დღევანდელ ვიდეოში ვისაუბრებთ იმაზე თუ რამდენად შეიძლება ვარჯიში კეტოგენური დიეტის დროს, რა უნდა გაითვალისწინოთ და ზოგადად რა უნდა იცოდეთ ამ მიმართულებით.
ხშირად გამიგია ბევრი ადამიანისგან რომ კეტო და ვარჯიში ერთად არ შეიძლება, ხოდა არ ვიცი ვინ ავრცელებს ამ მითებს, მაგრამ სისულელეა უბრალოდ. შეიძლება ვარჯიში, რა თქმა უნდა.
უბრალოდ რომ დავფიქრდეთ, რანაირად შეიძლება არ იყოს დაშვებული ვარჯიში როცა იკვებებით ყველაზე ჯანსაღი კვებით, რაც კი არსებობს და შესაძლებელია საერთოდ. არანაირი ლოგიკა აქ არ არის.
მაგრამ რაც არ შეიძლება ნამდვილად არის კეტო დიეტის და ვარჯიშის ერთად დაწყება. იმიტომ რომ როცა იწყებთ კეტოს, თქვენი ორგანიზმი ნახშირწყლების ნაცვლად სწავლობს ცხიმის ენერგიად გამოყენებას, პრაქტიკულად მთლიანად ახალ საწვავზე გადადის.
ანუ სერიოზული ბიოქიმიური პროცესები მიმდინარეობს ორგანიზმი და ამ დროს თუ კიდევ ვარჯიშს დაამატებთ, ეს ზედმეტი სტრესი იქნება ორგანიზმისთვის და დიდი ალბათობით უბრალოდ საკმარისი ენერგიაც არ გექნებათ სავარჯიშოდ.
ჯერ უნდა აცადოთ ორგანიზმს რომ ადაპტირდეს და ცხიმის წვაზე გადავიდეს და შემდეგ შეგიძლიათ ვარჯიშიც დაამატოთ თუ სურვილი გაქვთ. ამ ადაპტაციის პროცესს შეიძლება დასჭირდეს რამდენიმე კვირა ან ცოტა მეტიც, მაგრამ თქვენ თვითონ მიხვდებით როცა გექნებათ საკმარისი ენერგია სავარჯიშოდ.
თუ უკვე ვარჯიშობთ და ახლა იწყებთ კეტოს, მაშინ შეიძლება გარკვეული დროით მოგიწიოთ ცოტა ხანი ვარჯიშისგან შესვენება, რადგან ისევ და ისევ აცადოთ ორგანიზმს ახალი კვების რეჟიმზე მორგება.
ზოგადად რამდენად არის ვარჯიში საჭირო ან აუცილებელი? ვარჯიში რა თქმა უნდა ძალიან კარგია და ამაზე არავინ კამათობს, თუმცა შედეგების 80% მოდის კვებაზე და მაქსიმუმ 20% ყველაზე კარგ შემთხვევაში ვარჯიშზე.
ამიტომ კვება ყოველთვის ბევრად უფრო მნიშვნელოვანია, მაგრამ თუ ამას ვარჯიშსაც დაამატებთ, კიდევ უკეთესი. უფრო სწრაფად მიაღწევთ მიზნებს.
ასევე ძალიან ბევრი კითხვა ისმება იმასთან დაკავშირებით რომ ვთქვათ რამდენად შეიძლება კუნთოვანი მასის ზრდა კეტო დიეტაზე ან ხომ არ მოხდება უკვე არსებული კუნთის კლება.
უპირველესყოვლისა კეტონები თვითონ, რაც არის ცხიმის წვისგან მიღებული ნივთიერება, ცნობილია რომ არის ანტიკატაბოლური ანუ მაქსიმალურად იცავს კუნთს დაშლისგან და ხელს უწყობს კუნთოვანი ქსოვილების შენარჩუნებას.
კვლევებიც აჩვენებს რომ თუნდაც ადამიანმა მთელი დღე არაფერი ჭამოს, იმის გამო რომ მის ორგანიზმი არის კეტონები, კუნთოვანი მასა საერთოდ არ მცირდება და ინარჩუნებს ჩვეულებრივ, რაც სხვა შემთხვევაში ვერ მოხდებოდა.
რაც შეეხება კუნთის ზრდას, კეტოგენური დიეტა უფრო მეტადაც დაგეხმარებათ კუნთოვანი მასის ზრდაში იმიტომ რომ 1. კეტოზე ხდებით უფრო და უფრო ინსულინ სენსიტიური, რაც ნიშნავს უფრო მეტი ნივთიერების შეთვისებას და უფრო მეტ ცილის სინთეზს.
2. კეტო დიეტის დროს ორგანიზმში დრამატულად იმატებს ზრდის ჰორმონის ოდენობა, რაც პირდაპირ დაკავშირებულია კუნთის ზრდასთან და 3. კეტოზე პრაქტიკულად აღარ ხდება ცილის გლიცირება ანუ დაზიანება, შესაბამისად უფრო ეფექტურად იყენებს საკვებიდან მიღებულ ცილას ორგანიზმი.
ყველაფერს რომ თავი დავანებოთ, ხშირ შემთხვევაში ადამიანები რომლებიც იწყებენ კეტოგენურ დიეტას, ბუნებრივად იმატებენ გარკვეული ოდენობით კუნთოვან მასას საერთოდ ვარჯიშის გარეშეც და ამას კიდევ ბევრი მიზეზი აქვს.
და ეს მარტო თეორიული ნაწილი არ არის, მსოფლიოში უამრავი ათლეტი არის კეტო დიეტაზე. ახლავე შეგიძლიათ დაგუგლოთ და ნახავთ რომ ამ ადამიანებს კეტო არაფერში უშლის ხელს, თუ პირიქით არა.
თუ ჯერ კიდევ არ ხართ ჩვენი კეტო ჯგუფის წევრი Facebook-ზე, შემოგვიერთდით, ჯგუფის ლინკს დავტოვებთ კომენტარებში. შემდეგ ვიდეომდე.
