მუდმივად გაძლიერებული შიმშილის შეგრძნების პირველი გამომწვევი მიზეზი არის ცილის ნაკლებობა რაციონში, რაც თუ დავფიქრდებით ძალიან ლოგიკურია, იმიტომ რომ 3 მთავარი მაკროელემენტიდან – ცილა, ცხიმი, ნახშირწყლები, თქვენი ორგანიზმისთვის ყველაზე მეტად საჭიროა ცილა.
რეალურად თქვენი სხეულის და მთლიანი ორგანიზმის უმეტესობა შექმნილია ცილისგან და ყველა ეს ნაწილი ყოველდღიურ რეჟიმში გადის განახლებას, ანუ ძველი უჯრედები ნაცვლება ახალი და ჯანსაღი უჯრედებით, რისთვისაც თავისთავად საჭიროა ცილა.
ბევრმა ადამიანმა იცის რომ კუნთოვანი ქსოვილი არის შექმნილი ცილისგან, მაგრამ ცილით იქმნება ასევე ძვლები, კანი, სხვადასხვა ჰორმონები, ფერმენტები, ნეიროტრანსმიტერები, იმუნური ანტისხეულები, ლიპოპროტეინები და მოკლედ უსასრულოა ეს სია.
ამიტომ არ უნდა გაგვიკირდეს რომ თუ რაციონში გვაკლდება ცილა, ორგანიზმი ააქტიურებს შიმშილის შეგრძნებას, რომ მაქსიმალურად გაზარდოს ცილის მიღების შანსები.
როგორც მაგალითად 2015 წელს გამოქვეყნებულმა კვლევამ და 2021 წელს გამოქვეყნებულმა 10 კვლევის მეტა ანალიზმა ანუ შეჯამებამ აჩვენა, ცილით დატვირთული საუზმის მიღება, ამცირებს შიმშილის შეგრძნებას მთელი დღის განმავლობაში და მათ შორის რამდენიმე კვლევაში წონის კლებაც დაფიქსირდა მხოლოდ ამ ერთი ცვლილების შეტანით.
მოკლედ ჩემი რჩევა იქნება რომ დაიწყეთ დღე ცილოვანი საკვებით, რაც არის უპირველესყოვლისა ხორცი, კვერცხი, თევზი, რძის პროდუქტები და ზოგადად ცხოველური პროდუქტები.
მეორე არანაკლებ მნიშვნელოვანი ფაქტორი არის მარილის დეფიციტი, რაც ზოგ ადამიანს არც გაუგია საერთოდ. და მექანიზმი იგივეა რაც ცილის შემთხვევაში, მარილი არის ორი ძალიან საჭირო მინერალის, ნატრიუმის და ქლორის საკვები დანამატი, რის გარეშეც ვერ იფუნქციონირებს ადამიანის ორგანიზმი და შესაბამისად მარილის მოთხოვნილება პირდაპირ ზრდის შიმშილის შეგრძნებას. კონკრეტულად კი ჰორმონის სახელად ალდოსტერონის გააქტიურებით.
მაგალითად როცა შიმშილის შეგრძნება შემოგიტევთ, ცადეთ მარილიანი წყლის დალევა და ნახავთ რომ შიმშილის შეგრძნება სერიოზულად შემცირდება ან გაქრება საერთოდ. ცილის არ იყოს, საუკეთესო იქნება თუ დილიდანვე მიიღებთ მარილს. საშუალოდ ნახევარი ჩაის კოვზი ან ცოტა მეტიც რომ მიიღოთ, იქნება საუკეთესო.
რა თქმა უნდა, არ არის აუცილებელი რომ მარილიანი წყალი დალიოთ, მიზანი ის არის რომ დილითვე მიიღოთ მარილი და როგორ გააკეთებთ ეს თქვენი გადასაწყვეტია. დილით მარილის მიღებას კიდევ ბევრი სარგებელი აქვს სხვათაშორის და გირჩევთ უყუროთ ჩვენს უფრო ვრცელ ვიდეოს მარილზე და მის ფუნქციებზე.
ასევე გარდა მარილისა და მასში შემავალი მინერალებისა, სხვა ვიტამინების და მინერალების დეფიციტსაც შეუძლია გამოიწვიოს შიმშილის შეგრძნება. ზოგადად ალბათ უკვე მიხვდებოდით და დაინახავდით იმ ტენდენციას, რომ ორგანიზმი უპირველესყოვლისა მაშინ ააქტიურებს შიმშილის შეგრძნებას, როცა აკლდება ფუნდამენტურად მნიშვნელოვანი ნივთიერებები.
მით უმეტეს რომ ყველა ადამიანს აკლია მინიმუმ რამდენიმე ვიტამინი და მინერალი, მათ შორის საკვების ხარისხის გამო, ბევრი შაქრის მიღების გამო, სტრესის გამო, არაჯანსაღი კვების გამო და ა.შ.
სხვათაშორის ჩვენს საიტზე შეგიძლიათ შეავსოთ აპლიკაცია, რა თქმა უნდა სრულიად უფასოდ და თქვენს კვების რაციონზე დაყრდნობით გიჩვენებთ რომელი ვიტამინი ან მინერალია დეფიციტური რაციონში.
მეოთხე ფაქტორი რასაც შეუძლია გამოიწვიოს შიმშილის შეგრძნება არის სისხლში შაქრის დონის არაჯანსაღი ცვალებადობა. მარტივად რომ წარმოვიდგინოთ ეს ამბავი, ყოველთვის როცა რაღაცას ჭამთ, ამ საკვების გარკვეული ნაწილი გარდაიქმნება შაქრად და შესაბამისად იწევს სისხლში შაქრის დონე, რასთან ერთადაც ორგანიზმი, კონკრეტულად კი პანკრეასის ბეტა უჯრედები გამოიმუშავებს ინსულინს.
ინსულინს ეს გლუკოზა გადააქვს სისხლიდან უჯრედებში და უჯრედებში უკვე ეს შაქარი გარდაიქმნება ენერგიად. ზოგადად ინსულინის ერთ-ერთი მოვალეობა ზუსტად სისხლში შაქრის დონის დასტაბილურებაა.
მაგრამ თუ ადამიანი იღებს ბევრ შაქარს / ბევრ ნახშირწყლებს, ანუ ძირითადად ცომეულს, ტკბილეულს, ჩიფსებს, ხილის წვენებს და ა.შ. , ეს იწვევს სისხლში შაქრის დონის ზღვარგადასულ მატებას და შემდეგ ინსულინის გავლენით შაქრის დონის ძალიან სწრაფად დაცემას, იმდენად რომ უკვე შაქრის დონე ქვედა ზღვარსაც ცდება და პირიქით არასაკმარისი გლუკოზა რჩება სისხლში.
ეს კი უკვე არის ორგანიზმისთვის სიგნალი, ამ შემთხვევაში ყალბი სიგნალი, რომ ორგანიზმში არასაკმარისი საკვებია, რაც უკვე იწვევს შიმშილის შეგრძნებას. იმიტომ რომ როგორც უკვე ვთქვით საკვების მიღების დროს მაღლა იწევს შაქრის დონე და თუ რაღაცნაირად არასაკმარისი შაქარია სისხლში, თავისთავად ორგანიზმს ჭირდება გააქტიუროს შიმშილის შერგძნება რომ ისევ დაასტაბილუროს შაქარი.
და ბოლო მეხუთე ფაქტორი არის უკვე შედარებით ცნობილი და ეს არის ქრონიკული სტრესი და უძილობა. ორივე შემთხვევაში აქტიურდება სტრესის ჰორმონი კორტიზოლი, რაც ააქტიურებს შიმშილის ჰორმონ გრელინს, რის შედეგადაც სტრესის დროსაც და უძილობის დროსაც, მთელი დღის განმავლობაში აქტიურია გრელინი და მთელი დღე ბევრად უფრო მეტად გშიათ.
მაგალითად 2004 წელს ჩატარებულმა კვლევამ აჩვენა, რომ თუ დაგაკლდათ ძილი, მეორე დღეს საშუალოდ 23%-ით იზრდება შიმშილის შეგრძნება და 45%-მდე იზრდება მოთხოვნილება ცომეულის, ტკბილეულის და მსგავსი არაჯანსაღი საკვების მიმართ.
თავისთავად სტრესი და უძილობა არა მხოლოდ შიმშილის შეგრძნებას ააქტიურებს, არამედ ერთ-ერთი მნიშვნელოვანი საფრთხეა ადამიანის ჯანმრთელობისთვის. სტრესის შემცირება ცოტა უფრო რთულია და ამაზე ცალკე ვიდეოს გავაკეთებ, თუმცა ძილთან დაკავშირებით უკვე გვაქვს რამდენიმე ვიდეო და გირჩევთ უყუროთ. შევხვდებით შემდეგ ვიდეოში.
