ბევრი ადამიანი არჩევს დანამატს მხოლოდ მწარმოებელ ქვეყანაზე დაყრდნობით, რაც ცალსახად არასწორია და გამოუცდელობაზე მიანიშნებს, მაგრამ მწარმოებელი ქვეყანა ერთ-ერთი მნიშვნელოვანი ფაქტორი ნამდვილად არის, თუმცა ერთ-ერთი და არა ერთადერთი.
ვისაც მოკლე პასუხი გაინტერესებთ, საუკეთესო საკვები დანამატები როგორც წესი არის ევროკავშირში და ამერიკაში დამზადებული დანამატები. მაგრამ მთავარი კითხვა არის რატომ? ან რას განსაზღვრავს და რას წყვეტს მწარმოებელი ქვეყანა? ან თუნდაც ამერიკულ და ევროპულ დანამატებს შორის რომელია უკეთესი?
სინამდვილეში მწარმოებელი ქვეყანა საერთოდ არ განსაზღვრავს იმას თუ რამდენად კარგია დანამატი. თუ დანამატი ევროკავშირში ან ამერიკაშია დამზადებული ეს იმის გარანტია რომ ეტიკეტზე დატანილი ინფორმაცია არის სწორი და ემთხვევა შემადგენლობას. ეს არის მთავარი.
თორემ საუკეთესო ინგრედიენტები შეიძლება ეწეროს თურქეთში ან რუსეთში დამზადებულ დანამატებს, მაგრამ კაცმა იცის რეალურად რას შეიცავს დანამატები ან რა ოდენობით.
თუმცა თუნდაც დანამატი ჩვენთვის სასურველ ქვეყანაში იყოს დამზადებული და დარწმუნებულები ვიყოთ რომ მართლა იმას შეიცავს რაც ეტიკეტზე აწერია, ეს მაინც არაფერს გვეუბნება ხარისხზე.
იმიტომ რომ სრულიად ჩვეულებრივად შეიძლება ეტიკეტზე ეწეროს უხარისხო ინგრედიენტები და ამ შემთხვევაში დარწმუნებულები ვიქნებით რომ მართლა უხარისხო ინგრედიენტებს შეიცავს, რადგან ამერიკაშია დამზადებული.
მაგრამ ამას ვერ მიხვდებით რა თქმა უნდა, თუ ხარისხიან და უხარისხო ინგრედიენტებს ერთმანეთისგან ვერ ანსხვავებთ ან თუ მოცემულ დოზებს არ აქცევთ ყურადღებას. ასევე შესაძლებელია რომ ხარისხიანი ინგრედიენტები კი იყოს გამოყენებული, მაგრამ დაბალი დოზებით.
ამიტომ ამოსავალი წერტილი აქ ის არის, რომ რომელ ქვეყანაშია წარმოებული, ეს არის მხოლოდ საბაზისო ინფორმაცია და აქ კი არ მთავრდება დანამატის არჩევა, არამედ იწყება, ინგრედიენტებზე და დოზებზე დაყრდნობით. მხოლოდ ქვეყანა არანაირად არ გამოდგება დანამატზე დასკვნების გამოსატანად.
ყველა ქვეყანა, ყველა საწარმო და ყველა ბრენდი აწარმოებს როგორც წესი უხარისხო დანამატებსაც და მაღალი ხარისხის დანამატებს კარგად ათვისებადი ინგრედიენტებით. არჩევის და ამორჩევის პრეროგატივა კი თქვენზეა.
რაც შეეხება იმას თუ ევროკავშირში წარმოებული დანამატებია უკეთესი თუ ამერიკული, მაინც და მაინც რაიმე განმასხვავებელი კრიტერიუმები არ არსებობს შესადარებლად, იქიდან გამომდინარე რომ ორივე შემთხვევაში საკმაოდ მკაცრად რეგულირდება და კონტროლდება დანამატები, განსაკუთრებით ბოლო რამდენიმე წელია.
ასევე თუ ჩვენს ვიდეოებს უყურებთ ხოლმე, გეცოდინებათ რომ გვაქვს ჩვენი საკვები დანამატების ხაზი, რაც წარმოებულია ევროკავშირში, რა თქმა უნდა. და ყოველ ჯერზე დანამატის წარმოების შემდეგ საწარმო იტოვებს რამდენიმე ეგზემპლარს, იმისთვის რომ შემდეგ მარეგულირებელმა ორგანომ წაიღოს და შეამოწმონ თავის ლაბორატორიაში. ეს არის ერთ-ერთი მექანიზნი თუ როგორ აკონტროლებენ შემადგენლობას.
მე პირადად უფრო ევროპული დანამატებისკენ ვიხრები, რადგან როგორც წესი უკეთესი ფასი აქვს და შემადგენლობა არაფრით განსხვავდება ამერიკულისგან. როცა ამერიკული დანამატები შეიძლება ორჯერ ან სამჯერ ძვირი ღირდეს და არ არსებობს არანაირი რეალური მიზეზი ფულის გადასაყრელად.
ისევ და ისევ ბევრად უფრო მნიშვნელოვანია რომ დანამატების შემადგენლობაში გაერკვიოთ, რაც საერთოდ არ არის რთული, თორემ თუ გადახედავთ საქართველოში არსებულ დანამატებს, უმეტეს შემთხვევაში ისედაც ევროპული და ამერიკული დანამატები იყიდება ძირითადად. ნუ თუ მაინც და მაინც სპეციალურად არ მოძებნით რაღაც უცნობი წარმოშობის დანამატებს.
სინამდვილეში მწარმოებელი ქვეყანა გასარჩევი თემა საერთოდ არ არის. კი მნიშვნელოვანია ზოგადად, მაგრამ მნიშვნელოვანია თუ ევროპულ და რუსულ დანამატს ადარებთ ერთმანეთს, თორემ ამერიკულია უკეთესი თუ ევროპული, ამის გარჩევა უბრალოდ წყლის ნაყვაა და მეტი არაფერი.
განსაკუთრებით მაშინ როცა რეალური კრიტერიუმები საერთოდ სხვაა და ადამიანების უმეტესობა ამას საერთოდ არ აქცევს ყურადღებას. მთავარი კრიტერიუმი არის დანამატის დოზები და ინგრედიენტები.
უამრავ ვიტამინზე და მინერალზე გვაქვს ვიდეოები, სადაც მათ შორის თითოეული დანამატის ხარისხიან და უხარისხო ფორმებზეც არის საუბარი, ამიტომ ჩვენს ვიდეოებშიც ნახავთ ამ ინფორმაციას და თავადაც შეგიძლიათ მოიძიოთ რომლებია ხარისხიანი ინგრედიენტები, თუ ცოტა დროს დაუთმობთ ამ ამბავს.
