რამდენი კვერცხი შეიძლება დღეში?

რამდენი კვერცხი შემიძლია ვჭამო დღეში? ეს კითხვა ძირითადად იბადება იქიდან გამომდინარე რომ კვერცხი შეიცავს საკმაოდ ბევრ ქოლესტერინს და მთელი ეს ღელვა კვერცხის ოდენობასთან დაკავშირებით როგორც წესი აქედან მოდის. ჰოდა მინდა დღეს ამ თემაზე ვისაუბროთ.

სანამ კონკრეტულად ამ კითხვაზე გავცემთ პასუხს, ჯერ საჭიროა ერთი დეტალი გავიაზროთ ქოლესტერინთან დაკავშირებით, რომ თქვენი ღვიძლი ყოველდღიურად აწარმოებს საშუალოდ 3 000 მლ ქოლესტერინს და თუ თქვენ საკვებიდან მიიღებთ ბევრ ქოლესტერინს, ღვიძლი უბრალოდ აწარმოებს ნაკლებს.

აქედან გამომდინარე საკმაოდ ბევრი კვერცხი შეგიძლიათ ჭამოთ თუნდაც ყოველდღე, იმიტომ რომ რომც არ ჭამოთ კვერცხი, ღვიძლი მაინც აწარმოებს ქოლესტერინს და თქვენ რაღაც დონეზე პირიქით შეგიძლიათ ღვიძლს შეუმსუბუქოთ კიდეც საქმე.

თქვენ რომ ჭამოთ საშუალოდ 17 კვერცხი, მიიღებთ იმდენ ქოლესტერინს რამდენსაც ორგანიზმი თვითონ აწარმოებს ნებისმიერ შემთხვევაში და პრაქტიკულად გამოდის რომ შეგიძლიათ იმდენი კვერცხი ჭამოთ რამდენიც გაგიხარდებათ, იმიტომ რომ არათუ 17 კვერცხზე მეტს, არამედ 17 კვერცხსაც არავინ ჭამს ყოველდღიურად.

თუნდაც რაღაც სასწაულით ერთ დღეს მოინდომოთ და 17 კიარა, 40 კვერცხი ჭამოთ, ორგანიზმი უბრალოდ შემდეგ რამდენიმე დღე აღარ აწარმოებს ქოლესტერინს და დამთავრდება ეს ამბავი.

თანაც ქოლესტერინი, რომელსაც ღვიძლი აწარმოებს და ქოლესტერინი, რომელიც კვერცხშია, ეს არის ჯანსაღი ქოლესტერინი და აქ საშიში და საფრთხილო ისედაც არაფერია.

საშიში არის მხოლოდ საზიანო ანუ ოქსიდირებული, დაზიანებული ქოლესტერინი, რომელიც უკვე იჭრება არტერიის შიდა კედლებში, გროვდება და იწვევს პრობლემებს, მაგრამ კვერცხის ჭამასთან და ოდენობასთან ამას საერთო არაფერი აქვს.

რამდენი კვერცხიც არ უნდა ჭამოთ, ამით გულის შეტევას და ინსულტს ვერ დაიმართებთ ძალიანაც რომ გინდოდეთ რატომღაც. პირიქით კვერცხი არის ამ პლანეტაზე ერთ-ერთი ყველაზე სასარგებლო პროდუქტი.

კვერცხი შეიცავს ყველა საჭირო ამინო მჟავას რაც გჭირდებათ, ასევე ჯანსაღ ცხიმებს, სხვადასხვა B ვიტამინებს, მინერალებს როგორიც არის სელენი, ფოსფორი, იოდი და ა.შ. ამიტომ არანაირი მიზეზი არ გაქვთ რომ კვერცხს მოერიდოთ თუ პირიქით არა.

მეორე მხრივ კი ქოლესტერინი ხდება საშიში და ანუ ოქსიდირებული და დაზიანებული, როცა ორგანიზმში გაქვთ ქრონიკული ოქსიდაციური სტრესი, რასაც იწვევს ბევრი ნახშირწყლების და შაქრების მიღება, ასევე არაჯანსაღი ზეთები, მოწევა, ალკოჰოლი, სტრესი და ა.შ.

ნახშირწყლები რა თქმა უნდა ძირითადად არის ცომეული, ტკბილეული და ბურღულეული, ხოლო არაჯანსაღი ზეთებია: მზესუმზირის ზეთი, სიმინდის ზეთი, რაფსის ზეთი, ყურძნის წიპწის ზეთი და ა.შ.

ქოლესტერინზე ცალკე ვიდეოც მაქვს სადაც უფრო დეტალურად არის ახსნილი ყველაფერი და გირჩევთ უყუროთ. ასევე ზეთებზე, ბურღულეულზე და ბევრ სხვა საკითხზე მაქვს ვიდეოები რამაც შეიძლება დაგაინტერესოთ და ნახეთ აუცილებლად.

მოკლედ რამდენი კვერცხი შეიძლება რომ ვჭამოთ დღეში? პასუხი არის რამდენიც გაგიხარდებათ და გესიამოვნებათ. კვერცხი მხოლოდ სარგებელს თუ მოგიტანთ თორემ არაფერს დაგიშავებთ ნამდვილად. დღეისათვის კი სულ ეს იყო, შევხვდებით შემდეგ ვიდეოში.