უამრავ პროდუქტზე გვინახავს წარწერები დიდი ასოებით „შაქრის გარეშე“ „უშაქრო“ „დიაბეტური“ და ა.შ. , მაგრამ სინამდვილეში ეს პროდუქტები მაინც შეიცავს შაქარს და თანაც საკმაოდ ბევრს.
არალოგიკურად ჟღერს ხომ? კი უნდა ჟღერდეს არალოგიკურად, მაგრამ სამწუხაროდ ეს არის სიმართლე.
თუ წაიკითხავთ შემადგენლობას პროდუქტის უკანა მხარეს, დიდი ალბათობით ნახავთ ამ 3 ნივთიერებიდან რომელიმეს: მალთიტოლი, მალტოდექსტრინი და დექსტროზა, რაც მარტივად რომ ვთქვათ შაქრის ალტერნატიული სახელებია.
მთავარი მიზეზი რატომაც უნდა მოერიდოთ შაქარს, არის ის, რომ ძალიან უარყოფითად მოქმედებს სისხლში შაქრის დონეზე, რაც ცუდი ამბავია თქვენი წონისთვის, ჯანმრთელობისთვის, დიაბეტისთვის და ა.შ.
არსებობს ასეთი რამ, სახელად გლიკემიური ინდექსი, რომლითაც არის განსაზღვრული, რომელი პროდუქტი რამდენად მოქმედებს სისხლში შაქრის დონეზე, რაც უფრო მეტია რიცხვი, მით უარესი.
სუფრის შაქრის გლიკემიური ინდექსი არის 65, რაც ძალიან მაღალია, ხოლო მალთიტოლს აქვს გლიკემიური ინდექსი 52, მალტოდექსტრინს 110 და დექსტროზას 100
გამოდის რომ მალთიტოლი სულ ოდნავ უკეთესია ვიდრე ჩვეულებრივი თეთრი შაქარი და ბოლო ორი კიდევ ბეევრად უარესია შაქარზე.
სხვათაშორის მალტოდექსტრინი ყველაზე მეტად მოქმედებს სისხლში შაქრის დონეზე საკვებ ნივთიერებებს შორის და სხვა არცერთ ნივთიერებას არ აქვს ამაზე მაღალი გლიკემიური ინდექსი.
შედარებისთვის ჯანსაღ დამატკბობლებ ერითრიტოლს აქვს გლიკემიური ინდექსი 0 და მაგალითად ქსილიტოლს მხოლოდ 7. აქ ძალიან ნათლად ჩანს რამხელაა განსხვავებაა შაქრებსა და რეალურადად კარგ დამატკბობლებს შორის.
მალთიტოლი განსაკუთრებით ხშირად არის ხოლმე შოკოლადებში და თვითონ შაქრის შემცვლელებშიც კი ნახავთ ამ 3 ნივთიერებიდან რომელიმეს, ამიტომ აუცილებლად წაიკითხეთ შემადგენლობა და მოერიდეთ მაქსიმალურად.
მალთიტოლი იქნება შემადგენლობაში, მალტოდექსტრინი, დექსტროზა თუ ჩვეულებრივი შაქარი. როგორც არ უნდა ეწეროს, მაინც შაქარზეა საუბარი. დღეისათვის სულ ეს იყო, ჩვენ კი შევხვდებით შემდეგ ვიდეოში.
