ღამე ჭამა მართლა ასუქებს? - Ketogen.ge

მოკლედ ზოგი ამბობს რომ ღამე ჭამა ასუქებს, ზოგი ამბობს რომ საერთოდ ეგარის წონის მატების ერთადერთი მიზეზი, ზოგი ამბობს რომ მითია და სანამ გზაკვალი აგვებნევა, მოდით გავარკვიოთ სად არის სიმართლე და ამ საკითხზე ვისაუბროთ.

მოკლე პასუხი თუ გაინთერესებთ, კი საღამოს ჭამა უფრო ასუქებს, მაგრამ ცოტა უფრო ასუქებს თუ ძალიან ასუქებს? მარტო ეგ იწვევს წონის მათებას თუ სხვა ფაქტორებიც არის? და საერთოდაც რატომ ასუქებს ღამე ჭამა?

საქმე იმაშია, რომ ზოგადად ცხიმის დამგროვებელი მთავარი ჰორმონი არის ინსულინი და ნებისმიერ დროს როცა ჭამთ აქტიურდება ეს ჰორმონი. ზოგჯერ უფრო მეტად და ზოგჯერ უფრო ნაკლებად, ეს დამოკიდებულია იმაზე რას ჭამთ და რა ნივთიერებებს შეიცავს, მაგრამ რაც უფრო მეტად აქტიურდება ინსულინი და იმატებს სისხლში, წომის მატების შანსებიც უფრო და უფრო იზრდება.

მაგალითად თუ შეჭამთ პურს ან ვთქვათ ტორტს, მოხდება ინსულინის სუპერ სტიმულირება და ამიტომ არის რომ ეს პროდუქტები ძალიან ასუქებს, თუმცა თუ თქვენ შეჭამთ კიტრს, ინსულინი მინიმალურზე მინიმალური ოდენობით გამოიყოფა სისხლში და ამიტომ კიტრი არ ასუქებს და დიეტური პროდუქტია.

მეორე მხრივ დილით როცა იღვიძებთ თქვენ ხართ ყველაზე მეტად ინსულინ სენსიტიური, რაც ნიშნავს რომ შედარებით მცირე ოდენობით ინსულინი გამოიყოფა და ცხიმის დაგროვების შანსები ნაკლებია. პრაქტიკულად დილით შედარებით მცირე ოდენობით ინსულსაც შეუძლია თავისი საქმის გაკეთება უპრობლემოდ, რაც ძალიან კარგია. მოკლედ ნებისმიერ შემთხვევაში გამოდის რომ დილით ცხიმის დაგროვების ალბათობა უფრო ნაკლებია, რადგან ნაკლები ინსულინი გამოიყოფა, რაც პრაქტიკულად წყვეტს ცხიმი დაგროვდეს თუ არა.

შემდეგ უკვე რაც უფრო საღამოვდება, თქვენ ხდებით უფრო და უფრო ინსულინ რეზისტენტული, რაც არის საპირისპირო მიმართულება და ანუ უფრო მეტ ინსულინს გამოყოფს პანკრეასი იგივე საქმის და ფუნქციის შესასრულებლად. მაგრამ ეს არ არის მთლად სასურველი ამბავი, იმიტომ რომ რაც უფრო საღამოვდება შესაბამისად უფრო და უფრო მიდრეკილი ხდებით ცხიმის დაგროვებისკენ.

განსაკუთრებით 7-8 საათის შემდეგ როცა უკვე ბნელდება, თქვენს ტვინში იწყება მელატონინის გამოყოფა, რაც არის ძილის ჰორმონი, ანუ თქვენი ორგანიზმი ემზადება დასაძინებლად და გადადის გარკვეულ დასვენების რეჟიმში. შესაბამისად ლოგიკურიც არის რომ ამ დროს ორგანიზმს არ უნდა და არ არის მზად საკვების მისაღებად და გადასამუშავებლად. ამიტომ საღამოს თქვენ ხართ ბევრად უფრო ინსულინ რეზისტენტული, ანუ უფრო მეტად აქტიურია ცხიმის დამგროვებელი ჰორმონი და მიდრეკილი ხართ გასუქებისკენ. ასევე სისხლში შაქრის დონეც ბევრად უფრო მაღლა იწევს, რაც დამატებით კიდევ პრობლემას უქმნის ჯანმრთელობას და ა.შ. და ა.შ.

მოკლედ ის გავარკვიეთ, რომ საღამოს მიღებული საკვები უფრო მარტივად შეიძლება დაგროვდეს ორგანიზმში ცხიმის სახით და მოიმატოთ წონაში, მაგრამ კითხვა ისევ რჩება რომ რამდენად უფრო მეტად ასუქებს საღამოს ჭამა?

ამაზე კონკრეტულ პასუხს ვერ გავცემთ, რადგან აქ გასათვალისწინებელია კონკრეტული ადამიანის მეტაბოლური ჯანმრთელობა, ასევე რა ნივთიერებებს შეიცავს საკვები ან დღის განმავლობაში რა საკვებს იღებდით და ა.შ. მაგრამ საღამოს განსაკუთრებით უნდა მოერიდოთ ნახშირწყლებს და შაქრებს ანუ ძირითადად ცომეულს, ტკბილეულს, ბურღულეულს, ხილს და სხვადასხვა პარკოსნებს. იმიტომ რომ ეს საკვები ზოგადადაც იწვევს უკვე ხსენებული ცხიმის დამგროვებელი ჰორმონის ინსულინის სუპერაქტივაციას და მით უმეტეს საღამოს, როცა თქვენი პანკრეასი და თქვენი ორგანიზმი პრაქტიკულად დასვენების რეჟიმშია გადასული, ნახშირწყლების და შაქრების მიღება იქნება შეიძლება ითქვას გასუქების ბომბის ჩამოგდება, ამაზე უარესს ვერაფერს გააკეთებთ თქვენი წონისთვის.

მე ზოგადად გირჩევდით რომ ყოველთვის მოერიდოთ ნახშირწყლებს და შეამციროთ რაციონში, ამას წონის მართვისთვისაც დიდი მნიშვნელობა აქვს და ჯანმრთელობისთვისაც, ამაზე ბევრს ვსაუბრობ სხვადასხვა ვიდეოებში, მაგრამ კიდევ უფრო და განსაკუთრებით საჭიროა მოერიდოთ საღამოს თუ რა თქმა უნდა, თქვენი წონა და ჯანმრთელობა გაღელვებთ.

ასევე გვიან ჭამამ შეიძლება უარყოფითად იმოქმედოს თქვენი ძილის ხარისხზე, რაც უკვე მეორე დღეს გაზრდის წონის მატების რისკს, რადგან ორგანიზმი გადავა სტრესის რეჟიმში, გამოიყოფა სტრესის ჰორმონი კორტიზოლი, პრაქტიკულად მთელი დღის განმავლობაში შიმშილის შეგრძნება გექნებათ, უფრო მეტსაც შეჭამთ და ა.შ. და ა.შ.

მოკლედ საღამოს ჭამას ნამდვილად აქვს როლი წონის მატების მიმართულებით, თუმცა აქ რა თქმა უნდა, საუბარი არ არის იმაზე რომ შეიძლება ათასში ერთხელ ჭამოთ საღამოს, საუბარია იმაზე როცა სისტემატიურად ჭამთ საღამოს და თანაც ბევრ ნახშირწყლებს. შეეცადეთ ყოველთვის უმეტესად იკვებოთ 7-8 საათამდე. თუ ეს ვიდეო მოგეწონათ, გირჩევთ ჩვენს სხვა ვიდეოებსაც გადახედოთ. დღეისათვის კი სულ ეს იყო, შევხვდებით შემდეგ ვიდეოში.

გაზიარება

კომენტარები

Your email address will not be published. Required fields are marked *