შეიძლება ღამე კვება კეტოგენური დიეტის დროს?

შეიძლება თუ არა ღამე საკვების მიღება კეტოგენური დიეტის დროს? ანუ უფრო რომ გავამარტივოთ, შეიძლება თუ არა რომ ჩვენს გრაფიკში კვება ჩავსვათ საღამოს საათებში?

ზოგადად ამაზე პასუხი არის, რომ კი, შეიძლება იკვებოთ ღამის საათებში და დაგეგმოთ თქვენი კვება, თუმცა არის რამდენიმე ფაქტორი, რომელიც უნდა გაითვალისწინოთ.

ასეთი მოსაზრებაა გავრცელებული საზოგადოებაში, რომ 6 საათის შემდეგ რასაც ვჭამთ თითქოს ყველაფერი ცხიმად გროვდება, რადგან ვერ ვასწრებთ ამ კალორიების გამოყენებას და ა.შ.

უპირველესად ერთი და მარტივი ფაქტი არსებობს და არის ის, რომ რეალურად კალორიების და ცხიმის ყველაზე დიდ ოდენობას ჩვენი სხეული წვავს სწორედ ღამით როცა გვძინავს და საერთოდ არ არის აუცილებელი რომ 10 კილომეტრიან მარათონზე გავრბოდეთ საღამოს მიღებული კალორიების დასაწვავად.

ამიტომ მოსაზრება, რომ კალორიების დაწვას ვერ ასწრებს ორგანიზმი ღამით და ამიტომ ვიმატებთ სწრაფად არის უბრალოდ მცდარი და თუ კეტო დიეტაზე ხართ, თქვენ უკვე იცით რომ ბევრად უფრო მნიშვნელოვანია რით იკვებებით და რა გრაფიკით.

მიუხედავად ამისა ზოგი კვლევა აჩვენებს რომ ადამიანები უფრო მეტად მიდრეკილები არიან ცხიმის დაგროვებისკენ საღამოს საათებში, მაგრამ აქვე უნდა ვთქვათ რომ ეს კავშირი გვიან კვებასა და წონის მატებას შორის არც ისე დიდია.

კი, უმჯობესია თუ თქვენს ორ კვებას დიეტის დროს ჩავსვამთ 8 საათამდე და ამით პოტენციურად ცოტა უფრო გავზრდით წონის კლების ტემპს, თუმცა თუ რაიმე მიზეზით ვერ ახერხებთ ამას, სამსახურის გამო ან უბრალოდ გინდათ საღამოს იკვებოთ, არც ეს არის  პრობლემა.

ასევე თუ მაგალითად თქვენ მუდმივად იკვებებით 9 საათზე, თქვენს ორგანიზმს შეუძლია ადაპტირდეს ნელ-ნელა და მინიმუმამდე დაიყვანოს ის გარკვეული უარყოფითი ეფექტი წონის კლების მიმართულებით, რაც გვიან ჭამას შეიძლება ახლდეს.

მთავარი რამ, რაც უნდა გაითვალისწინოთ არის ის, რომ ბოლოს იკვებოთ დაძინებამდე საშუალოდ 3 საათით ადრე რომ თავიდან ავირიდოთ ძილთან დაკავშირებული პრობლემები, რასაც რეალურად შეუძლია წონის მატება და სხვა არაერთი პრობლემა გამოიწვიოს. თუ ეს ყველაფერი მოწესრიგებული გაქვთ, მაშინ სანერვიულოც არ გაქვთ.

თქვენ შეიძლება გაგიჩდეთ ასეთი კითხვა, რომ მაგალითად არის რაიმე დღე როცა იძინებთ მაგალითად ღამის 4 საათზე და შეიძლება თუ არა ვიკვებოთ 12 საათზე, რადგან თეორიულად ეს არ გამოდის ჩვენი 3 საათიანი წესის დარღვევა.

აი აქ კი უკვე გვაქვს ერთი დიდი პრობლემა და მდგომარეობს იმაში, რომ თქვენი ორგანიზმი ზოგადად იმახსოვრებს რა გრაფიკით იკვებებით, როდის გძინავთ და სხვა, და ამისთვის წინასწარ ემზადება.

ხოლო როცა თქვენმა ორგანიზმმა იცის რომ ამ დროს წესით გძინავთ ხოლმე, არ არის მზად რომ ახალი საკვების პარტია მიიღოს და გაუმკლავდეს, ამიტომ დიდი შანსია ასეთ დროს მოხდეს წონის დაგროვება, მით უმეტეს რომ ძილსაც იკლებთ, რაც ცალკე აღებულიც შეიძლება იყოს წონის მატების სტიმულატორი.

საბოლოო ჯამში, რეკომენდირებულია რომ თქვენი ორი კვება დაგეგმოთ 8 საათამდე, თუმცა თუ თქვენი გრაფიკი ამის საშუალებას არ გაძლევთ, არც ეს არის დიდი პრობლემა და ღელვად არ ღირს. მთავარია გვიან კვებამ ხელი არ შეუშალოს თქვენს ძილის რეჟიმს.

დღეისათვის სულ ეს იყო, თუ გაგიჩნდათ რაიმე კითხვა, დაწერეთ კომენტარებში და აუცილებლად გიპასუხებთ. მომავალ ვიდეომდე