რატომ არ იმატებს ზოგი ადამიანი წონაში? - Ketogen.ge

ყველას გვყავს ერთი ისეთი მეგობარი, რომელიც არ იმატებს წონაში რამდენიც და რაც უნდა ჭამოს ან შეიძლება თქვენ თვითონ ხართ ეს მეგობარი, თუმცა ნებისმიერ შემთხვევაში ალბათ გაგჩენიათ კითხვა რომ რატომ არ იმატებს ზოგი ადამიანი წონაში და როგორ ხდება საერთოდ ეს ამბავი. ჰოდა მინდა დღეს ამ საკითხზე მოგაწოდოთ ინფორმაცია.

მოკლედ უნდა იცოდეთ, რომ როცა თქვენ იმატებთ წონაში, თქვენი ორგანიზმის სხვადასხვა ნაწილებში თავისით და უბრალოდ არ ჩნდება ცხიმი, თქვენს ორგანიზმში უკვე არსებობს გარკვეული ოდენობით ცხიმოვანი უჯრედები, რაც არის ცხიმის სათავსოები შეიძლება ითქვას და წონის მატების დროს ზუსტად ეს ცხიმოვანი უჯრედები ივსება უკვე დაგროვილი ცხიმით და იზრდება ზომაში.

თუმცა საქმე იმაშია რომ ეს ცხიმოვანი უჯრედები ანუ ცხიმის სათავსოები, ყველა ადამიანს აქვს გარკვეული შეზღუდული ოდენობით. შეიძლება არ იცოდეთ, მაგრამ თქვენ რეალურად არ შეგიძლიათ უსაზღვროდ მოიმატოთ წონაში, ყველა ადამიანს აქვს სხვადასხვა ოდენობით ცხიმოვანი უჯრედები და თქვენც სინამდვილეში იმ დონემდე შეგიძლიათ წონის მატება სანამ ეს უჯრედები არ გაივსება ცხიმით.

იმ ცხიმოვანი უჯრედების ოდენობა რაც თქვენ გაქვთ, დამოკიდებულია ძირითადად გენეტიკაზე და ზოგ ადამიანს უფრო მეტი ცხიმოვანი უჯრედი აქვს და უფრო მეტად შეუძლია წონის მატება, ხოლო ზოგ ადამიანს ნაკლები ცხიმოვანი უჯრედები აქვს და ნაკლებად შეუძლია წონის მატება.

ადამიანების მხოლოდ რამდენიმე პროცენტის ორგანიზმს შეუძლია ახალი ცხიმოვანი უჯრედების შექმნა და პრაქტიკულად უსაზღვროდ გასუქება. მაგალითად თუ გახსენდებათ ადამიანების სურათები რომლებიც 200 და 300 კილოები არიან, ადამიანების უმეტესობას არ შეუძლია ასეთ დონეზე გასუქება, რაც არ უნდა ჭამოთ და რამდენიც არ უნდა ჭამოთ.

უბრალოდ ზოგ ადამიანს შეუძლია სიტყვაზე მაქსიმუმ 5 კილოს მომატება, ზოგს მაქსიმუმ 50 კილოს მომატება და ერთეულებს 200 კილოს მომატება. ეს პირობითი და არაზუსტი რიცხვებია, რა თქმა უნდა, მაგრამ მოკლედ ზოგი ადამიანი იმიტომ არ და ვერ იმატებს წონაში, რომ ფიზიკურად ცოტა ცხიმოვანი უჯრედები აქვს და შესაბამისად ლიმიტირებულია ცხიმის ის ოდენობა, რაც ორგანიზმს შეუძლია ჩაატიოს და დააგროვოს ამ ცხიმოვან უჯრედებში.

ვინც ჩვეულებრივად იმატებთ წონაში, ალბათ იფიქრებდით, რომ რა უსამართლობაა და როგორ გაუმართლათ ასეთ ადამიანებს, და მეც ასე ვფიქრობდი წლების წინ, მაგრამ საქმე მთლად ასეც არ არის. სინამდვილეში ადამიანი რაც უფრო უახლოვდება მის მაქსიმალურ წონას, მით უფრო და უფრო სწრაფი ტემპებით უარესდება მისი ჯანმრთელობა და იწევს უამრავი დაავადების განვითარების რისკი.

მაგალითად ავიღოთ ორი ადამიანი: ერთი რომელიც ჩვეულებრივად იმატებს წონაში, ხოლო მეორე ვერ იმატებს, ვთქვათ ორივე კარგ ფორმაშია გარეგნულად და ჯანმრთელობასაც არ უჩივიან. ორივემ რომ მოიმატოს ვთქვათ 5 კილო ცხიმი, იმ ადამიანის შემთხვევაში რომელიც უპრობლემოდ იმატებს წონაში, ეს ბევრს არაფერს შეცვლის ჯანმრთელობისთვის, ხოლო მეორე ადამიანის შემთხვევაში, რომელიც ვერ იმატებს წონაში, ამ ხუთმა კილომ შეიძლება პრედიაბეტი ან პირდაპირ დიაბეტი გამოიწვიოს.

ზოგადად როცა თქვენ იწყებთ წონის მატებას, პირველი გროვდება ე.წ. კანქვეშა ცხიმი, რაც ყველაზე მეტად შეიმჩნევა გარეგნულად, და შეიძლება სარკეში არ მოგწონდეთ, მაგრამ ყველაზე ნაკლებად დამაზიანებელი თქვენთვის ზუსტად ასეთი ცხიმია. რა თქმა უნდა, ოდენობას გააჩნია, მაგრამ ყველაფერი შედარებითია.

მას შემდეგ რაც თქვენი კანქვეშა ცხიმოვანი უჯრედები ანუ სათავსოები გაივსება ცხიმით, შემდეგ იწყება უკვე ცხიმის დაგროვება ორგანოებს შორის, სადაც რა თქმა უნდა ცხიმი არ უნდა იყოს და რაც ძალიან საშიშია.

საბოლოოდ კი ცხიმი გროვება უკვე თვითონ ორგანოებში, მაგალითად შეიძლება გაგიგიათ გაცხიმოვნებული ღვიძლი, გაცხიმოვნებული პანკრეასი და ა.შ. ეს ცხიმი უკვე აფერხებს კონკრეტული ორგანოების ფუნქციონირებას, რაც კიდევ და კიდევ უფრო აზიანებს თქვენს ორგანიზმს. პრაქტიკულად ცხიმის თითოეული სათავსოს გავსების შემდეგ ორმაგდება და სამმაგდება თქვენი ჯანმრთელობის დაზიანების სიჩქარე.

გარდა ორგანოების შეფერხებისა და დაზიანებისა, უფრო და უფრო იმატებს ქრონიკული ანთებითი პროცესები, რაც თავის მხრივ კიდევ ცალკე აზიანებს სხვადასხვა უჯრედებს, ქსოვილებს, ორგანოებს და ზრდის თითქმის ყველა დაავადების განვითარების რისკს, დაწყებული დიაბეტით და დასრულებული გულის დაავადებებით.

ჰოდა მთავარი ის არის, რომ ადამიანს, რომელიც ვერ იმატებს წონაში, როგორც ვთქვით აქვს ცოტა ცხიმოვანი უჯრედები და შეუძლია ძალიან ცოტა ცხიმის დაგროვება. ამიტომ შეიძლება სულ რამდენიმე კილო ცხიმი იყოს საკმარისი სამივე ცხიმის სათავსოს გასავსებად და ამ დამანგრეველი პროცესების გასააქტიურებლად.

როცა მეორე მხრივ გარეგნულად შეიძლება ვერაფერი შეამჩნიოთ, იტყვით, რომ მშვენივრად გამოიყურება ეს ადამიანი და კარგ ფორმაშია, მაქსიმუმ წელის გარშემოწერილობა გაიზარდოს ცოტა, რასაც ერთი შეხედვით დიდად ვერ შეამჩნევთ, მაგრამ ამ ადამიანს ისევ და ისევ შეიძლება ქონდეს დიაბეტი ისე რომ თვითონ შეიძლება ჯერ არც იცოდეს.

მოკლედ თუ ადამიანი წონაში ვერ იმატებს და მუდმივად გამხდარია, რეალურად რამდენჯერმე უფრო დიდი ყურადღება მართებს და ბევრად უფრო საჭიროა ასეთი ადამიანისთვის ჯანსაღი კვება. არადა სულ პირიქით ხდება ხოლმე როგორც წესი. ყველაზე ჯანსაღ კვებაზე იგივე კეტოგენურ კვებაზე უამრავი ვიდეო გვაქვს და გადახედეთ აუცილებლად.

აქვე ძალიან ხაზგასმით მინდა ვთქვათ, რომ თუ თქვენ მუდმივად გამხდარი ხართ მთელი ცხოვრება, ეს ავტომატურად არ ნიშნავს რომ წონაში ვერ იმატებთ და იმ ჯგუფს განეკუთვნებით, რომელზეც ვისაუბრეთ. შეიძლება უბრალოდ თქვენი ცხოვრების წესის გამო არ იმატებდეთ წონაში ან უბრალოდ შეიძლება კარგად მართავთ თქვენს წონას.

პატარა გადახვევის სახით გეტყვით, რომ დღევანდელ სამყაროში პრაქტიკულად ყველა ადამიანს აკლია მინიმუმ რამდენიმე ვიტამინი ან მინერალი, განსაკუთრებით როგორიც არის მაგნიუმი, კალიუმი, ომეგა 3 და ა.შ. და თუ გინდათ ეს ძალიან მნიშვნელოვანი ნივთიერებები შეივსოთ ორგანიზმში, ჩვენს მაღაზიაში შეძლებთ ყველაზე მაღალი ხარისხის დანამატების შეძენას. მაღაზიის მისამართი: ნუცუბიძის ქ. 65 , ონლაინ მაღაზია: Ketogen.ge/shop

დამატებით უნდა ითქვას რომ ცხიმოვანი უჯრედების ოდენობა შეიძლება შეიცვალოს ასაკთან ერთად და მაგალითად ადამიანი რომელიც ვერ იმატებდა წონაში ვთქვათ 30 ან 40 წლამდე, შეიძლება შემდგომ ჩვეულებრივ გასუქდეს. კონკრეტულად რატომ და როგორ ხდება ეს ამბავი ადამიანებმა ბოლომდე არ ვიცით, მაგრამ ვიცით, რომ ასეთი რამ ხდება ხოლმე. გასუქება ნებისმიერ შემთხვევაში არაჯანსაღია, არ აქვს მნიშვნელობა ეს ეტყობა ადამიანს გარეგნულად თუ არა.

ეს ინფორმაცია რაც ამ ვიდეოში განვიხილეთ ძალიან ბევრმა ადამიანმა არ იცის, ბევრმა სამედიცინო სფეროს წარმომადგენლებმაც კი და კარგი იქნება თუ გაუზიარებთ თქვენს მეგობრებს და უფრო მეტ ადამიანს მივაწოდებთ საჭირო ინფორმაციას. დღეისათვის კი სულ ეს იყო, შევხვდებით შემდეგ ვიდეოში

Share

Post comment

Your email address will not be published. Required fields are marked *