დღეს მინდა გესაუბროთ ნუტრიციონული საფუარის სასარგებლო თვისებებზე, თუმცა სანამ ამაზე გადავალთ, პროდუქტის სახელიდან გამომდინარე მინდა ხაზი გავუსვა იმას, რომ ეს არ არის საფუარი, რომელსაც პურის გამოსაცხობად იყენებენ, ეს სულ სხვა ტიპის საფუარია.
ჩვეულებრივი საფუარისგან განსხვავებით ნუტრიციონული საფუარი შეგიძლიათ მოაყაროთ სალათებს, კერძებს, ხორცს, გამოიყენოთ სხვადასხვა რეცეპტებში და ა.შ. აქვს ყველის მსგავსი გემო და რაც მთავარია არის ბუნებრივი პროდუქტი.
ნუტრიციონული საფუარი გხდით უფრო ენერგიულს, ამცირებს სტრესს, აძლიერებს იმუნიტეტს, აუმჯობესებს ტვინისა და გულის ჯანმრთელობას, საჭმლის მომნელებელ სისტემას და ეს ყველაფერი გამომდინარეობს იქიდან რომ ნუტრიციონული საფუარი შეიცავს დიდი ოდენობით B ვიტამინების კომპლექტს.
მხოლოდ 1 სუფრის კოვზი ნუტრიციონული საფუარი შეიცავს 30-დან 320%-მდე სხვადასხვა B ვიტამინებს, რაც თქვენ გჭირდებათ დღის განმავლობაში.
B1 – 320 % DV
B2 – 285 % DV
B3 – 140 % DV
B6 – 240 % DV
B7 – 35 % DV
B9 – 30 % DV
თანაც B ვიტამინების დაგროვება ადამიანის ორგანიზმს არ შეუძლია და გამოიდევნება წყალთან ერთად, ამიტომ სუპერ მნიშვნელოვანია ამ ვიტამინების ყოველდღიურად მიღება.
ნუტრიციონული საფუარი შეიცავს გლუტათიონს, რაც არის ერთ-ერთი ყველაზე ძლიერი ანტიოქსიდანტი და მთავარ ანტიოქსიდანტსაც ეძახიან. ასევე შეიცავს კიდევ ერთ ანტიოქსიდანტს სახელად სელენომეთიონინს.
ანტიოქსიდანტები იცავს თქვენს უჯრედებსა და ქსოვილებს დაზიანებისგან, სხვადასხვა დაავადებისგან, როგორიც არის დიაბეტი, გულის დაავადებები, ათეროსკლეროზი, ასევე ანელებენ დაბერების პროცესს, აქვთ დადებითი ზემოქმედება იმუნიტეტზე, ხელს უწყობს წონის კლებას და ა.შ.
ნუტრიციონული საფუარი აუმჯობესებს კანის სტრუქტურას და ამცირებს აკნეს, რადგან შეიცავს მინერალ თუთიას, რაც უმნიშვნელოვანესია კანის სიჯანსაღისთვის. თუთია ასევე მოქმედებს როგორც ანტიოქსიდანტიც და შესაბამისად კიდევ უფრო აძლიერებს უკვე ჩამოთვლილი ანტიოქსიდანტების ეფექტებს.
კანის, თმისა და ფრჩხილების გაჯანსაღება არის კიდევ ერთი სასარგებლო თვისება, რაშიც ჩამბულია, როგორც თუთია, ასევე B7 და B3 ვიტამინები, ცნობილი როგორც ბიოტინი და ნიაცინი. ეს ორი ნივთიერება ხშირად შეიძლება შეგხვდეთ სხვადასხვა კოსმეტიკურ საშუალებებშიც.
ნუტრიციონული საფუარი ასევე შეიცავს საკმაოდ დიდი ოდენობით ცილას, პრაქტიკულად ნახევარი სულ ცილაა, თუმცა ყურადღება მისაქცევი არის ის, რომ შეიცავს 9-ვე სახის ამინო მჟავას, რისი წარმოებაც ადამიანის ორგანიზმს არ შეუძლია.
ეს 9 სახის ამინო მჟავა აუცილებელია, რომ მიიღოთ საკვებიდან და ერთია რომ ნუტრიციონული საფუარი შეიცავს 9-ვე ამინო მჟავას და მეორე ის, რომ ეს არის ერთ-ერთი ყველაზე კარგი მცენარეული წყარო ყველა სახის საჭირო ამინო მჟავის მისაღებად.
ამიტომ ნუტრიციონული საფუარი ძალიან პოპულარულია ვეგეტარიანელებში და ძალიან ფართოდ გამოყენებადია ამ მიმართულებითაც. ასევე ვეგეტარიანელებს ხშირად აქვთ თუთიის ნაკლებობაც, რაც როგორც ვახსენე არის ამ პროდუქტში.
ნუტრიციონული საფუარი ასევე შეიცავს საკმაო ოდენობით საკვებ ბოჭკოებს, რაც კუჭში მოხვედრის შემდეგ იშლება ჟელეს მსგავს მასად, რაც აქვეითებს შიმშილის შეგრძნებას, პოზიტიურად მოქმედებს სისხლში შაქრის დონეზე და შესაბამისად ორივე მათგანი ხელს უწყობს წონის კლებას.
ნუტრიციონულ საფუარში დამატებით გვხვდება სხვადასხვა მინერალები და ტრეის მინერალები, როგორიც არის მაგნიუმი, კალიუმი, სელენიუმი, სპილენძი, რკინა და ა.შ. რაც კიდევ არაერთ ბიოქიმიურ პროცესზე მოქმედებს დადებითად ორგანიზმში.
მაგალითად ფარისებრი ჯირკვლის ფუნქციონირებისთვის ზემნიშვნელოვანია თუთია, სელენიუმი და რკინა. ფარისებრი ჯირკვალი აკონტროლებს მაგალითად მეტაბოლიზმის დონეს, ხოლო თუ არ იღებთ საჭირო ნივთიერებებს, თქვენი მეტაბოლიზმი შენელდება.
ზოგადად შეგვიძლია ვთქვათ რომ ფარისებრი ჯირკვალი არის ყველაფრის რეგულატორი ორგანიზმში და ალბათ წარმოგიდგენიათ რა ხდება მაშინ თუ ამ ორგანოს ფუნქციონირება ირღვევა.
ეს იყო ნუტრიციონული საფუარის ძირითადი სასარგებლო თვისებები, თუ რაიმე კითხვა გაქვთ დაწერეთ კომენტარებში, ჩვენ კი შევხვდებით შემდეგ ვიდეოში.
