ერთი მხრივ ვიტამინები, მინერალები და მეორე მხრივ წამლები არის ორი სრულიად განსხვავებული კატეგორია, ეს ბევრ ადამიანს ერევა ერთმანეთში და ვიღებთ უამრავ გაუგებრობას. რადგან მსგავსი ფორმით არის წარმოდგენილი ორივე, მაგალითად კაფსულებით ან ტაბლეტებით, ეს საერთოდ არ ნიშნავს იმას რომ ერთი და იგივეა ან რაიმე საერთო აქვთ.
„შეიძლება ვიტამინების ექიმის გარეშე მიღება?“, „უნდა შევისვენო თუ არა ვიტამინების მიღებისგან“, „წელიწადში რამდენჯერ უნდა მივიღო ვიტამინები“, „რამდენი ხანი გრძელდება ვიტამინების კურსი“ – ამ კითხვებიდან რომელიმე თუ გაგჩენიათ, ეს ნიშნავს რომ ვიტამინები და წამლები გერევათ ერთმანეთში, თორემ აქედან არცერთი კითხვა აზრად არ მოგივიდოდათ .
ვიტამინები და მინერალები გადის საკვები დანამატების კატეგორიაში. ზოგადად უმთავრესი მიზეზი რატომაც საკვები გჭირდებათ ყოველდღიურად არის ის რომ ამ საკვებიდან მიიღოთ სხვადასხვა ვიტამინები და მინერალები და თუ რომელიმე ვიტამინს და მინერალს ვერ იღებთ საკვებიდან, სხვადასხვა მიზეზთა გამო, შესაბამისად ეს ვიტამინები და მინერალები უნდა შეივსოთ საკვები დანამატიდან.
ეს არის საკვები დანამატების ყველაზე საბაზისო ფუნქცია, რომ შეივსოთ დანაკლისი და ის საჭიროება, რასაც ვერ აკმაყოფილებს თქვენი საკვები რაციონი. და აქ ყველაზე მნიშვნელოვანი სიტყვა არის საჭიროება, იმიტომ ვიტამინები და მინერალები სჭირდება ნებისმიერ ადამიანს, ნებისმიერ სიტუაციაში და ნებისმიერი ჯანმრთელობის მდგომარეობით, რასაც ვერ ვიტყვით წამლებზე.
ზუსტად ეს არის პირველი განმასხვავებელი ფაქტორი: ვიტამინები სჭირდება ადამიანის ორგანიზმს ჯანსაღი ფუნქციონირებისთვის და წამლები არის შექმნილი მხოლოდ კონკრეტულ დაავადებასთან და სიმპტომთან საბრძოლველად.
ვიტამინები და მინერალები არის ის რითიც ფუნქციონირებს თქვენი ორგანიზმი ყველა მიმართულებით, ამიტომ შეიძლება გაკლდეთ კონკრეტული ვიტამინი, მაგრამ ყველამ ვიცით რომ შეუძლებელია ორგანიზმს აკლდეს რომელიმე წამალი, მაგალითად არ არსებობს სიტუაცია რომ ვთქვათ ტკივილგამაყუჩებელი იბუპროფენი აკლდეს ადამიანს, ასეთი რამ გამორიცხულია.
იბუპროფენს იღებ მარტო მაშინ როცა გინდა ტკივილის გაყუჩება და ადამიანებს, რომლებსაც წამლები ერევათ ვიტამინებში, შესაბამისად ვიტამინებსაც ამ ლოგიკით უდგებიან. მაგალითად როცა უძილობა შეაწუხებთ, მაშინ სვამენ მაგნიუმს, როცა წნევა შეაწუხებთ, მაშინ სვამენ კალიუმს, როცა თმის ცვენა შეაწუხებთ, მაშინ სვამენ თუთიას, D ვიტამინს და ა.შ.
ეს არის ცალსახად არასწორი მიდგომა და ვიტამინების არევა წამლებთად. ვიტამინები და მინერალები საჭიროა ყოველდღიურად თქვენი ორგანიზმის ჯანსაღი ფუნქციონირებისთვის, დღესვე და ახლავეა საჭირო, სანამ ურემი გადაბრუნდება.
თორემ თუ თქვენ გექნებათ სხვადასხვა ვიტამინების და მინერალების დეფიციტი წლების განმავლობაში, ნელ-ნელა უკვე ჩამოყალიბდება ისეთი დაავადებები და გართულებები, რომლებსაც უკვე მართლა ვეღარ მოაგვარებთ წამლების გარეშე და ყველა წამალს აქვს გვერდითი ეფექტები.
ესეც ერთ-ერთი მნიშვნელოვანი განსხვავებაა წამლებსა და ვიტამინებს შორის: ყველანაირ წამალს აქვს გვერდითი ეფექტები, მაგრამ ვიტამინებს თავისთავად არანაირი გვერდითი ეფექტი არ გააჩნია. პირიქით, ვიტამინების ნაკლებობას აქვს გვერდითი ეფექტები, თანაც უამრავი.
ვიტამინები და მინერალები არის ბუნებრივი ნივთიერებები, რაც ორგანიზმს ჭირდება და წამლები არის ლაბორატორიაში შექმნილი ნივთიერებები, რაც ადამიანებმა შექმნეს კონკრეტული სიმპტომისთვის ან დაავადებისთვის. ორი სრულიად განსხვავებული რამ არის.
გარდა ამისა ზოგ ადამიანს აქვს გარკვეული კითხვის ნიშნები, იმასთან დაკავშირებით რომ მაგალითად რამდენად უსაფრთხოა ვიტამინების მიღება და ზოგს ცოტა ეუცხოვება ეს ამბავი, რადგან თითქოს რაღაც ახალი და უცნობია. არადა რეალობა ის არის, რომ ყველა ადამიანი დაბადებიდან ყოველდღე იღებს საკვებ დანამატს.
გაინტერესებთ რა ქვია ამ საკვებ დანამატს? ამ დანამატს ქვია მარილი. მარილი არის ორი საჭირო მინერალის ნატრიუმის და ქლორის გაერთიანება ანუ საკვები დანამატი. იმიტომ ვიღებთ მარილს რომ ნატრიუმს და ქლორს საკვებიდან ვერ მივიღებთ სხვა შემთხვევაში საჭირო ოდენობით და როგორც უკვე ვთქვი, დანამატების მთავარი ფუქნციაც ეს არის: დეფიციტის შევსება.
თქვენ შეიძლება მარილს იყენებთ საკვებისთვის გემოს მისაცემად და ამაზე არ გიფიქრიათ, მაგრამ მარილი თავისი ბუნებით არის ჩვეულებრივი საკვები დანამატი, თანაც ყველაზე იაფი.
დამართნია ვინმეს რაიმე მარილის მიღებით? მეეჭვება და მეტიც, მარილს რომ არ იღებდეთ, ფეხზე ვერ გაივლიდით საერთოდ და ლოგინიდან ვერ ადგებოდით, ამიტომ დააფასეთ საკვები დანამატები. მარილზე და მის ფუნქციებზე უფრო ვრცელი ვიდეოც გვაქვს და გირჩევთ უყუროთ.
ახლა კი მოდით მიღებული ცოდნით უცებ ვუპასუხოთ ვიდეოს დასაწყისში დასმულ კითხვებს. შეიძლება ვიტამინების მიღება ექიმის გარეშე? კი, რა თქმა უნდა. ერთი რომ ისედაც იღებთ უკვე მთელი ცხოვრებაა და მეორე რომ ყველა საკვებში სხვადასხვა ვიტამინები და მინერალებია და მეეჭვება ვინმეს ასე ცალ-ცალკე ეკითხა ექიმისთვის შეიძლება მიღება თუ არა. საკვებ დანამატებზეც იგივე ლოგიკა ვრცელდება.
ექიმის გარეშე არ უნდა დალიოთ წამლები, კიდევ გავიმეორებ რომ ვიტამინები და საკვები დანამატები საერთოდ სხვა კატეგორიაა და სხვა სფეროა. იმაზე რომ აღარაფერი ვთქვათ, რომ საკვები დანამატები უფრო ნუტრიციოლოგის იგივე დიეტოლოგის სფეროა და არა ექიმის, მაგრამ ეს კიდევ ცალკე საკითხია.
უნდა შევისვენო თუ არა ვიტამინების მიღებისგან? რა თქმა უნდა, არა. ეს იგივეა იკითხოთ, უნდა შევისვენო თუ არა საკვების მიღებისგანო და პასუხიც გასაგებია. არაფერი კარგი არ დაგემართებათ რამდენიმე თვე თუ საკვებს და მასში შემავალ ვიტამინებს და მინერალებს არ მიიღებთ.
წელიწადში რამდენჯერ უნდა მივიღო ვიტამინები? ის ვიტამინები და მინერალები, რომლებსაც ვერ იღებთ საკვებიდან, უნდა მიიღოთ ყოველთვიურად და მუდმივად, ვინაიდან ასე სჭირდება ორგანიზმს.
სხვათაშორის ვიტამინები, მინერალები და საკვები დანამატები ზოგადად, ევროპისა და ამერიკის კანონმდებლობაზე დაყრდნობით ითვლება საკვებად. ანუ არათუ წამალი და მედიკამენტი, არამედ საკვები დანამატები გადის ჩვეულებრივად საკვების კატეგორიაში, რაც თავისთავად არ არის და ვერ იქნება შემთხვევითი.
ძირითადად უფრო საქართველოშია სიახლე საკვები დანამატები და ინფორმაციაც ნაკლებია საზოგადოებაში, თორემ მაგალითად ამერიკის მოსახლეობის თითქმის 60% მუდმივად იღებს დანამატებს და ეს 2018 წლის მონაცემებით, თორემ მას შემდეგ კიდევ 5 წელი გავიდა და შეიძლება უკვე ეს რიცხვი 70 ან 80%-ზეც არის ასული. სხვათაშორის ეს მონაცემები ამერიკის ჯანმრთელობის სტატისტიკის ეროვნულმა ცენტრმა გამოაქვეყნა.
თუ გაინტერესებთ რომელი ვიტამინი ან მინერალი გაკლიათ, შეგიძლიათ შეავსოთ აპლიკაცია ჩვენს საიტზე, რა თქმა უნდა სრულიად უფასოდ და აპლიკაცია კვების რაციონზე დაყრდნობით გაჩვენებთ რომელი ვიტამინი გაკლიათ. შევხვდებით შემდეგ ვიდეოში.
