ხილის წვენებში არაფერი ჯანსაღი არ არის და საერთოდაც შაქრის გარდა არც არაფერს არ შეიცავს. ის რომ კონკრეტული წვენი ხილისგან არის გამოწურული, ეს საერთოდ არაფერს გვეუბნება პროდუქტზე. იმასაც არ აქვს დიდი მნიშვნელობა ახალი გამოწურულია თუ არა, რეალურად ხილი და ხილის წვენი, ორი ფუნდამენტურად განსხვავებული პროდუქტია.
დავიწყოთ იმით საერთოდ რით განისაზღვრება პროდუქტის სიჯანსაღე? ნუ სტანდარტულად ეს ნიშნავს რომ კონკრეტული პროდუქტიდან უნდა ვიღებდეთ საკმაო ოდენობით ან Proteinს ან ჯანსაღ ცხიმს ან ვიტამინებს და მინერალებს ან რაიმე სხვა სასარგებლო ნივთიერებას ან მინიმუმის მინიმუმ პროდუქტს არ უნდა ქონდეს არაჯანსაღი ნივთიერებები.
ხოდა ჯერ ხილზე რომ ვისაუბროთ, თვითონ ხილსაც კი არ აქვს ბევრი სასარგებლო თვისება იქიდან გამომდინარე რომ ჩამოთვლილთაგან მხოლოდ ვიტამინებს და მინერალებს შეიცავს ისიც ძალიან მცირე ოდენობით. სამაგიეროდ აქვს საკმაოდ ბევრი Sugar, იმიტომ რომ დროთა განმავლობაში ადამიანებმა გამოიყვანეს ხილის ისეთი ჯიშები, რომლებიც უფრო და უფრო ტკბილი გახდა და შესაბამისად მოიმატა შაქრის ოდენობამაც ამ ხილში, თავისთავად სიტკბო შაქრიდან მოდის.
თუმცა ხილი ასევე შეიცავს გარკვეული ოდენობით საკვებ ბოჭკოებს იგივე უჯრედისს, რაც ანელებს უკვე ნახსენები შაქრების მონელებას, რის შედეგადაც გარკვეულწილად ამცირებს შაქრის უარყოფით ეფექტებს.
ეს პრაქტიკულად არის ერთ-ერთი მთავარი ფაქტორი, რაც განასხვავებს ხილს და მასში არსებულ შაქარს უბრალოდ თეთრი შაქრისგან, ამიტომ ხილის ძალიან დიდი ოდენობით მიღება არ არის სასურველი, მაგრამ ხანდახან რომ მიირთვათ, ამაში არანაირი პრობლემა არ არის. თუ რაიმე კონკრეტული ისეთი მდგომარეობა არ გაქვთ როცა ხილს უნდა მოერიდოთ, მაგალითად გაცხიმოვნებული ღვიძლი, დიაბეტი, წონის პრობლემები და ა.შ.
ასევე ხილში არსებული საკვები ბოჭკოები წარმოადგენს სასარგებლო ბაქტერიების საკვებს თქვენს მომნელებელ სისტემაში, რაც ცალსახად ძალიან კარგია, მიუხედავად იმისა რომ ვთქვათ ბოსტნეული ან თხილეული ბევრად მეტ საკვებ ბოჭკოებს შეიცავს ვიდრე ხილი.
თუმცა საქმე იმაშია, რომ როცა ხილისგან ვწურავთ წვენს, იკარგება ზუსტად ეს საკვები ბოჭკოები, რაც იყო ხილში ყველაზე მნიშვნელოვანი და საბოლოოდ წვენში გვრჩება მხოლოდ ხილის გემო და კონცენტრირებული ოდენობით Sugar, რაშიც უკვე სასარგებლო არაფერია, რა თქმა უნდა.
პლიუს ამას როცა მიირთმევთ ხილს, ზუსტად ამ საკვები ბოჭკოების გამო ბევრად უფრო სწრაფად ნაყრდებით, შესაბამისად უფრო ნაკლებ შაქარსაც იღებთ. მაგალითად შეიძლება შეჭამოთ 2 ვაშლი და დანაყრდეთ, მაგრამ 1 საშუალო ზომის წვენის ჭიქაში ეტევა დაახლოებით 4 ვაშლის წვენი, რაც ბევრად მარტივად დასალევია. სხვათაშორის 1 ჭიქა ვაშლის წვენი შეიცავს დაახლოებით 50 გრამ შაქარს, იგივე 12 ჩაის კოვზს.
საერთოდ საოცრებაა სხვადასხვა კომპანიების რეკლამები, რომ მაგალითად ვითომ უშაქრო ხილის წვენს ყიდიან, რაც აფსურდია თავისთავად. ხილის წვენის არსებობა პირდაპირ ნიშნავს ბევრ შაქარს და უშაქრო ვერ იქნება ვერცერთ შემთხვევაში.
ან როცა მაგალითად დიდი ასოებით აწერია პროდუქტს „ნატურალური ხილის წვენი“, რაც საერთოდ არაფერს გვეუბნება პროდუქტზე, იმიტომ რომ რეალურად ხილისგან გამოიწურა ეს წვენი თუ უბრალოდ ხილის გემო დაამატეს, გემოში და არომატში ისედაც არ ყოფილა პრობლემა. პრობლემა იყო ბევრი შაქარი, რაც ნატურალურსაც და არანატურალურსაც ბევრი აქვს ცალსახად.
რაც შეეხება ვიტამინებს და მინერალებს, როგორც ვახსენე ხილში ისედაც მინიმალური ოდენობითაა და ერთადერთი არის C ვიტამინი, რომელიც ზოგიერთ ხილში გვხვდება ასე თუ ისე, თუმცა როცა C ვიტამინს იღებთ შაქართან ერთად, იმის გამო რომ შაქარიც და C ვიტამინიც ორგანიზმში გადააქვს ერთი და იგივე ტრანსპორტერებს, პრიორიტეტი ენიჭება შაქარს და საბოლოოდ C ვიტამინს ვერ ითვისებს ორგანიზმი.
ამიტომ ხილის შემთხვევაშიც პრაქტიკულად აზრი არ აქვს C ვიტამინის არსებობას და მით უმეტეს ხილის წვენის შემთხვევაში, როცა ამდენ შაქარს იღებთ. ერთადერთი გამონაკლისი ხილის შემთხვევაში არის კენკროვნები, რადგან ყველაზე ცოტა შაქარს შეიცავს და შედარებით მეტ C ვიტამინს, მაგალითად ჟოლო, მარწყვი, მაყვალი და ა.შ. თუმცა წვენის შემთხვევაში ესეც ბათილდება, რა თქმა უნდა.
საერთოდ ახლადდაწურული წვენი თუ არ არის, ისედაც მაღალ ტემპერატურაზე აცხელებენ ამ წვენებს რომ ვარგისიანობის ვადა გახანგრძლივდეს და სულ რომ ვიტამინებით და მინერალებით იყოს გამოტენილი, საბოლოოდ მაინც არაფერი დარჩებოდა გაცხელების შედეგად.
სულ მახსენდება წლების წინ როგორ ამაყად და თავაწეული ვუკვეთავდი ხოლმე ხილის წვენს გაზიანი სასმელის ნაცვლად სხვადასხვა კაფეში ან რესტორანში, იმ განძრახვით რომ სწორ და ჯანსაღ არჩევანს ვაკეთებდი, თუმცა რას ვიზამთ, ხანდახან ყველაფერი ისე არ არის როგორც ჩვენ გვინდა და გვგონია.
მოკლედ არც ხილის წვენები, არც სმუზები და არც რაიმე მსგავსი პროდუქტი არ არის სასარგებლო. რეალურად ცარიელ შაქარს სვამთ, რასაც პირიქით ზღვა უარყოფითი ეფექტები აქვს, ამაზე უამრავ სხვა ვიდეოში მისაუბრია და თუ ეს თემა გაინტერესებთ, გირჩევთ გადახედოთ. დღეისათვის კი სულ ეს იყო, შევხვდებით შემდეგ ვიდეოში.
