თუ თქვენ ფიქრობთ რომ შიმშილს იწვევს ენერგიის ნაკლებობა ან ის რომ ორგანიზმი გთხოვთ საკვებს სასიცოცხლო ენერგიის მისაღებად, სამწუხაროდ თქვენ სიცრუეში ცხოვრობთ. ამ ვიდეოში კი მინდა გითხრათ თუ რა იწვევს რეალურად შიმშილის შეგრძნებას.
რა თქმა უნდა, გავრცელებული აზრია რომ ჩვენ რამდენიმე საათში ერთხელ უნდა ვიკვებოთ და ისიც, რომ როცა გვშია ამ დროს საკვებიდან მიღებული ენერგია იწურება და ორგანიზმი გვატყობინებს ამ ამბავს, მაგრამ რეალურად შიმშილს საერთოდ არ აქვს კავშირი ორგანიზმში არსებულ ენერგიასთან. ვიცი შეიძლება ცოტა უცნაურად მოგეჩვენოთ, მაგრამ ახლავე ავხსნი.
საქმე იმაშია რომ შიმშილის შეგრძნებას სინამდვილეში აჩენს ნახშირწყლები და ეს სულაც არ არის ადამიანის ბუნებრივი მდგომარეობა. რეალურად თქვენ რომ არ იღებდეთ ნახშირწყლებს, თქვენ საერთოდ არ გექნებოდათ შიმშილის შეგრძნება. მოდით ვნახოთ რა ხდება ფიზიოლოგიურ დონეზე როცა იღებთ ნახშირწყლებს.
ჭამთ ვთქვათ პურს, შედეგად სისხლში შაქრის დონე ძალიან იმატებს, რის საპასუხოდაც ორგანიზმი გამოყოფს დიდი ოდენობით ინსულინს. ამ ინსულინის მოვალეობა კიდევ არის ის რომ რაც შეიძლება სწრაფად მოაშოროს ეს შაქრები სისხლიდან და ამას აკეთებს კიდეც პირნათლად. შედეგად კი ვიღებთ სისხლში დაბალ შაქრის დონეს და შიმშილი კი დაბალი შაქრის დონის ერთ-ერთი სიმპტომია მხოლოდ.
აი ეს არის მიზეზი რატომაც კვებიდან მალევე გშივდებათ და რაც უფრო მეტ ნახშირწყლებს და შაქრებს იღებთ, შიმშილიც უფრო მალე ბრუნდება. მაგალითად თუ გქონიათ ისეთი დღე როცა მთელი დღე ტკბილეულს ჭამდით, აუცილებლად შეამჩნევდით რომ პრაქტიკულად რამდენიც არ უნდა ჭამოთ, დანაყრების შეგრძნება არა და არ გიჩნდებათ. ესეც ზუსტად აი ამ პროცესების შედეგია.
თვითონ ნახშირწყლები ადამიანის ორგანიზმს არცერთი გრამი არ ჭირდება დღის განმავლობაში და თუ შიმშილის შეგრძნება გაწუხებთ, შეგიძლია ნელ-ნელა შეამციროთ ნახშირწყლების შემცველი საკვები და ნახავთ როგორ შემცირდება შიმშილის შეგრძნებაც. ხოლო გარკვეული დროის შემდეგ გაქრება კიდეც.
შეიძლება უცნაურადაც მოგეჩვენოთ ეს ყველაფერი, მაგრამ თუ დავფიქრდებით ჩვენ ყველანი პრაქტიკულად დაბადებიდან ნახშირწყლებით ვიკვებებით და ამიტომ ბევრ ადამიანს არასდროს გამოუცდია რას ნიშნავს როცა უბრალოდ არ გშიათ.
უნდა გავიაზროთ რომ შიმშილის შეგრძნება პრაქტიკულად არაბუნებრივია ადამიანის ორგანიზმისთვის, მით უმეტეს რამდენიმე საათში ერთხელ. თქვენ ორგანიზმს არ აკლია არც ენერგია და არც საკვები, გამხდარ ადამიანსაც კი საშუალოდ 80 000 კალორია აქვს ორგანიზმში. ეს არის ზღვა ენერგია და სანამ ეს ენერგია არის ორგანიზმში, თქვენ უბრალოდ ვერ მოგშივდებათ თუ ისევ და ისევ ნახშირწყლებს არ ჩარევთ საქმეში.
ახლა თქვენი ორგანიზმი ნახშირწყლებზე მუშაობს და რამდენიმე საათი რომ არ ჭამოთ, ალბათ შემდეგ მთლიან მაცივარს აართქლებთ, მაგრამ თუ ნახშირწყლებს ამოიღებთ, თქვენი ორგანიზმი ნელ-ნელა ადაპტირდება ცხიმის წვაზე და შიმშილის შეგრძნება საერთოდ გაქრება.
მე მაგალითად დღეში ვიკვებები ერთხელ ან ორჯერ ან თუ ძალიან დატვირთული დღე მაქვს, საერთოდაც არაფერს ვჭამ. და არც იფიქროთ რომ ან მოთენთილი ვარ ასეთ დროს ან დაღლილი, პირიქით, ბევრად უფრო ენერგიული ვარ, რადგან ცხიმი უბრალოდ ბევრად სტაბილური საწვავია ორგანიზმისთვის.
ადრე ვინმეს რომ ეთქვა შიმშილის შეგრძნება საერთოდ არ გექნებაო, ალბათ კარგად გამეცინებოდა, მაგრამ როგორც არ უნდა იყოს, ეს არის რეალობა და სინამდვილეში ძალიან მარტივი ფიზიოლოგიური პროცესია და მეტი არაფერი.
აქვე არის მეორე ფაქტორიც. როცა თქვენ დღეში რამდენჯერმე იკვებებით, რასაც არ უნდა ჭამდეთ, თქვენი ორგანიზმი იმახსოვრებს თქვენს გრაფიკს რომ წინასწარ მოამზადოს ხოლმე შესაბამისი ჰორმონები და ბაქტერიები კუჭში ამ საკვების გადასამუშავებლად, და თუ მაგალითად თქვენ სულ ჭამთ 2ზე და ერთ დღესაც გადაწყვეტთ რომ აღარ ჭამოთ, აუცილებლად იგრძნობთ შიმშილის შეგრძნებას, მაგრამ თუ მოიცდით 3 საათამდე, იმასაც ნახავთ რომ შიმშილის შეგრძნება უბრალოდ გაქრება.
იმ დროს, როცა მიჩვეული ხართ ჭამას, იმატებს ორგანიზმში ჰორმონი გრელინი, რაც არის შიმშილის ჰორმონი და თუ არ შეჭამთ არაფერს, გრელინის დონე უბრალოდ დაიწევს. თქვენ როგორც მიაჩვევთ ორგანიზმს და დაალაგებთ კვებას, ისე შეგახსენებთ ხოლმე საკვების მიღების დროებსაც.
საბოლოოდ რომ შევაჯამოთ, შიმშილის N1 გამომწვევი ფაქტორი არის ნახშირწყლები და მეორე ის თუ როდის არის ორგანიზმი მიჩვეული საკვების მიღებას. ამ ინფორმაციით კი თქვენ შეგიძლიათ თავისუფლად აკონტროლოთ თქვენი შიმშილის დონე.
თუ წონის კლება ან უბრალოდ ჯანსაღაც კვება გაინტერესებთ, გირჩევთ უყუროთ ჩვენს 3 პატარა ვიდეოს კეტოგენურ დიეტაზე.
თუ გაქვთ კითხვები, დაწერეთ კომენტარის სახით და გიპასუხებთ აუცილებლად. მადლობა ყურადღებისთვის და მომავალ ვიდეომდე
