ომეგა 3-ის ბევრი სასარგებლო თვისებაა ცნობილი, მაგრამ სულ რამდენიმე თვის წინ გამოქვეყნდა ახალი კვლევა, რომელიც აჩვენებს, რომ ომეგა 3 ეფექტურია ასევე ცხიმის წვის და წონის კლების მიმართულებითაც, და დღეს მინდა ამ კვლევაზე გესაუბროთ.
სტანდარტულად კვლევაში მონაწილე ადამიანები დაყვეს ორ ჯგუფად, ერთი ჯგუფი 3 კვირის განმავლობაში სვამდა ომეგა 3-ის საკვებ დანამატს, ხოლო მეორე ჯგუფი უბრალოდ არაფერს არ იღებდა. კვლევის დაწყებამდე მარტივად რომ ვთქვათ გაზომეს საშუალოდ რამდენ კალორიას წვავდა მონაწილეების ორგანიზმი ყოველდღიურად ყველანაირი ფიზიკური აქტივობის გარეშე, ეს მაჩვენებელი იყო 1792 კალორია დღეში და რაციონში მხოლოდ ომეგა 3-ის დამატებით 3 კვირის შემდეგ ეს მაჩვენებელი იყო გაზრდილი უკვე 2012 კალორიამდე. ანუ პრაქტიკულად ადამიანები, რომლებიც იღებდნენ ომეგა 3-ს, მათი მეტაბოლიზმი უფრო აჩქარდა და მათი ორგანიზმი წვავდა უკვე 220 კალორიით მეტს.
დამატებით დახარჯული 220 კალორია მხოლოდ ომეგა 3-ის დამსახურებით, მათ რაციონში და ცხოვრების წესში სხვა არაფერი შეცვლილა გარდა ამისა. მეორე მხრივ თქვენ უნდა ირბინოთ საშუალოდ ნახევარი საათი გაუჩერებლად რომ დაწვათ იგივე ოდენობის კალორიები, რაც ძალიან მაგარი ამბავია. თუმცა ჩნდება კითხვა რატომ და როგორ მოქმედებს ომეგა 3 და როგორც მკვლევარები ამბობენ ეს შედეგი ძირითადად გამოწვეულია 2 მთავარი ფაქტორით.
ზოგადად თქვენს ორგანიზმს შეუძლია გამოიყენოს ცხიმი რამდენიმე მიმართულებით, მაგალითად ენერგიის საწარმოებლად, რაც ცნობილია კლასიკურად, მაგრამ ასევე ორგანიზმს შეუძლია ეს ცხიმი გარდაქმნას უბრალოდ სითბოდ, როგორც მაგალითად კოცონი გამოყოფს სითბოს და იკარგება ჰაერში. და ამ კვლევამ აჩვენა, რომ როცა იღებთ ომეგა 3-ს, თქვენს ორგანიზმში არსებული ცხიმის ბევრად დიდი ნაწილი იხარჯება უბრალოდ სითბოს საწარმოებლად, რაც პრაქტიკულად ენერგიის განიავება და თავიდან მოშორებაა შეიძლება ითქვას. და სინამდვილეში ძალიანაც გაწყობთ რომ ორგანიზმში დაგროვილი ცხიმი ასე მოიშოროთ და დაიხარჯოს უბრალოდ სითბოს საწარმოებლად. ეს პირდაპირ ნიშნავს უფრო მეტ წონის კლებას.
ხოლო მეორე მხრივ კვლევამ აჩვენა, რომ როცა იღებთ ომეგა 3-ს, ბევრად მეტად აქტიურდება PPARγ, რაც ადამიანურ ენაზე ნიშნავს რომ თქვენი ორგანიზმი ადაპტირდება და იძენს შესაძლებლობას რომ ცხიმი უფრო მარტივად და ეფექტურად გამოიყენოს ენერგიად. პრაქტიკულად ცხიმი უფრო ხელმისაწვდომი ხდება დასაწვავად, ენერგიად გარდასაქმნელად და დასაკლებად რაც მთავარია.
მკვლევარების დაკვირვევით ზუსტად ამ 2 ფაქტორის გავლენით მოხდა მეტაბოლიზმის აჩქარება კვლევაში მონაწილე ადამიანებში. თუმცა ასევე მნიშვნელოვანი ის არის, რომ კვლევაში ხაზგასმით გამოყენებული იყო მაღალი ხარისხის თევზის ცხიმი ანუ ომეგა 3-ის საკვები დანამატი, თუმცა რეალურად ხარისხიანი ომეგა 3-ის მოძიება საერთოდაც არ არის მარტივი საკითხი.
ხშირ შემთხვევაში საქართველოს ბაზარზე არსებული ომეგა 3 როგორც წესი შეიცავს ძალიან ცოტა ომეგა 3-ს, ხშირად 300 მგ-ს დღიურ დოზაში, არადა თქვენ გჭირდებათ საკმაოდ დიდი ოდენობით ომეგა 3, საშუალოდ 1500-დან 2000 მგ-მდე დღეში. ასევე საკვები დანამატი უნდა შეიცავდეს გარკვეული სახის ანტიოქსიდანტს მაგალითად E ვიტამინს, რადგან ომეგა 3 არის ძალიან სენსიტიური ცხიმოვანი მჟავა და სხვა შემთხვევაში უბრალოდ განადგურდება სანამ თქვენამდე მოაღწევს და ხელში შეგრჩებათ არაჯანსაღი, გაფუჭებული ცხიმი.
ომეგა 3-ის საკვები დანამატის სწორად შერჩევაზე ცალკე ვიდეოც მაქვს, სადაც უფრო დეტალურად არის განხილული ყველაფერი და გირჩევთ უყუროთ. ასევე გეტყვით, რომ მათ შორის ჩვენს მაღაზიაში იყიდება მაღალი ხარისხის ომეგა 3, რომელიც საკმარის ომეგა 3-საც შეიცავს, E ვიტამინსაც და ყველა სტანდარტს აკმაყოფილებს. ეს პროდუქტი შეგიძლიათ შეიძინოთ ჩვენს საიტზე Ketogen.ge ან გვეწვიეთ ჩვენს მაღაზიაში, მისამართი: ვაჟა-ფშაველას 12
ზოგადად ძალიან საინტერესოა ის, რომ რაც ამ კვლევამ აჩვენა, ეს ყველაფერი თეორიის სახით არსებობს საკმაოდ დიდი ხანია, თუმცა ბოლომდე დადასტურებული არ იყო როგორც ასეთი. მაგრამ ახლა უკვე კონკრეტული კლინიკური კვლევაც არსებობს, რომელიც ადასტურებს რომ ომეგა 3-ს ცალსახად შეუძლია დაგეხმაროთ წონის კლებაში. თუ გაქვთ სურვილი რომ ამ კვლევას თავადაც გაეცნოთ უფრო დეტალურად, დაგვიწერეთ კომენტარებში და აუცილებლად გამოგიგზავნით. დღეისათვის კი სულ ეს იყო, შევხვდებით შემდეგ ვიდეოში.
