ბევრი წყლის დალევა წონის კლებაში გვეხმარება?

მითია თუ რეალობა რომ ბევრი წყლის დალევა აჩქარებს მეტაბოლიზმს, დღევანდელ ვიდეოში ამაზე ვისაუბრებთ.

საკმარისი წყლის დალევა რომ მნიშვნელოვანია ვიცით, მაგრამ ბევრი წყლის მიღება რომ მეტაბოზლიმს და ცხიმის წვას აჩქარებს, ეს მითიც არის და ცოტა რეალობაც.

აქ გვაქვს 2 მთავარი საკითხი, ერთი ის რომ ბევრი წყლის დალევა იწვევს მეტი კალორიის დაწვას და მეორე ის რომ აქვეითებს შიმშილის შეგრძნებას.

და ორივე მართალია, თუმცა ერთ შემთხვევაში საუბარია დაახლოებით 20 კალორიის დაწვაზე და მეორე შემთხვევაში 10-15 წუთით შიმშილის შემცირებაზე.

მაგრამ თუ თქვენ მიიღებთ იმაზე მეტ წყალს ვიდრე ეს გჭირდებათ, თქვენი ორგანიზმი რა თქმა უნდა გარეთ გამოუშვებს ზედმეტ წყალს და თან გამოაყოლებს ელექტროლიტებს ანუ მინერალებს, როგორიც არის კალიუმი, მაგნიუმი, სოდიუმი და სხვა.

ხოლო თუ თქვენ გამოიფიტებით ელექტროლიტებისგან, ამას ექნება უარყოფითი გავლენა თქვენს ენერგიაზე, გულისა და კუნთების მუშაობაზე და სია უსასრულოდ გრძელდება.

დასკვნები თქვენ თვითონ გამოიტანეთ, თუმცა ზედმეტი წყლის დალევით მიღებული ზიანი ბევრად უფრო დიდი და საშიშია, ვიდრე ზედმეტი 20 კალორია, რომელსაც რამდენიმე წუთიანი გასეირნებითაც დაწვავთ.

სულ რომ კილოგრამებს გაკლებინებდეთ ბევრი წყალი, ეს ჯანმრთელობის დაზიანებად არ ღირს, რაც სხვათაშორის ისევ მეტ წონის მატებას იწვევს მოგვიანებით.

ჩემი რჩევა იქნება, რომ დალიეთ იმდენი წყალი, რამდენსაც მოგთხოვთ თქვენი ორგანიზმი, რადგან ორგანიზმმა ყველაზე კარგად იცის რამდენი წყალი გჭირდებათ და ბევრი წყლის დალევით წონაში ვერ დაიკლებთ.

თუ ჯანსაღი წონის კლება გაინტერესებთ, გირჩევთ რომ უყუროთ ჩვენს 3 პატარა ვიდეოს კეტოგენურ დიეტაზე. მადლობა ყურადღებისთვის და შევხვდებით შემდეგ ვიდეოში.