წონის კლება 1 კვირაში: შესაძლებელია?

უამრავი 1 კვირიანი დიეტა არსებობს და ალბათ თქვენც ჩემსავით ძალიან ხშირად გხვდებათ სოციალურ ქსელებში, თუმცა კითხვა მდგომარეობს იმაში რომ საერთოდ თუ არის შესაძლებელი ფიზიოლოგიურად 1 კვირაში ვთქვათ 5 ან 7 კილოს დაკლება ?  დღევანდელ ვიდეოში ამ საკითხზე ვისაუბრებთ.

ზოგადა რა თქმა უნდა უპირველესყოვლისა დიეტაზეა დამოკიდებული როგორ შედეგს მიიღებთ, მაგრამ მოდით ავიღოთ ასეთი მაგალითი რომ ვთქვათ გვაქვს სუპერ იდეალური დიეტა და ასეთ შემთხვევაში შევძლებთ თუ არა წონის კლებას.

და იმედები უნდა გაგიცრუოთ, რადგან სამწუხაროდ ეს არ არის შესაძლებელი როგორი დიეტაც არ უნდა გქონდეთ. თუ თქვენ გიცდიათ 1 კვირიანი დიეტა, შეიძლება ახლა მითხრათ, რომ რა სისულელეა, მე დამიკლია რაღაც რაოდენობის კილოგრამები და როგორ არ არის შესაძლებელიო.

მაშინ მე გკითხვათ, ამ 1 კვირიანი დიეტის შემდეგ მოიმატეთ თუ არა ეს დაკლებული კილოგრამები რამდენიმე დღეში? და პასუხი იქნება, რომ კი, მოიმატეთ. ახლავე აგიხსნით რატომ.

როგორც წესი როგორ დიეტაზეც არ უნდა იყოთ, როცა იწყებთ დიეტას, თქვენ ზღუდავთ საკვებს და მათ შორის ამცირებთ ნახშირწყლების ოდენობას.

ახლა საქმე რაშია, ნახშირწყლების ერთ-ერთი თვისებაა რომ ისინი ორგანიზმში აგროვებენ წყალს, ყოველ 1 გრ ნახშირწყალზე საშუალოდ 4 გრამ წყალს. ამიტომ როცა მცირდება ნახშირწყლები, ის ზედმეტი წყალი შესაბამისად გამოიდევნება ორგანიზმიდან.

ნახშირწყლებს ორგანიზმი აგროვებს ღვიძლსა და კუნთებში გლიკოგენის სახით, დაახლოებით სულ 800 გრამს, ეს დამოკიდებულია იმაზე თუ რამხელა ხართ ფიზიკურად, მაგრამ დიეტის დროს უპირველესყოვლისა იწვება ეს ენერგიის მარაგები, ამიტომ გამოთავისუფლდება დაახლოებით 3-5 ლიტრი წყალი და ეს არის წონა რომელსაც იკლებთ.

კი, სასწორი აჩვენებს რომ დაიკელით, თან ასე სწრაფად და ფიქრობთ ალბათ რომ როგორი ეფექტური დიეტა ყოფილა, მაგრამ რეალურად თქვენ იკლებთ უმეტესად წყალს. ეს ტექნიკურად კი არის წონის კლება მაგრამ ეჭვი მაქვს, რომ როცა დიეტას ვიწყებთ ცხიმის წვა გვინდა და არა წყლის.

ხოლო დიეტის შემდეგ როგორცკი გააგრძელებთ ჩვეულებრივი რეჟიმით კვებას, ორგანიზმი ნახშირწყლებით და შაქრებით ისევ შეავსებს გლიკოგენის მარაგს, შესაბამისად დაგროვდება წყალი და რამდენიმე დღეში აკრეფთ იგივე წონას.

ასეთი მცირეხნიანი დიეტის დროს შეიძლება ასევე დაწვათ კუნთოვანი მასა, რაც თქვენს მეტაბოლიზმს შეანელებს და ძალიან მცირე ოდენობით ცხიმი. რადგან რეალურად ორგანიზმს ჭირდება დრო რომ ადაპტირდეს ცხიმის წვაზე და ეს ამბავი სამწუხაროდ 1 კვირაში ვერ მოხდება.

თუ თქვენ გინდათ რეალური ცხიმის წვა, დიეტა არ უნდა იყოს 1 ან 2 კვირიანი. საჭიროა რომ დაიცვათ მინიმუმ 1 ან 2 თვიანი დიეტა რომ ორგანიზმმა რეალურად მოასწროს ადაპტირება და ცხიმის დაკლება.

რა თქმა უნდა მხოლოდ დრო არ არის ფაქტორი, საჭიროა ასევე ჯანსაღად დაიკლოთ წონაში რომ შემდეგ არ მოიმატოთ იგივე წონა ან უფრო მეტიც.

მე გირჩევთ კეტოგენურ დიეტას, რა თქმა უნდა, რადგან ეს არის რეალურად ყველაზე ჯანსაღი და მეცნიერულად გამართული დიეტა რაც კი შექმნილა. უამრავი ვიდეო მაქვს ამ თემაზე და შეგიძლიათ გადახედოთ.

რაიმე კითხვა თუ გაქვთ, დაწერეთ კომენტარებში და გიპასუხებთ აუცილებლად, ასევე შემოგვიერთდით ჩვენს ფეისბუქ ჯგუფში სადაც ერთმანეთს ვუზიარებთ რჩევებს დიეტისა და კვების შესახებ. ჩვენ კი შევხვდებით მომავალ ვიდეოში. მადლობა ყურადღებისთვის.