დაიწყეთ კეტო დიეტა და უცებ დაგეწყოთ ყაბზობა იგივე შეკრულობა. კეტოგენური დიეტა თვითონ არ იწვევს ყაბზობას მაგრამ მაშინ რამ გამოიწვია ეს ამბავი, მოდით ამაზე ვისაუბროთ.
ზოგადად როცა კვების რაციონს ასე მნიშვნელოვნად და შესამჩნევად ცვლით, ზოგ შემთხვევაში ამას შეიძლება ახდლეს ყაბზობაც, საერთოდ არ აქვს მნიშვნელობა კეტო დიეტას დაიწყებთ თუ რაიმე სხვა კვების სტილს.
ეს ხდება იმიტომ, რომ თქვენი კუჭის მიკროფლორა და ყველანაირი არსებული ბაქტერია მორგებულია თქვენს არსებულ კვების სტილს და ჩართულები არიან ამ საკვების გადამუშავებაში, მაგალითად თუ ძირითადად იღებთ ნახშირწყლებს, კუჭში განსაკუთრებით დიდი ოდენობით გეყოლებათ ნახშირწყლების მოყვარული ბაქტერიები.
ხოლო როცა თქვენ ახალი კვების სტილზე გადადიხართ, დროა საჭირო რომ თქვენი კუჭის მიკროფლორაც შეიცვალოს და მოერგოს ამ ახალი კვების სტილს. როგორცკი დალაგდება ეს ყველაფერი, თქვენი კუჭის მოქმედებაც ჩადგება მწყობრში.
თუმცა ერთი მხრივ ძალიან ინდივიდუალურია რამდენი დრო დაჭირდება ამ პროცესს და მეორე მხრივ შეიძლება სხვა ფაქტორებიც იყოს ჩართული რაც იწვევს ყაბზობას. ან შეიძლება სულაც ორივე ფაქტორი მოქმედებდეს და ესეც უნდა განვიხილოთ.
კეტო დიეტის დაწყებამდე ორგანიზმში გაქვთ გარკვეული ოდენობით დაგროვილი ნახშირწყლები გლიკონების სახით და ყოველი 1 გრამი ნახშირწყალი ორგანიზმში აკავებს დაახლოებით 4 გრამ წყალს ანუ ორგანიზმში გაქვთ შეკავებული ზედმეტი რამდენიმე ლიტრი წყალი.
ხოლო კეტო დიეტის დაწყებისთანავე ეს ზედმეტი წყალი გამონთავისუფლდება ორგანიზმიდან, რაც ძალიან კარგია თუმცა ორგანიზმში წყალთან ერთად გადაადგილდება მინერალებიც.
აქედან გამომდინარე პირველ რამდენიმე დღეში კარგავთ გარკვეული ოდენობით მინერალებს. განსაკუთრებით ყურადღებამისაქცევია მაგნიუმი, იმიტომ რომ მაგნიუმი არის უმნიშვნელოვანესი საკვების მონელების სისტემისთვის.
მაგნიუმის ერთ-ერთი მოვალეობაა რომ უზრუნველყოს კუნთების შეკუმშვა-მოდუნების ფუნქციის გამართულად მუშაობა, რისი საშუალებითაც ხდება საკვების გადაადგილება განსაკუთრებით მსხვილ ნაწლავში.
შესაბამისად იმისთვის რომ არ გქონდეთ ყაბზობა, საჭიროა მაგნიუმის ბალანსი ისევ შეივსოთ ორგანიზმში. ხოლო მაგნიუმის დღიური დოზის მისაღებად საჭიროა მიირთვათ დღეში საშუალოდ 300 გრამი თხილეული ან 3 ფილა შავი შოკოლადი. საუბარია უშაქრო შოკოლადზე რა თქმა უნდა.
პრაქტიკულად თხილეულის გარდა სხვა საკვებში იმდენად ცოტა მაგნიუმია რომ დიდად არც ღირს ხსენება, მაგალითად ისპანახშიც არის მაგნიუმი მაგრამ დაახლოებით 1 კილო უნდა ჭამოთ ყოველ დღე რომ საკმარისი ოდენობა მიიღოთ.
საუკეთესო ვარიანტია თუ დალევთ მაგნიუმის ციტრატს, რაც არის მაგნიუმის საკვები დანამატი. და ერთი მხრივ თქვენ დარწმუნებულები იქნებით რომ საკმარის მაგნიუმს იღებთ, იმიტომ რომ ყოველ დღე 300 გრამი თხილეულის ჭამა სულაც არ არის მარტივი
და მეორე მხრივ ამ დანამატის შემადგენლობაში შედის ციტრიკის მჟავა, რაც ასტიმულირებს საკვების მომნელებელ სისტემაში ნივთიერებების გადაადგილებას და ამიტომ მაგნიუმის ციტრატი არის სუპერ გამოსავალი ყაბზობის მიმართულებით.
ზოგადად როცა ჩვენ ვსაუბრობთ მინერალებზე, ამ შემთხვევაში მაგნიუმზე, ასევე უნდა ვახსენოთ მარილი, იმიტომ რომ თუ თქვენ არ მიიღებთ საკმარის მარილს, ორგანიზმი გამოიფიტება მინერალებისგან თუნდაც ვთქვათ საკვებ დანამატს იღებდეთ.
ასევე დაირღვევა სითხის ბალანსი ორგანიზმში, დაკარგავთ ზედმეტ წყალს და დეჰიდრატაციას ცალკეც შეუძლია გამოიწვიოს ყაბზობა მაგნიუმის საკითხზე რომ აღარაფერი ვთქვათ.
კეტო დიეტის დროს საჭიროა დღეში მიიღოთ საშუალოდ 1-დან 2 ჩაის კოვზამდე მარილი, ისევ და ისევ იმიტომ რომ მარილში არსებული ნატრიუმი გეხმარებათ ორგანიზმში მინერალებისა და სითხის ბალანსის შენარჩუნებაში, რაც მათ შორის მნიშვნელოვანია ყაბზობის მიმართულებითაც.
თქვენ ასევე შეიძლება გაგიგიათ რომ ყაბზობის დროს იღებენ ჩიას მარცვლებს და ფსილიუმს, იმიტომ რომ ორივე შეიცავს დიდი ოდენობით საკვებ ბოჭკოებს, რაც წესით უნდა წაადგეს თქვენ მდგომარეობას. ეს პროდუქტები ისეთივე ეფექტური არ არის როგორც მაგნიუმი, თუმცა მოდით ამაზეც ვისაუბროთ.
თუ მაგნიუმი ან მაგნიუმის ციტრატი უზრუნველყოფს საჭმლის მომნელებელ სისტემაში საკვების შეუფერხებლად გადაადგილებას, ამ პროდუქტებში არსებული ხსნადი საკვები ბოჭკოები მუშაობს საერთოდ განსხვავებული მიმართულებით.
ეს საკვები ბოჭკოები ისრუტავენ დიდი ოდენობით სითხეს და ქმნიან ჟელეს მსგავს მასას, რაც თვითონ გადამუშავებულ საკვებს ხდის უფრო მარტივად გადაადგილებადს ნაწლავებში.
თუ გინდათ ეს მეთოდიც ცადოთ, შეგიძლიათ მიირთვათ უკვე ნახსენები ფსილიუმი, ჩიას მარცვლები, ასევე ბრიუსელის კომბოსტო, ავოკადო, ბროკოლი, სტაფილო და ა.შ.
თუმცა გასათვალისწინებელი ის არის, რომ საკვები ბოჭკოები ყველა ადამიანზე მოქმედებს სხვადასხვანაირად და ზოგ შემთხვევაში შეიძლება ყაბზობის სიმპტომები კიდევ უფრო გააუარესოს გაუმჯობესების ნაცვლად.
ამიტომ გირჩევთ რომ ჯერ ცადოთ მაგნიუმით მდიდარი საკვების მიღება ან საკვები დანამატი, რაც პრინციპში ყველა ადამიანზე პოზიტიურად მოქმედებს. ასევე შემოგვიერთდით ჩვენს კეტო ჯგუფში Facebook-ზე, რომლის ლინკსაც დავტოვებთ კომენტარებში. მომავალ ვიდეომდე.
