დღეს ვისაუბრებთ მზესუმზირის რეალურ სასარგებლო თვისებებზე, რომლებიც დადასტურებულია კლინიკური კვლევებით. ასევე ვიდეოს მეორე ნახევარში გეტყვით როგორი ფორმით უნდა მიიღო მზესუმზირა მაქსიმალური შედეგებისთვის.
ესეიგი მზესუმზირა უპირველყოვლისა არის მინერალ თუთიის კარგი წყარო, რომელიც საკმაოდ ბევრ ადამიანს აკლია. ხოლო 100 გრამი მზესუმზირა შეიცავს თუთიის დღიური დოზის მესამედს.
თუთია არის ერთ-ერთი ყველაზე მნიშვნელოვანი იმუნიტეტისთვის, როგორც ეს აჩვენა 2017 წელს გამოქვეყნებულმა კვლევათა შეჯამებამ. იქიდან გამომდინარე რომ თუთია საჭიროა T და B ლიმფოციტების საწარმოებლად, რაც არის იმუნური უჯდერები
T ლიმფოციტები პირდაპირ თავს ესხმიან ინფექციისგან დაზიანებულ უჯრედებს, ხოლო B ლიმფოციტები აწარმოებენ იმუნურ ანტისხეულებს, რომლებიც თავს ესხმიან და ანეიტრალებენ სხვადასხვა პათოგენებს, სანამ უჯრედებს დააზიანებენ.
ასევე თუთია საჭიროა ჰორმალური ჯანმრთელობისთვის, როგორც აჩვენა 2019 წელს გამოქვეყნებულმა კვლევათა შეჯამებამ, რადგან თუთია ჩართულია ისეთი ფუნდამენტური ჰორმონების წარმოებაში როგორიც არის ტესტოსტერონი, ესტროგენი, ინსულინი, ფარისებრი ჯირკვლის ჰორმონები, მელატონინი ანუ ძილის ჰორმონი და ა.შ.
თუთია კიდევ საჭიროა კანის, თმებისა და ფრჩხილებისთვის, რადგან თუთია აუცილებელია კოლაგენისა და კერატინის სინთეზისთვის. ეს არის ორი მთავარი საშენი მასალა ზუსტად კანის, თმებისა და ფრჩხილებისთვის. თუთია ასევე ამცირებს ანთებით პროცესებს და ცხიმის წარმოებას კანზე, რაც თავისთავად პოზიტიურია კანის ჯანმრთელობისთვის.
თუთიის დეფიციტით ხშირად არის გამოწვეული კანის გამოშრობა/აქერცვლა, სუსტი თმა და ფრჩხილები, თმის ცვენა და შეიძლება გაამწვავოს ქეტლი და აკნეც.
როგორც ვახსენე, თუთია ძალიან ბევრ ადამიანს აკლია, მაგრამ კიდევ უფრო მეტ ადამიანს და სინამდვილეში თითქმის ყველას აქვს მაგნიუმისა და კალიუმის დეფიციტი, რისი ერთ-ერთი საუკეთესო წყაროც არის მზესუმზირა.
კალიუმისა და მაგნიუმის დეფიციტის სიმპტომებია: უენერგიობა, მოთენთილობა, ძილის პრობლემები, კუნთების ტკივილი, აჩქარებული გულის ცემა, მაღალი წნევა, ხელების ან ფეხების დაბუჟება ან ჩხვლეტის შეგრძნება და ა.შ. ეს არის ძირითადი სიმპტომები, რაც ორივეს ახასიათებს.
მაგნიუმი და კალიუმი არის ერთ-ერთი ყველაზე მნიშვნელოვანი გულისა და კუნთების ფუნქციონირებისთვის, ნერვული სისტემისთვის და ენერგიისთვის. ზოგადად ეს ორი ნათესავი მინერალებია და მეორენაირად ელექტროლიტებსაც ეძახიან, შეიძლება გაგიგიათ.
საერთო სიმპტომების გარდა, კალიუმის დეფიციტს ხშირად დამატებით ახასიათებს თავბრუსხვევა, შეშუპება და არასტაბილური გულის ცემა, ხოლო მაგნიუმის დეფიციტს მარტივად გაღიზიანებადობა და ყაბზობა მაგალითად.
სხვათაშორის ეს ყველაფერი აჩვენა 2019 წელს გამოქვეყნებულმა კვლევათა შეჯამებამ მაგნიუმზე და 2017 წელს გამოქვეყნებულმა კვლევათა შეჯამებამ კალიუმზე. რა თქმა უნდა, აუცილებელია რომ ინფორმაცია ეფუძნებოდეს კვლევებს, რადგან ეს არის ინფორმაციის ერთადერთი რეალური წყარო.
100 გრამი მზესუმზირა შეიცავს მაგნიუმის დღიური დოზის მესამედს, ხოლო კალიუმის დღიური დოზის მეხუთედს. ეს შეიძლება ბევრი არ ჩანს, მაგრამ სინამდვილეში პროდუქტების უმეტესობა კიდევ უფრო ცოტა მაგნიუმს და კალიუმს შეიცავს და ამიტომაც აკლია თითქმის ყველას. საბოლოოდ კი მზესუმზირა საკმაოდ კარგი წყაროა.
ხოლო მინერალი რომელსაც მზესუმზირა ნამდვილად დიდი ოდენობით შეიცავს არის სპილენძი, რომელიც 100 გრამ მზესუმზირაში შედის დღიურ დოზაზე თითქმის 2-ჯერ მეტი. და ეს ძალიან კარგია იმიტომ რომ სულ რამდენიმე პროდუქტია, საიდანაც სპილენძს საკმარისი ოდენობით მიიღებთ.
სპილენძი არის მინერალი, რომელიც ბევრ ადამიანს არც გაუგია, არადა მნიშვნელობით არცერთ მინერალს არ ჩამოუვარდება ნამდვილად. როგორც 2018 წელს გამოქვეყნებულმა კვლევათა შეჯამებამ აჩვენა, სპილენძის დეფიციტი არის ანემიის ერთ-ერთი მთავარი გამომწვევი ფაქტორი.
ანემია თავისთავად არის მდგომარეობა როცა სისხლში არ არის საკმარისი წითელი უჯრედები და ჰემოგლობინი, რის საწარმოებლადაც საჭიროა მათ შორის სპილენძი. ანემიის ძირითადი სიმპტომებია: სუნთქვის გართულება, თავბრსუხვევა, სისუსტე და ძალიან ფერმკრთალი კანი.
სპილენძი ასევე აუცილებელია კოლაგენის სინთეზისთვის და აუმჯობესებს კანის, თმისა და ფრჩხილების ხარისხს, ასევე კანის ტენიანობას, ელასტიურობას, და აძლიერებს სახსრებსა და ძვლებს.
მაგრამ ეს ყველაფერი არ არის, სპილენძი საჭიროა ძლიერი იმუნიტეტისთვის, ნერვული სისტემისთვის, გონებრივი ფუნქციონირებისთვის, ენერგიის წარმოებისთვის, გულის ჯანმრთელობისთვის და ა.შ.
სანამ შემდეგ პუნქტზე გადავალთ, თუ არ იცით, რეალურად ეფექტური ვიტამინები შეგიძლიათ ჩვენს მაღაზიაში შეიძინოთ, მისამართი: ვაჟა-ფშაველას გამზ. 12
სელენი არის კიდევ ერთი მინერალი, რასაც შეიცავს მზესუმზირა და ამ შემთხვევაში 100 გრამი მზესუმზირით სელენის დღიურ დოზას სრულად შეივსებთ. როგორც 2022 წელს გამოქვეყნებულმა კვლევათა შეჯამებამ აჩვენა სელენი უპირველესყოვლისა საჭიროა ფარისებრი ჯირკვლის ჰორმონების საწარმოებლად, ისევე როგორც უკვე ნახსენები თუთია.
სელენი ასევე საჭიროა იმუნიტეტისთვის, საჭიროა რეპროდუქციული ჯანმრთელობისთვის, ამცირებს დნმ-ს დაზიანებას, არის ერთ-ერთი ყველაზე ძლიერი ანტიოქსიდანტი და ამცირებს ოქსიდაციურ სტრესსა და ანთებით პროცესებს ორგანიზმში.
პლიუს ამას მზესუმზირა შეიცავს B ვიტამინებსაც და რამდენიმე B ვიტამინის საკმაოდ კარგი წყაროა, ესენია B3, B5, B6 და B9 ვიტამინები. 100 გრამი მზესუმზირიდან შეგიძლიათ ამ ვიტამინების დღიური დოზის დაახლოებით 70% მიიღოთ.
ეს B ვიტამინები საჭიროა კანის სიჯანსაღისთვის, ენერგიის წარმოებისთვის, გონებრივი ფუნქციებისთვის, სისხლის წითელი უჯდრების წარმოებისთვის, დნმ-ის სინთეზისთვის და ა.შ.
გარდა ვიტამინებისა და მინერალებისა, მზესუმზირა ასევე შეიცავს ფიტოსტეროლებს, ეს არის მცენარეული ნივთიერებები, რომლებსაც შეუძლია ქოლესტერინის და პოტენციურად გულის დაავადებების რისკის შემცირება, როგორც აჩვენა 2017 წელს გამოქვეყნებულმა კვლევათა შეჯამებამ.
ერთი მხრივ ამ კვლევებიდან გამომდინარე და მეორე მხრივ მზესუმზირაში ფიტოსტეროლების შემცველობიდან გამომდინარე, შეგვიძლია ვივარაუდოთ, რომ 100 გრამ მზესუმზირას შეუძლია რამდენიმე პროცენტით შეამციროს LDL ქოლესტერინის ოდენობა. ეს ბევრი არ არის, რა თქმა უნდა, მაგრამ მაინც სარგებელია. ასევე მზესუმზირა შეიცავს ჯანსაღ ცხიმსაც, რასაც დამატებით შეუძლია ქოლესტერინის შემცირება.
ბონუსად გეტყვით, რომ ყოველთვის უკეთესი იქნება თუ მზესუმზირას მიიღებთ მოხალულს, იმიტომ რომ მზესუმზირა ისევე როგორც სხვადასხვა თხილეული, შეიცავს ანტინუტრიენტებს, როგორიც არის ფიტის მჟავა, ოქსალატები, ტანინები და ა.შ.
ეს არის ნივთიერებები, რომლებიც ხელს უშლიან ორგანიზმს სხვადასხვა მინერალების ათვისებაში და ამცირებენ ზოგადად ათვისებადობას. ხოლო მოხალვის დროს მნიშვნელოვნად მცირდება ამ ანტინუტრიენტების ოდენობა და შესაბამისად მინერალებიც ხდება უფრო მარტივად ათვისებადი.
ასევე ხაზი უნდა გავუსვათ იმას, რომ ეს სასარგებლო თვისებები არ აქვს ექსკლუზიურად მზესუმზირას და ყველა სხვა პროდუქტს, რომლებშიც მოცებული ვიტამინები და მინერალები შედის დიდი ოდენობით, რა თქმა უნდა ასევე აქვთ იგივენაირი სასარგებლო თვისებები. შევხვდებით შემდეგ ვიდეოში.
