დღევანდელ ვიდეოში გავარკვევთ არის თუ არა გაყინული პროდუქტები დამაზიანებელი ჯანმრთელობისთვის, რა გავლენას ახდენს პროდუქტის გაყინვა ზოგადად და კარგავს თუ არა პროდუქტი ვიტამინებსა და მინერალებს მაცივარში შენახვის დროს.
მოდით დავიწყოთ გაყინული ხორცპროდუქტებით, რის სარგებლიანობაშიც ალბათ ყველაზე მეტ ადამიანს ეპარება ეჭვი, თუმცა როგორც აღმოჩნდა, ეს ეჭვი დიდად საფუძვლიანი საერთოდ არ არის. როგორც ამერიკის სოფლის მეურნეობის დეპარტამენტის ოფიციალურ განცხადებაში ვკითხულობთ: თვითონ გაყინვის პროცესი არ აზიანებს სასარგებლო ნივთიერებებს და ხორცპროდუქტების შემთხვევაში გაყინვამ შეიძლება მხოლოდ მცირე განსხვავება მოგვცეს, ანუ გაყინვა პრაქტიკულად არ ცვლის არც ხორცის შემადგენლობას და არც სარგებლიანობას.
კონტექსტი რომ უკეთესად გვესმოდეს, ჩვენ რომ გვაქვს ინფორმაცია პრაქტიკულად ნებისმიერი პროდუქტის შემადგენლობაზე, ვიტამინებზე, მინერალებზე, კალორიებზე, ცილებზე, ცხიმებზე და ა.შ. ეს ყველაფერი ზუსტად ამ ორგანიზაციის დამსახურებაა. ეს არის ორგანიზაცია რომელიც მუდმივად ტესტავს სხვადასხვა პროდუქტთა შემადგენლობას და აქვეყნებს საჯაროდ. ამ ორგანიზაცის დატესტილია ყველანაირი პროდუქტი როგორც შემწვარი, ისე მოხარშული, გაყინული, გამლღვალი, უმი და ა.შ.
ხოდა ამ ორგანიზაციამ ამდენი მონაცემის გაანალიზების შედეგად დაასკვნა რომ გაყინული ხორციც იგივენაირად სასარგებლოა როგორ გაუყინავი და ძალიან მცირე განსხვავებაა სასარგებლო ნივთიერებების მხრივ.
ასევე მაგალითად 2011 წელს ჩატარებულ კვლევაში მეცნიერებმა დატესტეს 3 სხვადასხვანაირი გაყინვის მეთოდი და ხორცი გაყინეს 1 თვით, 3 თვით და 6 თვით, ხოლო საბოლოოდ დაასკვნეს რომ ახალ და გამლღვალ ხორცს შორის განსხვავება არის საკმაოდ პატარა. 2018 წელს ჩატარებულ კვლევაში 16 სხვადასხვა ღორის ხორცი გაყინეს 2 თვით, შეადარეს ახალ ხორცს და დაასკვნეს რომ გაყინვა ნეგატიურად არ მოქმედებს ხორცის ხარისხზე.
კარგით, ახლა გადავიდეთ ხილსა და ბოსტნეულზე, თუმცა მანამდე გეტყვით რომ პრაქტიკულად ადამიანი არ დადის ამ დედამიწაზე ვისაც არ აკლია მინიმუმ რამდენიმე ვიტამინი, რაც უამრავი სიმპტომით გამოიხატება და ამ ვიტამინების შევსება თქვენი და თქვენი ოჯახის ჯანმრთელობისთვის N1 პრიორიტეტია. ჩვენს მაღაზიაში შეიძენთ ნატურალურ და პირდაპირ ბუნებრივი წყაროებიდან ამოღებულ ვიტამინებს, რაც ყველაზე ეფექტურია. მაღაზიის მისამართს დავტოვებთ კომენტარებში და ასევე უამრავი ვიდეო გვაქვს სხვადასხვა ვიტამინებზე და გადახედეთ აუცილებლად.
რაც შეეხება ხილსა და ბოსტნეულს, 2017 წელს გამოქვეყნებულ კვლევაში დატესტეს 2 მიმართულება: სხვადასხვა ხილ-ბოსტნეულის ერთი ნაწილი გაყინეს, ხოლო მეორე ნაწილი შეინახეს მაცივარში 5 დღის განმავლობაში, რომ ენახათ რეალურ გარემოში როგორ შეიცვლებოდა პროდუქტების შემადგენლობა. საბოლოოდ როგორც ტესტირებამ აჩვენა, ორივე შემთხვევაში მცირედი განსხვავება იყო ახალ ხილ-ბოსტნეულსა და გაყინულ ან მაცივარში შენახულ ხილ-ბოსტნეულს შორის. ვიტამინებისა და მინერალების შემადგენლობა იყოს პრაქტიკულად იდენტური, მხოლოდ ცოტა უფრო მეტ ვიტამინებსა და მინერალს შეიცავდა ახალი ხილ-ბოსტნეული, თუმცა განსხვავება ისევ და ისევ იყო საკმაოდ მცირე.
იგივე აჩვენა მაგალითად ასევე 2015 წელს გამოქვეყნებულმა მსგავსი ტიპის კვლევამ და ზოგადად ასეთი კვლევები ბევრი შემიძლია გაჩვენოთ, თუმცა შედეგი ყველგან ერთი და იგივეა, რაც გვაძლევს საშუალებას რომ ძალიან თავდაჯერებულად გავცეთ ამ კითხვებს პასუხი.
მოკლედ ხორცი იქნება, ხილი თუ ბოსტნეული, არც გაყინვა და არც მაცივარში შენახვა არ აკარგვინებს პროდუქტებს ვიტამინებსა და მინერალებს. როგორც ყველა კვლევამ ყველა მიმართულებით აჩვენა დანაკარგი შეიძლება იყოს მხოლოდ ძალიან მცირე, რაც მთლიან სურათს არ ცვლის. ახალი პროდუქტები ცოტა უკეთესია, მაგრამ არც იმდენად რომ ამის გამო გაყინულ ან მაცივარში შენახულ პროდუქტებს ხაზი გადავუსვათ.
პროდუქტი კარგავს სასარგებლო ნივთიერებებს როცა იწყებს გაფუჭებას. მაგალითად როცა პამიდორი იწყებს დაჭკნობას, ეს ნიშნავს რომ ნელ-ნელა კარგავს ვიტამინებსა და მინერალებს. თუმცა ესეც თქვენს მაცივარზეა დამოკიდებული, სანამ თქვენს მაცივარს შეუძლია რომ შეინახოს პროდუქტი პირვანდელი ფორმით, მანამდე შეგიძლიათ მშვიდად იყოთ, იმიტომ რომ როგორც ვნახეთ ამ პერიოდში სასარგებლო ნივთიერებების დანაკარგი არის მინიმალური.
თუ მოგეწონათ ვიდეო, კარგი იქნება თუ გაუზიარებთ თქვენს მეგობრებს რათა მათაც გაიგონ სწორი ინფორმაცია. ასევე დიდი ალბათობით დაგაინტერესებთ ჩვენი სხვა ვიდეოებიც და გადახედეთ აუცილებლად. ჩვენ კი შევხვდებით შემდეგ ვიდეოში
