კეტოგენური (კეტო) დიეტა: როგორ ვიკვებოთ და დავიწყოთ?

გამარჯობა, ამ პოსტში გაიგებთ ყველაფერს კეტოგენურ დიეტაზე, ვისაუბრეთ იმაზე თუ რა არის კეტო დიეტა, ძირითადი პრინციპები როგორია, ასევე რა თქმა უნდა, ვისაუბრებთ კვების რეჟიმზე, რა პროდუქტებით ვიკვებებით, როგორ დაიწყოთ კეტო დიეტა და ა.შ.

უპირველესყოვლისა რაც ჩვენ უნდა გავიაზროთ არის ის, რომ კეტოგენური დიეტა არის რეალურად ადამიანისთვის ყველაზე ოპტიმალური და ჯანსაღი კვების სტილი, და ტექნიკურად კი დიეტა ქვია, მაგრამ ამ შემთხვევაში ეს არ ნიშნავს მარტო წონის კლებას. კი კეტო დიეტა წონის კლების მიმართულებითაც ყველაზე ეფექტურია, მაგრამ ესეც იქიდან გამომდინარე რომ თქვენი ორგანიზმი ჯანსაღდება, მეტაბოლიზმი ჯანსაღდება და უამრავი სარგებელს იღებთ გარდა წონის კლებისა. ამაზე უფრო ვრცლად ვიდეოს ბოლო ნაწილში ვისაუბრებ. ჩემი ნება რომ იყოს დიეტასაც არ დავარქმევდი საერთოდ, ეს უფრო ჯანსაღი კვების და ცხოვრების სტილია.

ნებისმიერ შემთხვევაში, იქიდან გამომდინარე რომ კეტო დიეტა არის უმთავრესად რეალურად ჯანსაღი კვება, ჩვენ კეტოგენური დიეტის დროს არ ვითვლით კალორიებს, არ ვზომავთ პორციებს და არ ვაკონტროლებთ საკვების ოდენობას. ეს არის პრაქტიკულად ოქროს წესი და ძალიან კარგად ჩაიბეჭდეთ გონებაში. როცა თქვენ იკვებებით ჯანსაღად, თქვენი ორგანიზმი ბუნებრივად იშორებს ზედმეტ წონას და ზედმეტ ცხიმს, საერთოდ არ არის საჭირო რაიმეს თვლა და ზომვა. ეს უკვე არაერთხელ გვინახავს იმ მილიონობით ადამიანის მაგალითზე ვინც კეტოგენურად იკვებება მსოფლიოს მასშტაბით და შორს რომ არ წავიდეთ, საქართველიშიც უამრავი მაგალითი მოიძებნება უკვე.

კეტო დიეტის მთავარი პრინციპი არის რომ ჩვენ მინიმალურამდე ვამცირებთ შაქრებს და ნახშირწყლებს ჩვენს რაციონში, იგულისხმება ცომეული, ტკბილეული, ბურღულეული, ზოგ შემთხვევაში ხილიც და ა.შ.

შესაბამისად ჩვენი რაციონი ძირითადად შედგება და უნდა შედგებოდეს ცილისა და ჯანსაღი ცხიმისგან, ხოლო შედეგად თქვენი ორგანიზმი გადადის ცხიმის წვის რეჟიმზე ანუ რაციონში ნახშირწყლების შემცირებით თქვენი ორგანიზმი იწყებს ცხიმის გამოყენებას ენერგიად. და როცა უკვე ენერგიის მთავარი წყარო არის ცხიმი, ამ დროს სისხლში გამოიყოფა კეტონები, რაც არის ცხიმის წვისგან მიღებული ნივთიერება და ორგანიზმი იყენებს კეტონებს ისევე როგორც მანამდე იყენებდა გლუკოზას ანუ შაქარს.

ალბათ უკვე მიხვდებოდით კიდეც რომ ზუსტად ამ ფაქტის გამო ქვია დიეტასაც კეტოგენური დიეტა, რადგან ღვიძლი იწყებს უკვე ცხიმისგან კეტონების წარმოებას და კეტონები ხდება თქვენი ორგანიზმის ძირითადი ენერგიის წყარო. პრაქტიკულად ამ დიეტას ქვია სამეცნიერო სახელი და არა ვთქვათ უბრალოდ გამოგონილი დასახელება, რაც ზოგადად დიეტებს ახასიათებთ ხოლმე.

ერთ-ერთი მიზეზი რატომაც სამეცნიერო, სამედიცინო სახელი ქვია ისაა, რომ კეტო დიეტა მთლიანად დაფუძნებულია უპირველესყოვლისა სამედიცინო კლინიკურ კვლევებზე და ასევე პალეოანთროპოლოგიურ კვლევებზე. ამიტომ კეტო დიეტაში ყველაფერს აქვს თავისი მეცნიურად გამყარებული ახსნა, რაც ასევე ფუნდამენტრუად განასხვავებს კეტოს რაღაც  გამოგონილი დიეტებისგან.

მოკლედ როგორც ვახსენე, კეტოგენური დიეტის დროს ვიკვებებით ძირითადად ცილებითა და ჯანსაღი ცხიმებით, თუმცა ახლა ვისაუბროთ კონკრეტულად რა პროდუქტებზეა საუბარი და როგორია კვების რეჟიმი. ჯერ მოკლედ აგიხსნით როგორ გამოიყურება კეტო რაციონი და  შემდეგ უფრო დეტალურად განვმარტავთ რატომ არის შედგენილი კეტო დიეტა ისე როგორც არის, რადგან კეტოგენურ დიეტაში ისევ და ისევ ყველაფერს აქვს თავისი მეცნიერული ახსნა.

კეტო დიეტაზე დაშვებული პროდუქტებია: ყველანაირი სახის ხორცი, კვერცხი, თევზი და ზღვის პროდუქტები, ასევე რძის პროდუქტები, თხილეული, ბოსტნეული, მწნილები, მცირე ოდენობით ხილი, ცივი დაწურვის ზეითუნის და ქოქოსის ზეთი, ჩაი, ყავა და ა.შ. ყველა კეტო მეგობრული პროდუქტის სრული სია შეგიძლიათ ნახოთ ჩვენს საიტზე Ketogen.ge და თუნდაც როცა დაგჭირდებათ ხოლმე იმის გადამოწმება, რომელიმე პროდუქტი არის თუ არა კეტო მეგობრული, უბრალოდ შეგიძლიათ შეხვიდეთ ხოლმე Ketogen.ge-ზე და გადახედოთ სიას.

ეს პროდუქტები პრაქტიკულად შეუზღუდავად შეგიძლიათ მიირთვათ და ისევ გავიმეორებ, რომ კეტო დიეტაზე კალორიებს არ ვითვლით, გრამებს არ ვითვლით და პორციებს არ ვზომავთ, რადგან უბრალოდ ამის საჭიროება არ არსებობს როცა ჯანსაღად იკვებებით. ამ ყველაფერს დამატებული ზოგადადაც საჭიროა და კეტო დიეტაზე ცოტა უფრო მნიშვნელოვანიც არის, რომ დღეში მიიღოთ 2 ჩაის კოვზამდე მარილი. შეგიძლიათ ჩვეულებრივ მოაყაროთ საკვებს, ან ვთქვათ რაღაც ოდენობა შეიძლება წყალში გახსნათ და დალიოთ ან მარილიანი ყველი შეიძლება ჭამოთ ან მწნილი ან ა.შ. მოკლედ მარილის მიღება არის ზემნიშვნელოვანი.

ხშირად სვამენ ხოლმე კითხვას რომ როგორ შევადგინოთ კეტო დიეტის რაციონი, ხოდა სინამდვილეში პასუხი ის არის რომ შესადგენი არც არაფერია. გვაქვს კეტო მეგობრული პროდუქტების სია, აირჩიეთ რომელი პროდუქტებიც გნებავთ და მიირთვით, სულ ეგ არის და შესადგენი და ჩამოსაწერი არაფერია. მთავარია თქვენი რაციონი შედგებოდეს კეტო მეგობრული პროდუქტებისგან. თეორიულად კარგი იქნება თუ რაციონში იქნება საშუალოდ ერთი და იგივე ოდენობის ცილა და ცხიმი, თუმცა პროდუქტების შემადგენლობას თუ გადახედავთ, ისედაც ნახავთ რომ ეგ პირობა ავტომატურად სრულდება და დამატებით რამეზე ფიქრი არ გჭირდებათ.

ახლა რაც შეეხება თვითონ კვების რეჟიმს, კეტო დიეტაზე ძირითადად ვიკვებებით დღეში ორჯერ, თუმცა თქვენზეა დამოკიდებული როდის ჩასვამთ ამ ორ კვებას, შეგიძლიათ სრულად თქვენს გრაფიკზე მოირგოთ კეტო დიეტა.

თავიდანვე საჭირო არ არის, რომ ორჯერ კვებით დაიწყოთ, შეგიძლიათ პირველ კვირაში დღეში სამჯერ იკვებოთ და მეორე კვირიდან გადახვიდეთ უკვე ორჯერ კვებაზე. ეს ავტომატურადაც მოხდება, რადგან კეტოგენური კვების დროს შიმშილის შეგრძნება დრამატულად მცირდება. რაც შეიძლება ცოტა უცნაურად ან არადამეჯერბლად ჟღერდეს, მაგრამ თქვენ თვითონ გამოცდით საკუთარ თავზე.

ასევე სასურველია რომ ეს ორი კვება რაც შეიძლება ახლოს იყოს ერთმანეთთან, მაგალითად შუალედი რომ იყოს თავიდან 7 საათი, შემდეგ შეამცირებთ და შუალედი იქნება 6 საათი, 5 საათი, 4 საათი ან თუნდაც 3 საათი.

მეორემხრივ ხანდახან პირიქით ითვლიან ხოლმე იმ საათების ოდენობას როცა არ ჭამთ არაფერს, შეიძლება გაგიგიათ 16 საათიანი ან 18 საათიანი რეჟიმები, ანუ მაგალითად პირველი კვება თუ გექნებათ ვთქვათ 11 საათზე, ხოლო მეორე კვება 7 საათისთვის, გამოვა რომ მეორე კვებიდან შემდეგი დღის პირველ კვებამდე იქნება 16 საათიანი შუალედი და მოკლედ ზოგი ადამიანი ითვლის ამ შუალედს და ზოგი კვებებს შორის შუალედს, თუმცა შინაარსობრივად ერთი და იგივეა, რა თქმა უნდა.

ნებისმიერ შემთხვევაში მთავარი არსი ის არის რომ თქვენი ორი კვება ნელ-ნელა დაახლოვოთ ერთმანეთთან როგორც შესაძლებელია და შესაბამისად გაიზრდება იმ საათების ოდენობა, როცა არ ჭამთ არაფერს და არ იღებთ კალორიებს. მარტო შეგიძლიათ დალიოთ ვთქვათ ჩაი ან ყავა დანამატების გარეშე.

რაც უფრო შეამცირებთ შუალედს თქვენს ორ კვებას შორის და შესაბამისად გაზრდით იმ საათების ოდენობას როცა არ ჭამთ არაფერს, ეს უფრო დაეხმარება თქვენს შედეგებს, იქნება ეს წონის კლება, ზოგადი ჯანმრთელობის გაუმჯობესება თუ ა.შ.

რა თქმა უნდა, ცალსახად და ხაზგასმით მინდა ვთქვა, რომ ეს ყველაფერი უნდა მოხდეს ნელ-ნელა და ბუნებრივად. არცერთ შემთხვევაში არ შეიძლება ვთქვათ პირდაპირ 20 საათიანი რეჟიმით დაწყება და ეს არ მოგიტანთ კარგ შედეგებს.

რაციონის პატარა შეჯამება რომ გავაკეთოთ, ესეიგი გვაქვს კეტო მეგობრული პროდუქტების სია, იღებთ სასურველ პროდუქტებს და იკვებებით დღეში ორჯერ. ხოლო შემდეგ უკვე ნელ-ნელა ამ ორ კვებას აახლოვებთ ერთმანეთთან. არ ვითვლით კალორიებს, გრამებს, პორციებს და ა.შ.

მთელ ამ კეტო რაციონში თქვენ შეამჩნევდით რომ არის ტკბილეულის სიმცირე, პრაქტიკულად ერთადერთი ტკბილი არის ხილი და ისიც მცირე ოდენობითაა დაშვებული, მაგრამ თუ ტკბილი მოგინდებათ, არსებობს კეტო დამატკბობლები, შაქრის შემცვლელები და კეტო ტკბილეული, რაც შეგიძლიათ მიირთვათ.

კეტო დამატკბობლებია ძირითადად ერითრიტოლი და ქსილიტოლი, ორივე რა თქმა უნდა არის ბუნებრივი და სრულიად ჯანსაღი. ერითრიტოლს ვიყენებთ როგორც პირდაპირ შაქრის შემცლელად და ქსილიტოლი უფრო შეგხვდებათ სხვადასხვა კეტო ტკბილეულში მაგალითად შოკოლადებში, კანფეტებში, საღეჭ რეზინებში და ა.შ.

ასევე შეგიძლიათ გამოაცხოთ კეტო პურები ისევე როგორც ნამცხვრები და სხვადასხვა დესერტები, ამისთვის ვიყენებთ კეტო ფქვილებს, რომლებიც არის ძირითადად ნუშის ფქვილი, ქოქოსის ფქვილი და სელის ფქვილი.

ეს ფქვილები, კეტო დამატკბობლები, კეტო ტკბილეული და კიდევ უამრავი კეტო პროდუქტი შეგიძლიათ შეიძინოთ ჩვენს ჯანსაღ კეტო მაღაზიაში, მისამართი: ვაჟა-ფშაველას 12 . ასევე შეგიძლიათ შეუკვეთოთ ჩვენი საიტიდან Ketogen.ge და კურიერი მოგიტანთ მისამართზე მთელი საქართველოს მასშტაბით.

რადგან უკვე განვიხილეთ კეტო რაციონი და დაშვებული პროდუქტები, დროა ავხსნათ რა პრინციპით არის შერჩეული ეს პროდუქტები და რატომ უნდა იკვებოთ დღეში ორჯერ. როგორც ვიდეოს დასაწყისში ვთქვი, კეტო დიეტის დროს ჩვენ მინიმალურამდე ვამცირებთ ნახშირწყლებს და შაქრებს ჩვენს რაციონში, ნუ შაქარიც ნახშირწყალია თავისთავად და აქედან გამომდინარე არის არჩეული პროდუქტები, რომლებიც ან ძალიან ცოტა ნახშირწყლებს შეიცავს ან არ შეიცავს საერთოდ, მაგალითად ხორცის შემთხვევაში.

მაგრამ რატომ ვერიდებით ასე შაქრებს და ნახშირწყლებს? მიზეზი ის არის, რომ ნახშირწყლები ზოგადად ყველაზე მეტად ზრდის სისხლში შაქრის დონეს, რაც სერიოზული საფრთხეა თქვენი ორგანიზმისთვის, ამიტომ სისხლში შაქრის დონის დასასტაბილურებლად თქვენი პანკრეასი გამოყოფს ძალიან ბევრ ჰორმონ ინსულინს და მთავარი პრობლემაც პრაქტიკულად ეს არის.

ინსულინი კი ზოგადად საჭიროა, მაგრამ ჭარბი გამოყოფა უკვე აღარ იძლევა კარგ შედეგებს, ხოლო ინსულინის ზღვარგადასულ ზრდას იწვევს ნახშირწყლები და შაქრები ისევ და ისევ. ინსულინი შეიძლება ითქვას არის ცხიმის დამგროვებელი ჰორმონი, რომელიც ასტიმულირებს ცხიმის დაგროვებას და აჩერებს წონის კლებას, შესაბამისად გასაგებია რატომ არ გვინდა ინსულინის გააქტიურება და სისხლში ჭარბად გამოყოფა.

ინსულინი იღებს ამ ნახშირწყლებს და შაქრებს, გარდაქმნის ცხიმად და აგროვებს თქვენს ქსოვილებში, შესაბამისად იმატებთ წონაში. გარდა ამისა ინსულინის ზღვარგადასული მატების შედეგად ნელ-ნელა ვითარდება ინსულინის რეზისტენტულობა, მეორე ტიპის დიაბეტი, ზიანდება სხვადასხვა ორგანოები, იწევს გულის დაავადებების რისკები და ა.შ.

ამიტომ არის რომ კეტოგენურ კვებაზე მინიმალურამდე ვამცირებთ ნახშირწყლებს ჩვენს რაციონში, თუმცა გარდა ამისა ყოველთვის როცა თქვენ ჭამთ, მიუხედავად იმისა თუ რას ჭამთ, ასევე იგივე მექანიზმი იწყებს მუშაობას ანუ სისხშლი შაქრის დონის მატება, ინსულინის დონის მატება და ა.შ. აქედან გამომდინარე საკმარისი არ არის რომ მხოლოდ ნახშირწყლები შევამციროთ რაციონში, საჭიროა კვებათა ოდენობაც შევამციროთ და ამიტომ ვჭამთ კეტო დიეტაზე დღეში ორჯერ.

ის ფაქტი, რომ კეტო დიეტაზე სისხლში შაქრის დონე უკვე სტაბილურდება და ფიზიკურად აღარ არის ისეთი შემთხვევები როცა უცებ იმატებს შაქრის დონე და მერე უცებ ეცემა, ეს ერთ-ერთი მთავარი მიზეზია ზუსტად რატომაც შიმშილის შეგრძნება დრამატულად იკლებს. ზოგადად 2-3 საათში რომ ადამიანებს შივდებათ ხოლმე, ამის ერთ-ერთი გამომწვევი ზუსტად სისხლში შაქრის დონის არასტაბილური ცვალებადობაა, რაც კეტოზე აღარ ხდება, რა თქმა უნდა.

ნახსენები კეტო ჯანსაღი დამატკბობლებიც იმით განსხვავდება შაქრისგან რომ პრაქტიკულად არანაირი ზემოქმედება არ აქვთ სისხლში შაქრისა და ინსულინის დონეზე. ზოგადად არცერთი კეტო პროდუქტი თუ ტკბილეული არ ასტიმულირებს სისხლში ინსულინის ჭარბად გამოყოფას, რადგან ეს გვასუქებს ზუსტად და არ არის ჯანსაღი.

ასევე როგორც ვთქვი ხილი საკმაოდ მცირე ოდენობით არის დაშვებული და ესეც რომ ავხსნათ, მიზეზი ძალიან მარტივად ის არის, რომ ხილიც ჩვეულებრივ შეიცავს შაქარს და ნახშირწყლებს, რისი შემცირებაც კეტო დიეტის საფუძველია. რა თქმა უნდა, ხილი უკეთესია ვიდრე უბრალოდ სუფრის შაქარი და ამიტომაც არის რომ ხილი მცირე ოდენობით  დაშვებულია და სუფრის შაქარი საერთოდ აკრძალულია.

მოკლედ კეტო დიეტის 2 მთავარი მიმართულებაა: ერთი – სისხლში შაქრის დონისა და ინსულინის დასტაბილურება, რაც უკვე ავხსენი და მეორე – ქრონიკული ანთებითი პროცესების შემცირება, რაც ერთი მხრივ იქიდან გამომდინარე ხდება, რომ ნახშირწყლებს ვამცირებთ რაციონში და მეორე მხრივ რაციონიდან ამოღებული გვაქვს ყველანაირი არაჯანსაღი საკვები, არაჯანსაღი ზეთები და ა.შ. რაც იწვევს ანთებით პროცესებს. ასევე  კეტონები, რაც ცხიმის წვისგან მიღებული ნივთიერებაა, ძალიან ეფექტურია ქრონიკული ანთებითი პროცესების შემცირების მიმართულებით, რასაც აკეთებს NLRP3 ინფლამაზონის დეაქტივირებით და ა.შ. ახლა ბიოქიმიაში ნუ გადავეშვებით.

თვითონ ქრონიკული ანთებითი პროცესები არის დაავადებების ძალიან დიდი ნაწილის გამომწვევი ამ პლანეტაზე ან მინიმუმ ყოველთვის მონაწილეობს კონკრეტული დაავადებების განვითარებაში, მათ შორის წონის მატებასაც უწყობს ხელს. ამიტომ და ამგავარად ეს 2 არის კეტო დიეტის მთავარი მიმართულებები, რადგან კეტოგენური კვება არის როგორც წონის კლების მეთოდი, ასევე უპირველესყოვლისა რეალურად ჯანსაღი კვების სტილი. კეტო დიეტა რა მიმართულებებით არის სასარგებლო ამაზე ვისაუბრებ რამდენიმე წუთში.

ზოგადად თუ ამ მარტივ წესებს და პრინციპებს იცავთ, ესეიგი კეტო დიეტასაც სწორად აკეთებთ, თუმცა აქვე მინდა რეკომენდაციის სახით გაჩვენოთ რაციონი, რომლის საშუალებითაც მაქსიმალურ შედეგებს მიიღებთ როგორც წონის კლების მხრივ, ასევე ჯანმრთელობის გაუმჯობესების მიმართულებით.

იდეალურ ვარიანტში თქვენი რაციონის მინიმუმ 50% უნდა იყოს ხორცი, კვერცი, თევზი ან ზოგადად ზღვის პროდუქტები. შეიძლება თქვენ მაგალითად მარტო ხორცი და კვერცხი ჭამოთ, მაგრამ სასურველია რომ რაციონის მინიმუმ ნახევარს შეადგენდეს ეს პროდუქტები ან ამ პროდუქტებიდან რომელიმე მათგანი, რადგან ეს პროდუქტები ერთი რომ პრაქტიკულად საერთოდ არ შეიცავს ნახშირწყლებს და არაჯანსაღ ნივთიერებებს, ხოლო მეორე მხრივ საკვებს შორის ყველაზე მეტად დატვირთულია ვიტამინებით, მინერალებით, ჯანსაღი ცხიმებით და ცილებით. ჩემს შემთხვევაში მაგალითად ჩემი რაციონის საშუალოდ 70%-ს შეადგენს ეს პროდუქტები და მოკლედ არც ეგ არის პრობლემა და პირიქით უკეთესიც არის.

რაციონის მეორე ნახევარი უკვე შეიძლება იყოს ბოსტნეული, თხილეული, რძის პროდუქტები, მწნილები, კეტო ტკბილეული, კეტო დესერტები და ა.შ. ანუ ყველა სხვა კეტო მეგობრული პროდუქტი. არის სხვადასხვა მინერალები და ვიტამინები, რომლებიც ვთქვათ ხორცში ისეთი დიდი ოდენობით არ არის, მაგრამ დიდი ოდენობით არის მაგალითად თხილეულში ან ყველში ან ბოსტნეული ან ა.შ. ყოველთვის ჯობს რომ რაციონში იყოს მრავალფეროვნება, რათა მაქსიმალურად შეივსოთ საჭირო ვიტამინები, მინერალები და არამხოლოდ. მოკლედ აზრი გასაგებია.

ეს ყველაფერი იგულისხმება არა ვთქვათ 1 დღის განმავლობაში, არამედ უფრო შეხედეთ როგორც 1 კვირის რაციონს. რა თქმა უნდა, ისევ და ისევ ეს რეკომენდაციაა მხოლოდ და არანაირად არ არის აუცილებელი წესი, მიუხედავად იმისა რომ უკეთეს შედეგებს მიიღებთ ყველა მიმართულებით.

ასევე სხვათაშორის კეტო დიეტის ცოტა ნაკლებად მნიშვნელოვანი წესი არის, რომ დღეში დაშვებულია მაქსიმუმ 20 გრამი ნახშირწყალი, მაგრამ ეს წესი პრაქტიკულად ავტომატურად სრულდება რადგან ისედაც ძალიან ძალიან ცოტა ნახშირწყლებია კეტო მეგობრულ პროდუქტებში და მით უმეტეს თუ ამ რეკომენდაციებს ითვალისწინებთ და რაციონის უდიდესი ნაწილი უჭირავს ხორცს, კვერცხს და თევზს, ფიზიკურად აღარ რჩება ადგილი ბევრი ნახშირწყლებისთვის და მით უმეტეს ნაკლებად მნიშვნელოვანი წესი გამოდის.

იმ შემთხვევაში თუ გადაწყვეტთ რომ თქვენი ძირითადი რაციონი შედგებოდეს ბოსტნეულისა და თხილეულისგან მაგალითად, ესეც დაშვებულია, რა თქმა უნდა, თუმცა ამ შემთხვევაში ჯობს თვალი მიადევნოთ ნახშირწყლების ოდენობას დღის განმავლობაში, რომ 20 გრამს არ გადაცდეს ხოლმე.

კეტო მეგობრული პროდუქტების სიაში, რომელიც ჩვენს საიტზე Ketogen.ge-ზე შეგიძლიათ ნახოთ, ასევე მითითებულია თითოეული პროდუქტი რამდენ გრამ ნახშირწყალს შეიცავს და ამასაც შეგიძლიათ გადაავლოთ თვალი თუ გაინტერესებთ.

ახლა ვისაუბროთ იმაზე თუ როგორ დაიწყოთ კეტოგენური დიეტა და რას უნდა ელოდოთ კეტოს დაწყების დროს. მთავარი პრინციპი ის არის, რომ სტანდარტული კვების რაციონიდან კეტოზე გადმოსვლა არ მოხდეს 1 დღეში. ვგულისხმობ იმას, რომ ჩვეულებრივად თუ ცომეულს ჭამთ და დღეში 500 გრამ ნახშირწყალს იღებთ, არ შეიძლება უცებ დაიწყოთ კეტო და 20 გრამ ნახშირწყალზე ჩამოხვიდეთ ასე ერთ დღეში. ან ვთქვათ მანამდე თუ დღეში 5-ჯერ ჭამდით, არ შეიძლება ერთ დღეში ასე დრამატულად შეცვალოთ ყველაფერი და გადახვიდეთ 2-ჯერ კვებაზე.

ამიტომ გირჩევთ, რომ პირველი 1 კვირის განმავლობაში იკვებეთ დღეში 3-ჯერ თუნდაც ყველანაირი საათების დაცვის გარეშე და მიირთვით ბევრი თხილეული ან თხილეულის კარაქები. თხილეული შეიცავს ყველაზე მეტ ნახშირწყალს კეტო მეგობრულ პროდუქტებში და ზოგადად შეიძლება ამდენი თხილეული არ ჭამოთ ყოველდღიურად, მაგრამ დაწყების დროს პრაქტიკულად აუცილებელია, რომ ჩვეულებრივი კვების რაციონიდან კეტოზე გადმოსვლა ნელა და თავისუფლად მოხდეს.

ასევე როცა თქვენ იწყებთ კეტოს, თავდაპირველად ორგანიზმში იცლება ნახშირწყლების მარაგი, რის შემდეგაც ორგანიზმი გადადის ცხიმის წვის რეჟიმზე, თუმცა ნახშირწყლები ორგანიზმში აკავებს წყალს და ეს რამდენიმე ლიტრი წყალი კეტოს დაწყების პირველ დღეებში გამოიდევნება ორგანიზმიდან, რაც ძალიან კარგია. თუმცა ორგანიზმში წყალთან ერთად გადაადგილდება მინერალებიც და ამიტომ ერთჯერადად თქვენი ორგანიზმი კარგავს გარკვეული ოდენობით მაგნიუმს, კალიუმს და ნატრიუმს.

ნატრიუმი არის მარილში და ეს არის მათ შორის ერთ-ერთი მიზეზი, რატომაც საჭიროა დღეში 2 ჩაის კოვზამდე მარილი. ასევე ნატრიუმია საჭირო რომ ორგანიზმმა შეინარჩუნოს სითხის ბალანსი და მუდმივად არ დაკარგოს მინერალები. ამის გამო მარილი მათ შორის განსაკუთრებით მნიშვნელოვანია კეტოს დაწყების დროს და უმნიშვნელოვანესია რომ არ დაგაკლდეთ რაციონში.

რაც შეეხება მაგნიუმს და კალიუმს, ეს ორი მინერალი დიდი ოდენობით არის უკვე ნახსენებ თხილეულში და თხილეულის კარაქებში და ეს ერთ-ერთი მიზეზია რატომაც გირჩევთ თხილეულის დიდი ოდენობით მიღებას განსაკუთრებით პირველ კვირაში. ეს ორი მინერალი სხვა კეტო საკვებშიც არის, რა თქმა უნდა, თუმცა თხილეული უფრო მდიდარია ამ შემთხვევაში.

თუ ამ რჩევებს არ გაითვალისწინებთ, კეტო დიეტის დაწყებას შეიძლება თან ახლდეს სისუსტე, მოთენთილობა, თავის ტკივილი და ა.შ. ამიტომ უნდა მიიღოთ ბევრი თხილეული და მარილი. იქიდან გამომდინარე რომ თქვენი ორგანიზმი პრაქტიკულად ენერგიის მთავარ წყაროს იცვლის და ნახშირწყლების ნაცვლად გადადის ცხიმის გამოყენებაზე, ამას ისედაც შეიძლება ახლდეს გარკვეული სისუსტის შეგრძნება პირველი რამდენიმე დღის განმავლობაში, თუმცა ამ რჩევების გამოყენებით მინიმუმამდე დაიყვანთ ამ ადაპტაციის პროცესის პატარა გვერდით ეფექტებს და შეიძლება საერთოდ ვერც იგრძნოთ.

ერთი კვირის შემდეგ უკვე შეგიძლიათ გადახვიდეთ ორჯერ კვებაზე და სტანდარტულ კეტო რაციონზე, რაზეც ვისაუბრე უკვე რამდენიმე წუთის წინ. ასევე კეტოს დასაწყისში და ზოგადადაც კარგი იქნება თუ მიიღებთ ხოლმე მწვანე ჩაი მატჩას და გაუფილტრავ ვაშლის ძმარს.

უპირველესყოვლისა ორივე მათგანი გეხმარებათ მადის შემცირებაში, რაც დიეტის დროს ცალსახად მნიშვნელოვანია, ააქტიურებს ჰორმონს სახელად ქოლეცისტოკინინი(CCK), რაც არის დანაყრების ჰორმონი. ასევე ააქტიურებს AMPK-ს, რაც არის გარკვეულწილად სენსორი, რომელიც გონებას ეუბნება და აწვდის სიგნალს რომ გამოიყენოს დაგროვილი ცხიმი ენერგიად, რის შედეგადაც გარკვეულწილად წონის კლებასაც უწყობს ხელს.

დამატებით მწვანე ჩაი მატჩა შეიცავს სხვადასხვა მინერალებს, რაც სუპერ მნიშვნელოვანია, რა თქმა უნდა. ესენია კალიუმი, მაგნიუმი, თუთია, კალციუმი, ფოსფორი და ა.შ. ხოლო გაუფილტრავი ვაშლის ძმარი ზრდის კუჭში მჟავიანობის დონეს, რის შედეგადაც გეხმარებათ საკვების უკეთესად მონელებაში და მათ შორის მინერალების უკეთესად შეთვისებაშიც.

ორივე მათგანი ასევე იყიდება ჩვენს ჯანსაღ კეტო მაღაზიაში, რომელიც უკვე ვახსენე, თუმცა რა თქმა უნდა ამ ორი პროდუქტის მიღება აუცილებელი არ არის და თქვენი გადასაწყვეტია დაამატებთ თუ არა რაციონში. ორივეზე ცალ-ცალკე ვიდეოებიც გვაქვს და თუ დაგაინტერესებთ შეგიძლიათ ნახოთ მეტი ინფორმაციის მისაღებად.

ახლა კი ვიდეოს ბოლოს ვისაუბროთ კეტოგენური კვების სასარგებლო თვისებებზე, გარდა წონის კლებისა, რა თქმა უნდა, რაც ისედაც ცალსახაა. უპირველესყოვლისა კეტო დიეტა ძალიან შესამჩნევად აქვეითებს მადას და შიმშილის შეგრძნებას, გხდით უფრო ენერგიულს, აუმჯობესებს აზროვნებას და კოგნიტურ ფუნქციებს, საგრძნობლად აძლიერებს იმუნიტეტს, ასტაბილურებს არტერიულ წნევას, აუმჯობესებს სხვადასხვა ორგანოების ფუნქციონირებას, მათ შორის კურნავს გაცხიმოვნებულ ღვიძლს, აუმჯობესებს ფარისებრი ჯირკვილს მოქმედებას, აუმჯობესებს კუჭნაწლავის ფუნქციონირებას და ამცირებს შებერილობას, იკლებს გულის დაავადებების განვითარების რისკები, უმჯობესდება კანის ხარისხი, თმისა და ფრჩხილების სტრუქტურა, ქრება აკნე და სახსრების ტკივილი.

ასევე კეტოგენური კვება ძალიან ეფექტურია ინსულინის რეზისტენტულობასა და მეორე ტიპის დიაბეტთან ბრძოლაში, ისევე როგორც სუპერ ეფექტურია ქალებში პოლიკისტოზური საკვერცხეების სინდრომის(PCOS) მოსაშორებლად, რაც არის უშვილობის N1 პრობლემა მსოფლიოში. კეტო დიეტა მათ შორის დაგეხმარებათ ავტოიმუნურ დაავადებებთან მიმართებაშიც და შეუძლია მკვეთრად გააუმჯობესოს მდგომარეობა. კეტოგენური დიეტის დროს აქტიურდება ორგანიზმში პროცესი, რომელსაც ქვია ავტოფაგია და ეს არის პროცესი, როცა თქვენი ორგანიზმი გადაამუშავებს ძველ,  დაზიანებულ უჯრედებს. ეს უჯრედები შემდეგ ნაცვლდება ახალი და ჯანსაღი უჯრედებით. ეს ვერ ხდება ზოგადად რადგან ყოველდღიურად აზიანებთ თქვენს ორგანიზმს არაჯანსაღი საკვებით და არ აძლევთ საშუალებას ჩაანაცვლოს დაზიანებული ნაწილები ჯანსაღი უჯრედებით.

სასარგებლო თვისებების სია აქ არ მთავრდება, რა თქმა უნდა, თუმცა უბრალოდ უსასრულოდ რომ არ გავაგრძელოთ ჩამოთვლა, აქ გავჩერდეთ ამჟამად. ამ ვიდეოში არ გამოვა რომ ავხსნა ის მექანიზმები, რისი გავლენითაც კეტოგენურ კვებას ამდენი პოზიტიური ეფექტი აქვს, თუმცა თუ რომელიმე მიმართულება გაინტერესებთ უფრო დეტალურად, შეგიძლიათ დაწეროთ კომენტარებში და გავითვალისწინებთ აუცილებლად.

ერთი შეხედვით თუ ეს ყველაფერი პირველად გესმით და მეტ ინფორმაციას არ ფლობთ ამ პროცესებზე, შეიძლება ცოტა არარეალურადაც კი მოგეჩვენოთ იმდენად აღმაფრთოვანებლად ჟღერს ეს ყველაფერი, არადა სინამდვილეში ყველაფერი სუპერ მარტივადაა. როცა თქვენ წყვეტთ თქვენი ორგანიზმის ყოველდღიურად არაჯანსაღი საკვებით მოწამვლას და მეორე მხრივ იკვებებით ყველაზე ჯანსაღი და საჭირო ნივთიერებებით დატვირთული საკვებით, შემდეგ უკვე ორგანიზმის ბუნებრივი რეაქციაა რომ გაიჯანსაღოს საკუთარი თავი და გაიწმინდოს ყველანაირი ტოქსინისგან.

თქვენი ორგანიზმი ძალიან ჭკვიანია და უამრავი მეთოდი და ფუნქცია აქვს ჩაშენებული იმისთვის, რომ განიკურნოს საკუთარი თავი, თქვენ უბრალოდ ამის საშუალება უნდა მისცეთ და ხელი შეუწყოთ საჭირო ჯანსაღი ნივთიერებების მიწოდებით, რაც არის კეტოგენური კვების საფუძველი. თამამად შეიძლება ითქვას, რომ ეს არის კვება, რომელიც ბუნებამ შექმნა ადამიანისთვის, ამას არაერთი პალეოანთროპოლოგიური და სამედიცინო კვლევა ადასტურებს და უამრავი წიგნია დაწერილი ამ თემაზე.

თუ გაგიჩნდათ რაიმე კითხვა, შეგიძლიათ დაწეროთ ამ ვიდეოს კომენტარებში ან შეგიძლიათ შემოგვიერთდეთ ჩვენს კეტო ჯგუფში, სადაც ერთმანეთს ვეხმარებით კეტოგენური კვების დეტალების გარკვევაში, აქ ნახავთ უამრავ რეცეპტებს და ჩვენი ჯგუფის წევრების შედეგებს როგორც წონის კლების თვალსაზრისით, ასევე სხვა მიმართულებებითაც. ჯგუფში ბევრი ადამიანი აზიარებს ხოლმე თავის ყოველდღიურ კეტო კვებას და ამ დროისთვის უკვე 600-მდე სურათი დაგროვდა ჩვენს კეტო ჯგუფში, რომელსაც შეგიძლიათ გადახედოთ და კიდევ უკეთესად დაინახავთ როგორ გამოიყურება კეტოგენური კვება და დიეტა ზოგადად. თქვენც რა თქმა უნდა შეგიძლიათ გაგვიზიაროთ თქვენი ყოველდღიური კვება, რეცეპტები, დასვათ კითხვები და ა.შ. ამ ჯგუფის ლინკს დავტოვებთ კომენტარებში და შემოგვიერთდით აუცილებლად.

ვიცი რომ ძალიან ბევრ საკითხს შევეხე და ინფორმაციულად საკმაოდ დატვირთული ვიდეო იყო, ამიტომ გირჩევთ რომ დღეს ეს ყველაფერი კარგად გაიაზრეთ და ხვალ კიდევ ერთხელ უყურეთ ამ ვიდეოს. მეორედ ნახვის დროს ბევრ ახალ დეტალსაც აღმოაჩენთ ვიდეოში და უფრო კარგადაც გაისიგრძეგანებთ კეტოგენურ კვებას.

ასევე 100-მდე ვიდეო გვაქვს კეტოგენური კვების სხვადასხვა საკითხებზე, ზოგადად ჯანსაღ კვებაზე, წონის კლებაზე და ა.შ. და თუ დაგაინტერესებთ, შეგიძლიათ ნახოთ ეს ყველაფერი ჩვენს საიტზე Ketogen.ge . ძალიან ბევრი ვიფიქრე როგორ ამეხსნა კეტოგენური კვება რაც შეიძლება მარტივად და გასაგებად და იმედი მაქვს გამომივიდა გარკვეულწილად. დღეისათვის კი სულ ეს იყო, შევხვდებით შემდეგ ვიდეოში.