ძილი შეიძლება ითქვას არის თქვენი ჯანმრთელობისა და წონის კლების საფუძველი, რაც პრინციპში საკმაოდ ცნობილია და დიდად არავინ კამათობს ამ საკითხზე, მაგრამ რაც ასევე ცნობილია არის ის, რომ ძალიან ბევრ ადამიანს უჭირს დაძინება და აქვთ ზოგადად ძილის პრობლემები. შესაბამისად ამ ვიდეოში ვისაუბრებთ ძილზე, უპირველესყოვლისა გასწავლით 4 მეთოდს, რისი გამოყენებითაც შეძლებთ უფრო მარტივად და სწრაფად დაძინებას, ხოლო შემდეგ ვისაუბრებთ 3 ნივთიერებაზე, რომლის ნაკლებობაც შეიძლება იწვევდეს ძილის პრობლემებს.
მოკლედ უპირველესყოვლისა უნდა იცოდეთ რომ ძილის ჰორმონი არის მელატონინი. ეს არის ჰორმონი, რომელიც გეხმარებათ დაძინებაში და აკონტროლებს მლიანად ძილის ციკლს. ეს ჰორმონი სტიმულირდება სიბნელისა და დაბალი განათების ზემოქმედებით, შესაბამისად პირველი რჩევა არის, რომ დაძინებამდე საშუალოდ 2 საათით ადრე შეძლებისდაგვარად ჩააბნელეთ ოთახი რომელშიც იმყოფებით. შეგიძლიათ მაგალითად გამორთოთ მთავარი განათება და ჩართოთ რაიმე უფრო პატარა სანათი.
თუ ტელეფონთან ატარებთ ბოლო რამდენიმე საათს, მაშინ გადაიყვანეთ თქვენი ტელეფონი ღამის რეჟიმზე, რადგან ტელეფონის ლურჯ განათებას შეუძლია შეამციროს მელატონინის სინთეზირება ტვინში და ესეც აუცილებელი საკითხია. თუ ტელევიზორთან ატარებთ დროს და არსებობს შესაძლებლობა რომ ტელევიზორს განათება დაუწიოთ, დაუწიეთ აუცილებლად ან მოერიდეთ საერთოდ. იგივე ლოგიკა ვრცელდება კომპიუტერის და ზოგადად ნებისმიერი ტექნიკის შემთხვევაში რომელსაც ლურჯი გამოსხივება აქვს. მოკლედ მთავარი არსი არის რომ მაქსიმალურად შეამციროთ ყველანაირი განათება, განსაკუთრებით ლურჯი ნათება, რაც კი თქვენს თვალს ხვდება.
მეორე მხრივ თქვენი ორგანიზმი მუშაობს გარკვეული გრაფიკის მიხედვით, რასაც ცირკადული რიტმი ეწონება, ანუ ეს არის გრაფიკი იმისა თუ როდის იღვიძებთ, როდის იძინებთ და ა.შ. და ამის მიხედვით თქვენი ორგანიზმი სხვადასხვა დროს სხვადასხვა ჰორმონებს აწარმოებს. ამიტომ ყოველთვის შეეცადეთ რომ დღის განმავლობაში იმყოფებოდეთ განათებულ გარემოში და რაც მთავარია, როგორცკი გაიღვიძებთ, გადაწიეთ ფარდები და თვალს დაანახეთ მზის შუქი. ეს დააყენებს თქვენს ცირკადულ რიტმს სწორ მდგომარეობაში, თქვენი ორგანიზმი მიხვდება რომ გათენდა და პრაქტიკულად დაიწყება დროის ათვლა საღამომდე, რომ შემდეგ საღამოს ნატურალურად მოხდეს თუნდაც მელატონინის გამოყოფა და მშვიდად შეძლოთ დაძინება. ორივე შემთხვევაში გამოდის რომ თქვენ უნდა დააკოპიროთ ის რეჟიმი და რიტმი, რაც ბუნებაში არსებობს და რაც ისედაც იქნებოდა თქვენი ყოველდღიურობის ნაწილი უბრალოდ თანამედროვე სამყაროში ტექნიკის გავლენით თუ ცხოვრების წესიდან გამომდინარე ხშირად არასწორ სიგნალებს ვაწვდით ჩვენს ორგანიზმს, რაც უპირველესყოვლისა ნაკარნახებია განათების არასწორი გადანაწილებით დღის განმავლობაში.
გარდა განათების ცვლილებისა, როცა იძინებთ თქვენი სხეულის ტემპერატურა ბუნებრივად ეცემა, თუმცა თუ გარე ფაქტორებმა ამ პროცესს ხელი შეუშალა, შესაბამისად ხელი შეეშლება თქვენს ძილსაც. საჭიროა რომ საძინებელში ტემპერატურა რამდენიმე გრადუსით დაწიოთ სანამ დაწვებით დასაძინებლად, რაც სერიზულად გააუმჯობესებს თქვენი ძილის ხარისხს. ამის გაკეთება განსაკუთრებით მარტივია ზამთარში, შეგიძალიათ ფანჯარა რამდენიმე წუთით გამოაღოთ და სუფთა ჰაერი შემოუშვათ სახლში.
მეოთხე რჩევა ეხება ისევ ცირკადულ რიტმს და მდგომარეობს შემდეგში: ყოველთვის ეცადეთ რომ დაწვეთ და დაიძინოთ ერთი და იგივე დროს, რადგან ალბათ ისედაც მიხვდებოდით, რომ უბრალოდ მიჩვევის საკითხია და თქვენი ორგანიზმი ერგება იმ რეჟიმს, რომელსაც შეარჩევთ.
ეს არის ის მეთოდები, რაც ცალსახად დაგჭირდებათ და გამოგადგებათ ძილის მოსაწესრიგებლად, მაგრამ ასევე ძალიან ხშირად ძილის პრობლემები გამოწვეულია 3 ნივთიერების ნაკლებობით, რა შემთხვევაშიც შეიძლება ეს მეთოდები დიდად ეფექტური აღარც იყოს. ეს ნივთიერებებია: მაგნიუმი, კალიუმი და D ვიტამინი.
ზოგადად როცა თქვენ იძინებთ, თქვენი ორგანიზმი გადადის გარკვეული სიმშვიდის და დასვენების რეჟიმში, რისთვისაც საჭიროა მაგნიუმი და კალიუმი. ეს ორი მინერალი ადუნებს, ამშვიდებს ორგანიზმს, აფართოებს სისხლძარღვებს და აძლევს ორგანიზმს დასვენების საშუალებას. თუ მაგალითად ფიზიკურად ძალიან დაღლილი ხართ, დაწექით დასაძინებლად, მაგრამ ვერ ისვენებთ, ვერ დუნდებით და გონება თითქოს არ ითიშება, ეს ზუსტად ამ ორი მინერალის ან მინიმუმ ერთ-ერთის ნაკლებობით შეიძლება იყოს გამოწვეული.
ასევე დამატებით მაგნიუმი საჭიროა უკვე ნახსენები ძილის ჰორმონის მელატონინის საწარმოებლად, პრაქტიკულად მელატონინის საშენი მასალაა შეიძლება ითქვას. რაც შეეხება D ვიტამინს, D ვიტამინი ამცირებს სტრესის ჰორმონ კორტიზოლს და ანთებით პროცესებს ორგანიზმში, რისი გავლენითაც ერთი რომ გეხმარებათ დაძინებაში და მეორე მხრივ სერიოზულად ზრდის ძილის ხარისხს ანუ უფრო ღრმა ძილით გძინავთ. მაგალითად შეიძლება გაიღვიძეთ და ისეთი შეგრძნება გაქვთ თითქოს ისევ დაღლილი ხართ, მიუხედავად იმისა რომ შეიძლება 10 საათი გეძინათ. ეს ხშირად D ვიტამინის ნაკლებობით არის გამოწვეული.
ხშირად როცა სხვადასხვა მინერალებსა თუ ვიტამინებზე ვსაუბრობ ხოლმე, ყოველთვის ვასახელებ საკვებ წყაროებს საიდანაც შეძლებთ ამ ნივთიერებების მიღებას. ახლა არ ჩამოვთვლი ყველას, მაგრამ თითოეულზე ცალ-ცალკე ვიდეობი მაქვს და გირჩევთ უყუროთ, თუმცა იქიდან გამომდინარე რომ სამივე მათგანი არის ნივთიერებები, რომლებიც ადამიანების უმეტესობას აკლია, საუკეთესო გამოსავალი იქნებოდა ამ ნივთიერებების ხარისხიანი საკვები დანამატიდან შევსება.
იმ ვიდეოებში, რომლებიც ამ ნივთიერებებზე მაქვს გაკეთებული იმაზეც არის საუბარი როგორ აარჩიოთ ხარისხიანი დანამატი, რადგან მთლიანად ამაზეა დამოკიდებული საკვები დანამატის ეფექტურობა.
მაგნიუმი, კალიუმი და D ვიტამინი მათ შორის ჩვენს ჯანსაღ მაღაზიაშიც იყიდება, მისამართი: ვაჟა-ფშაველას 12 , ასევე შეგიძლიათ გააკეთოთ შეკვეთა ჩვენი საიტიდან Ketogen.ge და კურიერი მოგიტანთ მისამართზე მთელი საქართველოს მასშტაბით.
თუ ყველა მოცემული რჩევა გამოიყენეთ და საკმარისად კმაყოფილი არ ხართ შედეგებით, ასეთ შემთხვევაში შეგიძლიათ პირდაპირ მელატონინი მიიღოთ ხოლმე დაძინებამდე ნახევარი საათით ადრე და ძალიან მარტივად დაგეძინებათ. მელატონინიც იყიდება ჩვენს მაღაზიაში, თუმცა ყოველთვის ჯობს, რომ ჯერ ორგანიზმში მიმდინარე ბუნებრივ პროცესებს შეუწყოთ ხელი, რაშიც ეს 7 პუნქტი დაგეხმარებათ და შემდეგ თუ სასურველ შედეგს ვერ მიიღებთ, შეგიძლიათ უკვე მელატონინიც დაახმაროთ ამ ყველაფერს.
მე მაგალითად მიუხედავად იმისა, რომ არანაირი ძილის პრობლემა არ მაქვს, მას შემდეგ რაც ამ მეთოდებსაც ვიყენებ და ამ 3 ნივთიერებასაც ვიღებ საკვები დანამატიდან, ზოგ შემთხვევაში მაინც ვიღებ ხოლმე მელატონინს, როცა მაგალითად ვიცი რომ მეორე დღეს რაღაც მნიშვნელოვანი მელოდება და მცირედითაც არ მინდა გავრისკო. თუნდაც როცა ასეთ ვიდეოებს ვიღებ, წინა ღამეს ყოველთვის ვსვამ მელატონინს, რადგან მჭირდება რომ გონება მაქსიმალურად ეფექტურად მუშაობდეს, უბრალოდ სხვა შემთხვევაში ფიზიკურად ვერ ჩავწერ ვიდეოს თუ წინა ღამეს თუნდაც ნაკლებად კარგად მეძინა.
ნებისმიერ შემთხვევაში ეს არის ის ძირითადი მეთოდები რისი გამოყენებითაც უფრო სწრაფადაც შეძლებთ დაძინებას და უფრო გაიუმჯობესებთ ძილის ხარისხსაც. რა თქმა უნდა, ყავის დალევას რომ უნდა მოერიდოთ საღამოს, ეგ ისედაც გეცოდინებათ დიდი ალბათობით და ამაზე ყურადღება აღარ გავამახვილე ვიდეოში. თუ ვიდეო მოგეწონათ, კარგი იქნება თუ გაუზიარებთ თქვენს მეგობრებს, რომ უფრო მეტმა ადამიანმა მიიღოს სწორი ინფორმაცია. დღეისათვის კი სულ ეს იყო, შევხვდებით შემდეგ ვიდეოში.
