ერთ-ერთი ყველაზე დიდი მითი რაც კი არსებობს საზოგადოებაში არის ის რომ ცხიმი საზიანოა და მაქსიმალურად უნდა შევზღუდოთ თუ გვინდა ჯანსაღად ცხოვრება. სინამდვილეში საქმე პირიქითაა, უცხიმო კვებას ან თუნდაც ცოტა ცხიმის მიღებას შეუძლია გაანადგუროს თქვენი ჯანმრთელობა და არამხოლოდ.
რა თქმა უნდა, ყველანაირი ცხიმი არ არის შექმნილი ერთნაირად და არსებობს ჯანსაღი ცხიმი და არაჯანსაღი ცხიმი. დღევანდელ ვიდეოში ვისაუბრებთ 7 საფრთხეზე, რაც შეიძლება დაგემუქროთ თუ არ იღებთ ჯანსაღ ცხიმს საკმაო ოდენობით.
პირველი და ყველაზე ცალსახა სახითხი არის ის რომ თუ არ იღებთ ჯანსაღ ცხიმს, შესაბამისად ვერ მიიღებთ ცხიმში ხსნად ვიტამინებს, ეს არის A ვიტამინი, D ვიტამინი, E ვიტამინი და K ვიტამინი.
ეს ვიტამინები უპირველესყოვლისა პირდაპირი მნიშვნელობით ცხიმში არის ხოლმე მოთავსებული, მაგალითად კარაქში ან სხვა ცხოველურ ცხიმში და მეორე მხრივ ცხიმია საჭირო რომ ეს ვიტამინები შეითვისოს ორგანიზმმა.
მაგალითად ბოსტნეულში ვიცით რომ არ არის ცხიმი, თუმცა იმისთვის რომ ბოსტნეულიდან რომელიმე ეს ვიტამინი შეითვისოთ, საჭიროა ამ ბოსტნეულთან ერთად მიირთვათ რაიმე სახის ცხიმი.
ეს ვიტამინები საჭიროა თვალებისა და კანის სიჯანსაღისთვის, ძლიერი იმუნიტეტისთვის, ძლიერი ძვლებისა და სახსრებისთვის, არტერიული წნევის ბალანსირებისთვის, ამცირებს უამრავი დაავადების რისკებს, მათ შორის გულის დაავადებების, კიბოს და ა.შ.
აქედან გამომდინარე თუ არ იღებთ ცხიმს, ვერ იღებთ ამ ვიტამინებს და საკმაოდ სერიოზულ პრობლემებს უქმნით თქვენს ჯანმრთელობას. ასევე აქვე უნდა ვახსენოთ ომეგა 3-ის ცხიმოვანი მჟავები, რასაც მიხვდებოდით რომ ასევე ვერ მიიღებთ ცხიმის გარეშე რადგან თვითონ არის ცხიმი.
ომეგა 3 რომ სუპერ მნიშვნელოვანია უამრავი მიმართულებით, ამაზე საუბარს აღარ დავიწყებ, მაგრამ ომეგა 3 არის სასიცოცხლოდ მნიშვნელოვანი ნივთიერება და თქვენი ორგანიზმი უბრალოდ ვერ იფუნქციონირებს გამართულად მის გარეშე.
მაგალითად ტვინის დაახლოებით 60% არის ცხიმი და აქედან დაახლოებით 30% წარმოებულია ომეგა 3-ის ცხიმოვანები მჟავებით და ზუსტად ამიტომ არის ომეგა 3 მათ შორის აუცილებელია გამართული გონებრივი ფუნქციონირებისთვის.
როცა თქვენ პრაქტიკულად არ იღებთ ცხიმს, ასევე სერიოზულად იზრდება ნაღვლის ბუშტში კენჭების გაჩენის რისკი. ზოგადად როცა ვსაუბრობთ ცხიმზე, ფიზიკურად არ გამოვა რომ არ ვისაუბროთ ნაღვლის ბუშტზე.
თვითონ ნაღვლის ბუშტის ერთადერთი ფუნქცია არის ის რომ კონცენტრირებული ოდენობით დააგროვოს ნაღველი, რასაც ღვიძლი აწარმოებს და ეს ნაღველი გჭირდებათ უპირველესყოვლისა იმისთვის რომ ცხიმიდან შეითვისოთ ვიტამინები, ომეგა 3 და ა.შ.
ხოლო როცა თქვენ ცხიმს არ იღებთ, ნაღველი და ნაღვლის ბუშტი არის პრაქტიკულად უფუნქციოდ, იმიტომ რომ ნაღველის გააქტიურება და გამოყენება ხდება მხოლოდ მაშინ როცა ჭამთ ცხიმს.
აქედან გამომდინარე ძალიან ლოგიკურიც არის და არაერთი სამედიცინო კვლევა აჩვენებს, რომ ნაღველის უფუნქციობა პირდაპირ ზრდის ნაღვლის ბუშტში კენჭების გაჩენის რისკებს. ასეთი გამოთქმა არსებობს რომ „რასაც არ იყენებთ, იმას კარგავთ“ და ზუსტადაც ძალიან რელევანტურია ეს გამოთქმა ამ სიტუაციაშიც.
საერთოდაც სხვა კუთხით რომ შევხედოთ ამ ამბავს, თქვენ გაქვთ ცალკე აღებული ორგანო, კონკრეტულად იმისთვის რომ გადაამუშავოს ცხიმი და შეითვისოთ სასარგებლო ნივთიერებები, და თუკი რაიმე შეიძლება ითქვას ზოგადად არის ის რომ ორგანიზმი უმიზეზოდ არაფერს არ აკეთებს და მით უმეტეს ვერ გექნებათ უმიზეზოთ ცალკე აღებული ორგანო.
თქვენ ხომ არ გაქვთ ორგანო, რომელიც მაგალითად ქვებს გადაამუშავებს. რატომ? იმიტომ რომ ეგ არ არის ადამიანისთვის შექმნილი საკვები, მაგრამ ცხიმი აშკარად და ცალსახად არის აუცილებელი და შეუცვლელი. ხოდა რა გასაკვირია რომ როცა არ იღებთ ცხიმს და არ იყენებთ ამ ორგანოს ანუ ნაღვლის ბუშტს, საბოლოოდ ზიანდება და შეიძლება საერთოდ ამოსაჭრელიც გახდეს.
ასევე როცა თქვენ ჭამთ მაგალითად ცხიმს და ცილას ერთად, შედეგად გამოყოფილი ნაღველი გეხმარებათ ცილის დაშლასა და შეთვისებაშიც. ცილა თვითონ არის ერთ-ერთი ყველაზე რთულად მოსანელებელი ნივთიერება და თუ ცხიმი არ გაქვთ რაციონში, ამან ასევე შეიძლება გამოიწვიოს საკვების მოუნელებლობა, შებერილობა და ა.შ.
შემდეგი საფრთხე არის ის, რომ როცა თქვენ ცხიმს იღებთ რაციონიდან ან თუნდაც ამცირებთ, მეორე მხრივ თქვენ ავტომატურად ზრდით ნახშირწყლებს რაციონში და პრინციპში არამხოლოდ ზრდით, არამედ დომინანტური ხდება ნახშირწყლები თქვენს რაციონში.
და ეს იმიტომ არის პრობლემა და საფრთხე, რომ ნახშირწყლები ორგანიზმში მოხვედრისთანავე გარდაიქმნება შაქრად, შესაბამისად სისხლში შაქრის დონე ზღვარგადასულად იმატებს, რაც ძალიან საშიშია თქვენთვის ყველა მიმართულებით.
ამიტომ პანკრეასი გამოყოფს ასევე ძალიან ბევრ ინსულინს იმისთვის რომ გაუმკლავდეს ამდენ შაქარს სისხლში და ამ შაქრებს გარდაქმნის ცხიმად, რომელიც გროვდება თქვენს ქსოვილებში.
შედეგად უპირველესყოვლისა იმატებთ წონაში და ერთ-ერთი მიზეზი, რის გამოც ბევრი ადამიანი ერიდება ცხიმს ისაა რომ თითქოს არ უნდათ დაგროვილი ცხიმი ქონდეთ ორგანიზმში, მაგრამ სინამდვილეში როცა თქვენ ცხიმს ჩაანაცვლებთ ნახშირწყლებით, ზუსტად მაშინ გექნებათ ორგანიზმში ზედმეტად ბევრი ცხიმი.
რატომ? იმიტომ რომ ეს ბევრი ნახშირწყლები გარდაიქმნება ცხიმად და გარდაიქმნება ტრიგლიცერიდებათ. და ხშირად უთქვამთ რომ აი ვიკვებები ჯანსაღად, ვჭამ ბევრ ბურღულეულს, არ ვიღებთ ცხიმს და სისხლში მაინც მაქვს ძალიან ბევრი ტრიგლიცერიდები.
ჰოდა ზუსტადაც იმიტომ გაქვთ სისხლში ბევრი ტრიგლიცერიდები ანუ ცხიმი, რომ ეს მთელი ნახშირწყლები ინსულინის გავლენით გარდაიქმნება ტრიგლიცერიდებათ. თორემ თქვენ რომ ძირითადად ცხიმით და ცილით იკვებოთ, ტრიგლიცერიდები პირიქით დაიკლებს სისხლში.
მაგრამ ეს მხოლოდ აისბერგის მწვერვალია, იმიტომ რომ მუდმივად მაღალი შაქრისა და ინსულინის დონე სისხლში დროთა განმავლობაში იწვევს ინსულინის რეზისტენტულობას, მეორე ტიპის დიაბეტს და ა.შ.
ასევე ეს ყველაფერი იწვევს ქრონიკულ ანთებით პროცესებს ორგანიზმში, რაც უკვე ზრდის პრაქტიკულად ყველანაირი დაავადების განვითარების რისკებს. მაგალითად აზიანებს ქოლესტერინს, შემდეგ ქოლესტერინი გროვდება არტერიის შიდა კედლებში და შედეგად ვიღებთ გულის შეტევას ან ინსულტს.
სხვათა შორის სერიოზული მითია, რომ თითქოს ცხიმის ჭამა იწვევს ქოლესტერინის მატებას, მაგრამ ქოლესტერინს ისედაც წარმოებს ღვიძლი. საფრთხე მაშინ ჩნდება როცა ქოლესტერინი ზიანდება და რისი უპირველესი გამომწვევიც არის ნახშირწყლები და შაქრები, და არა ცხიმის მიღება.
ქოლესტერინზე ცალკე ვიდეოც მაქვს სადაც უფრო დეტალურად არის ახსნილი ყველაფერი და თუ ეს თემა გაინტერესებთ, გირჩევთ უყუროთ. ხოლო ნახშირწყლები რა თქმა უნდა ძირითადად არის ცომეული, ტკბილეული და ბურღულეული. რასაც უფრო მეტს იღებთ მაშინ როცა ცდილობთ ცხიმს მოერიდოთ.
ნახშირწყლების მიერ ინსულინის სუპერ აქტივაცია და ქრონიკული ანთებითი პროცესები იწვევს ჰორმონი ანდროგენის დიდი ოდენობით გამოყოფას, რაც შემდეგ იწვევს უკვე ცხიმოვანი ჯირკვლების ზრდას კანზე, აკნეს და კანის დაზიანებას სხვადასხვა მიმართულებით.
მოკლედ აშკარად არ ღირს რომ მოერიდოთ ცხიმს და მით უმეტეს რომ ჩაანაცვლოთ ნახშირწყლებით. ცხიმი არის ზემნიშვნელოვანი თქვენი ორგანიზმისთვის. თუ ეს ვიდეო მოგეწონათ, გირჩევთ ჩვენს სხვა ვიდეოებსაც გადახედოთ. ჩვენ კი შევხვდებით შემდეგ ვიდეოში.
