაკლებობა, ორგანიზმი კარგავს მინერალებს და მათ შორის ძალიან მნიშვნელოვან მაგნიუმს და კალიუმს.
არადა მაგნიუმი და კალიუმი არის ზუსტად ის მინერალები, რომლებიც არეგულირებელ არტერიულ წნევას, უზრუნველყოფენ გულის გამართულად მუშაობას და ა.შ. აქედან გამომდინარე ზუსტადაც ცოტა მარილის მიღება იწვევს მაღალ არტერიულ წნევას.
არტერიულ წნევაზე რაც მართლა ცუდად მოქმედებს, ეს არის ბევრი შაქარი და ნახშირწყლები, რაც უსაზღვროდ ზრდის სისხლში ინსულინის დონეს, რაც უკვე პირდაპირ ზრდის არტერიულ წნევას.
თანაც როცა წლების განმავლობაში იღებთ ბევრ შაქრებს და ნახშირწყლებს, ნელ-ნელა ვითარდება ინსულინის რეზისტენტულობა, რაც ხელს უშლის ორგანიზმში მარილის ჯანსაღად ცირკულაციას და შედეგად ორგანიზმში აკუმულირდება ზედმეტად ბევრი მარილი.
ამიტომ თუ თქვენ არტერიულ წნევაზე ღელავთ, სინამდვილეში ნახშირწყლების და შაქრების შეზღუდვაზე უნდა აკეთებდეთ აქცენტს და არა მარილის შეზღუდვაზე.
კი თუ თქვენ გაქვთ გარკვეულ დონეზე განვითარებული ინსულინის რეზისტენტულობა და მიიღებთ ძალიან ბევრ მარილს, ამან შეიძლება გააუარესოს არტერიული წნევა, მაგრამ ისევ და ისევ იმიტომ რომ თქვენ ბევრ ნახშირწყლებს და შაქრებს იღებთ.
თორემ ჩვეულებრივ შემთხვევაში, რამდენი მარილიც არ უნდა მიიღოთ და თუნდაც ყველანაირ ზღვარს გადახვიდეთ, თქვენს ორგანიზმს აქვს შესაძლებლობა რომ თირკმელების საშუალებით უბრალოდ მოიშოროს ზედმეტი მარილი.
და სხვათაშორის როცა თირკმელებს არ აქვთ იმის ფუფუნება რომ მარილი ძალიან თავისუფლად გამოათავისუფლოს ორგანიზმიდან, თირკმელებს უწევთ ჯერ გაფილტრონ მარილი და შემდეგ ისევ აითვისონ, რათა ორგანიზმი არ გამოიფიტოს მარილისგან.
ამ ყველაფრისთვის კი თირკმელებს ზედმეტად დიდი და არასაჭირო ძალისხმევა ჭირდებათ, რაც ზრდის თირკმელების დაზიანების რისკებს. ჯანსაღ მდგომარეობაში თირკმელებს არ უნდა უწევდეთ მარილის უკან ათვისება.
რამდენი მარილი უნდა მივიღოთ დღეში? მე ვიტყოდი რომ მარილის მინიმალური დღიური დოზა არის 1 ჩაის კოვზი, თუმცა სხვადასხვა სიტუაციიდან გამომდინარე შეიძლება უფრო მეტი მარილიც დაგჭირდეთ.
ზოგადად თქვენს ორგანიზმს აქვს ძალიან ჭკვიანური მეთოდი, რომ გაგაგებინოთ არის თუ არა უფრო მეტი მარილი საჭირო და სანამ მარილიანი საკვები გემრიელად გეჩვენებათ, მანამდე ესეიგი ორგანიზმს ჭირდება და აკლია მარილი.
როგორცკი საკმარისი მარილი გექნებათ ორგანიზმში, მარილიანი საკვები უბრალოდ უფრო და უფრო ნაკლებად გემრიელი გახდება თქვენთვის. ორგანიზმი გემოს რეცეპტორების ცვლილებით გეუბნებათ საჭირო არის თუ არა მარილის დამატება.
თუ მაგალითად ყავას სვამთ, ვარჯიშობთ ან უბრალოდ ფიზიკურად აქტიური ადამიანი ხართ, ამ შემთხვევაში თქვენ ბევრად მეტი მარილი დაგჭირდებათ. შეიძლება ეს იყოს 2 ჩაის კოვზი დღეში ან მეტიც.
შეგიძლიათ ჩვეულებრივად საკვებს მოაყაროთ ან თუნდაც წყალში გახსნათ და დალიოთ, მოკლედ როგორც თქვენ გეკომფორტულებათ, მთავარია რომ მარილი მიიღოთ ყოველდღიურად.
თუ გაინტერესებთ მეტი ჯანმრთელობასა და წონის კლებაზე, გირჩევთ ჩვენს სხვა ვიდეოებს უყუროთ, შევხვდებით შემდეგ ვიდეოში.
