სელენის 4 სასარგებლო თვისება (+საკვები წყაროები) - Ketogen.ge

სელენი რატომღაც ცოტა ნაკლებად ცნობილი მინერალია, არადა რეალურად ბევრ ცნობილ მინერალზე საჭიროა თქვენი ორგანიზმისთვის. ამ ვიდეოში ვისაუბრებთ სელენის სასარგებლო თვისებებზე და გეტყვით რომელი საკვებიდან შეგიძლიათ მიიღოთ ეს მინერალი რომ დეფიციტი თავიდან აირიდოთ.

მოკლედ დავიწყოთ იმით, რომ სელენი კრიტიკულად მნიშვნელოვანია ფარისებრი ჯირკვლის ფუნქციონირებისთვის და აი ფარისებრ ჯირკვალთან ხუმრობა კი ნამდვილად არ ღირს, თუკი გქონიათ შეხება მსგავს პრობლემასთან, ნამდვილად დამეთანხმებით. ფარისებრი ჯირკვალი არის როგორც სიჩქარის მარეგულირებელი ორგანიზმში და აკონტროლებს ყველანაირ ბიოქიმიურ პროცესს რაც კი შეიძლება გაგახსენდეთ ან არ გაგახსენდეთ. ფარისებრი ჯირკვალი აკონტროლებს მაგალითად თქვენი მეტაბოლიზმის სიჩქარეს და ამის გამო ხშირად როგორცკი პრობლემა იქმნება ფარისებრ ჯირკვალთან, მაშინვე ძალიან სწრაფად იმატებენ ხოლმე წონაში, ფარისებრი ჯირკვალი აკონტროლებს თუ რამდენად სწრაფად გაიზრდება თქვენი თმა ან თუნდაც ფრჩხილები და ფარისებრი ჯირკვლის პრობლემები პირდაპირ ითარგმნება ხოლმე უხარისხო ფრჩხილებში, თმებში ან თმის ცვენაში, ასევე აკონტროლებს ჰორმონებს, აკონტროლებს ზრდის სიჩქარეს და ა.შ. მოკლედ კარგი არაფერი ხდება ორგანიზმი როცა ფარისებრი ჯირკვალი ისე ვეღარ მუშაობს როგორც უნდა მუშაობდეს.

ახლა სელენი რა კავშირშია ამ ყველაფერთან. ზოგადად ფარისებრი ჯირკვალი აწარმოებს ჰორმონს სახელად T4, ამ ჰორმონის საწარმოებლად საჭიროა იოდი, რაც შეიძლება გაგიგიათ, მაგრამ ასევე საჭიროა სელენი, და მეტიც T4 არ არის აქტიური ჰორმონი, შემდგომში კონვერტირდება T3 ფორმაში რაც არის უკვე აქტიური ჰორმონი და რაც აკეთებს ყველაფერს რაც ჩამოვთვალეთ, ჰოდა ამ კონვერტაციასაც ჭირდება სელენი. ანუ სელენი ჩართულია როგორც ფარისებრი ჯირკვლის ჰორმონის წარმოებაში, ასევე საჭიროა მის გასააქტიურებლადაც რომ გამოყენებადი გახდეს. არადა ადამიანების უმეტესობას ფარისებრ ჯირკვალზე ახსენდება იოდი, რაც კი ნამდვილად ძალიან მნიშვნელოვანია, მაგრამ სელენის გარეშე ეს ყველაფერი მაინც ვერ იმუშავებს. ამიტომ ვამბობ რომ სელენის როლი კრიტიკულია ფარისებრ ჯირკვალთან მიმართებაში.

სელენი ასევე საჭიროა ერთ-ერთი ყველაზე მნიშვნელოვანი ანტიოქსიდანტის გლუტათიონის საწარმოებლად და ზოგადად პოზიტიურად მოქმედებს ანტიოქსიდანტების ქსელზე. ახლა ეს რატომ უნდა გვაღელვებდეს? უპირველესყოვლისა იმიტომ რომ ამცირებს ქრონიკულ ანთებით პროცესებს ორგანიზმში, რაც გამოწვეულია არაჯანსაღი ცხოვრების წესით, ეს იქნება არაჯანსაღი კვება, სიგარეტი, ალკოჰოლი, უძილობა და ა.შ. ხოლო ქრონიკული ანთებითი პროცესები ყოველდღიურად აზიანებს თქვენს უჯრედებს, ქსოვილებს, სხვადასხვა ორგანოებს, ქოლესტერინს და ზრდის პრაქტიკულად ყველანაირი დაავადების განვითარების რისკებს, მოკლედ საერთოდ არ არის სახუმარო საკითხი და სელენი მათ შორის საჭიროა ამ პროცესებთან საბრძოლველად.

დამატებით ანტიოქსიდანტი გლუტათიონი, რისი სინთეზისთვისაც საჭიროა სელენი, მონაწილეობს მძიმე მეტალების დეტოქსიკაციის პროცესში. მძიმე მეტალები მცირე ოდენობით არის თითქმის ყველაფერში: წყალში, საკვებში, ჰაერში და ა.შ. და ეს მძიმე მეტალები მარტივად რომ ვთქვათ აზიანებს თქვენს სხვადასხვა ორგანოებს. ზოგადად დეტოქსიკაციაზე ღვიძლია პასუხისმგებელი, რა თქმა უნდა და გლუტათიონი და სელენი ზუსტად ამ პროცესში არის ჩართული. ასევე სხვათაშორის თევზი და განსაკუთრებით დიდი თევზები შეიცავს ხოლმე მაღალი კონცენტრაციით ვერცხლისწყალს ოკეანეების დაბინძურების გამო, თუმცა თევზი ასევე შეიცავს საკმაოდ დიდი ოდენობით სელენს, რაც როგორც კველებიდან ჩანს იცავს ორგანიზმს ვერცხლისწყლის აკუმულირებისა და ტოქსიკური ეფექტებისგან.

ასევე სელენი საჭიროა ჯანსაღი იმუნური სისტემისთვის, მაგალითად იმუნური სისტემის ერთ-ერთი მნიშვნელოვანი ნაწილია ეგრედწოდებული T უჯრედები, მეორენაირად ეძახიან T ლიმფოციტებსაც და ეს უჯრედები მარტივად რომ ვთქვათ ერთი მხრივ აფიქსირებენ და გარკვეულ მარკირებას უკეთებენ სხვადასხვა ვირუსებს, პათოგენებს, ხოლო მეორე მხრივ თავს ესხმიან და ზოგადად საზღვრავენ ასე რომ ვთქვათ სტრატეგიას, რომლის საშუალებითაც თავს უნდა დაესხან ვირუსებს. ხოლო სელენი საჭიროა ამ T უჯრედების სიჯანსაღის შესანარჩუნებლად და ასევე იმ ანტისხეულების საწარმოებლად, რომლებზეც პასუხს აგებს T უჯრედები. მოკლედ სენელის როლი საკმაოდ ყურადსაღებია იმუნიტეტისთვის.

ახლა რომელი საკვებიდან შეგვიძლია მივიღოთ მინერალი სელენი. სელენის დღიური დოზის მისაღებად საჭიროა დღის განმავლობაში მიირთვათ დაახლოებით :
100 გრამი თინუსი
ან
150 გრამი სარდინები
ან
200 გრამი ღორის ხორცი
ან
270 გრამი ქათმის ხორცი
ან
330 გრამი ძროხის ხორცი
ან
6 საშუალო ზომის ქათმის კვერცხი

პრაქტიკულად თევზი, ხორცი და კვერცხია სელენის საუკეთესო წყარო და რეალურად თუ ამ პროდუქტებით იკვებებით მუდმივად, ნაკლები შანსია რომ სელენის დეფიციტი გქონდეთ, რაც ძალიან კარგია, იმიტომ რომ მაგალითად მაგნიუმის და კალიუმის შემთხვევაში, პრაქტიკულად შეუძლებელია საჭირო დღიური დოზის მიღება საკვებიდან, იქიდან გამომდინარე რომ საკვები საკმაოდ დაცლილია სხვადასხვა საჭირო ნივთიერებებისგან არაერთი ქიმიკატის გამოყენების გამო და ძალიან დიდი ოდენობით თხილეული ან ხორცია საჭირო ამ ორი მინერალის მისაღებად, თუმცა სელენის შემთხვევაში ასეთი მდგომარეობა მაინც და მაინც არ გვაქვს როგორც ჩანს და უბრალოდ საჭიროა ამ პროდუქტებით მდიდარი იყოს თქვენი რაციონი.

თუ ეს პროდუქტები დიდად არ არის თქვენს ყოველდღიურ რაციონში და საკმარის სელენს ვერ იღებთ შესაბამისად, სელენის ხარისხიანი საკვები დანამატი, რა თქმა უნდა შეგიძლიათ შეიძინოთ მათ შორის ჩვენს ჯანსაღ მაღაზიაში, მისამართი: ნუცუბიძის ქ. 65 ან შეგიძლიათ გააკეთოთ შეკვეთა ჩვენი საიტიდან Ketogen.ge და კურიერი მოგიტანთ მისამართზე მთელი საქართველოს მასშტაბით.

სელენს რა თქმა უნდა კიდევ ბევრი ფუნქცია აქვს ორგანიზმში, თუმცა რაც ჩამოვთვალეთ ეს ფუნქციებიც კი იმდენად კრიტიკული და მნიშვნელოვანია, რომ ჩამოთვლილი ერთი ფუნქციის დარღვევასაც ათობით სხვა კიდევ უფრო სერიოზული პრობლემა შეიძლება მოყვეს. თუ ეს ვიდეო მოგეწონათ, სხვა ვიდეოებსაც გადახედეთ, ხოლო ჩვენ შევხვდებით შემდეგ ვიდეოში.

გაზიარება

კომენტარები

Your email address will not be published. Required fields are marked *