როცა პროდუქტის ეტიკეტზე ვხედავთ წარწერას ნატურალური ან ორგანული, ალბათ ყველას გვიჩნდება შეგრძნება რომ ეს პროდუქტი არის უფრო ჯანსაღი და სასარგებლო. მაგრამ კითხვა არის ის, რომ რამდენად შეესაბამება ეს რეალობას?
სინამდვილეში ჩვენ რომ ასეთი დამოკიდებულება გვაქვს, დიდი ალბათობით იმის დამსახურებაა რომ ბევრმა კომპანიამ ბევრი ფული ჩადო რეკლამებში რომ ჩვენ ასე გვგონებოდა, იმიტომ რომ რეალობა არის განსხვავებული.
მაგალითად ავიღოთ შხამიანი სოკო. არის თუ არა შხამიანი სოკო ნატურალური პროდუქტი? კი არის, რა თქმა უნდა, მაგრამ ვინმე ფიქრობს რომ სასარგებლოა?
ან თუნდაც ეს შხამიანი სოკო იყოს ორგანულად მოყვანილი ქიმიკატების გარეშე. ეს აქცევს შხამიან სოკოს ისევ და ისევ სასარგებლო პროდუქტად? ისევ არა, რა თქმა უნდა.
ამიტომ რეალურად ბევრად უფრო მნიშვნელოვანია რაღაც კონკრეტული პროდუქტი არის თუ არა თვითონ სასარგებლო და შემდეგ შეგვიძლია ვისაუბროთ იმაზე რამდენად ბუნებრივი და ორგანულია.
მაგალითად ბროკოლი. არის ნატურალური პროდუქტი და არის სასარგებლოც. თუ ეს ბროკოლი დამატებით ორგანულადაც იქნება მოყვანილი, შეიძლება უკეთესი იყოს, მაგრამ თუ არ იქნება, ეს ბევრს არაფერს ცვლის.
თუმცა ბევრჯერ მინახავს მაღაზიებში მაგალითად ორგანული მაკარონი ან ორგანული შაქარი. და პრობლემა ისაა, რომ ეს პროდუქტები თავიდანვე არის არაჯანსაღი და ორგანული იქნება თუ არა, ნებისმიერ შემთხვევაში არაჯანსაღ პროდუქტებზე ვსაუბრობთ.
აქედან გამომდინარე არც სიტყვა ნატურალური და არც ორგანული საერთოდ არ ნიშნავს რომ რაღაც პროდუქტი სასარგებლოა და ყველა არაჯანსაღი პროდუქტი თავისუფლად შეიძლება იყოს ორგანული.
თუ გაინტერესებთ რა პროდუქტებია ჯანსაღი, გირჩევთ რომ გადახედოთ ჩვენს სხვა ვიდეოებს. ჩვენ კი შევხვდებით შემდეგ ვიდეოში.
