ტკბილეულის და ცომეულის მიღება გაკარგვინებთ უამრავ ვიტამინებს, თან იმ სიტუაციაში როცა ისედაც ყველას აკლია რამდენიმე ვიტამინი. რა თქმა უნდა, ყველამ იცის რომ ტკბილეული და ცომეული დიდად ჯანსაღი საკვები არ არის, მაგრამ ძირითადად დისკურია არის ხოლმე უფრო წონის მატების კონტექსტში, არადა ეს არანაკლებ მნიშვნელოვანია.
ტკბილეულიდან და ცომეულიდან თქვენ საბოლოო ჯამში იღებთ დიდი ოდენობით შაქარს, ტკბილეულის შემთხვევაში პირდაპირ შაქარს იღებთ, ხოლო ცომეულიდან იღებთ სახამებელს, რაც რამდენიმე წამში ასევე შაქრად ანუ გლუკოზად გარდაიქმნება. ეს მიღებული შაქარი კი, რა თქმა უნდა, ორგანიზმა უნდა გადაამუშავოს და გარდაიქმნას ენეგიად, რასაც ქვია ATP ანუ ადენოზინტრიფოსფატი.
მაგრამ ამ პროცესს აქვს თავისი ფასი, რასაც იხდით და ეს ფასი არის სხვასხვა ვიტამინები და მინერალები, რომლებიც იხარჯება შაქრის მეტაბოლიზებაში და იხარჯება შაქრის ენერგიად გარდაქმნაში.
როგორც 2020 წელს გამოქვეყნებულმა კვლევათა შეჯამებამ აჩვენა, შაქრის მეტაბოლიზებაში იხარჯება უპირველესყოვლისა: მაგნიუმი, თუთია, სპილენძი, რკინა და სხვადასხვა B ვიტამინები.
და მთავარი პრობლემა ის არის, რომ არც ცომეული და არც ტკბილეული არცერთ ამ ვიტამინს და მინერალს არ შეიცავს, ცარიელი შაქარია, შესაბამისად ეს ყველაფერი იხარჯება თქვენი ორგანიზმიდან. რაც უფრო მეტ ცომეულს და ტკბილეულს იღებთ, კარგავთ უფრო მეტ ვიტამინებს და მინერალებს.
თან გაკარგვინებთ ისეთ ვიტამინებს და მინერალებს, რომლებიც დიდი ალბათობით ისედაც გაკლიათ, ზოგი უფრო მეტად და ზოგი უფრო ნაკლებად, მაგრამ ამ ვიტამინების საკმარისი ოდენობით საკვებიდან მიღება ზოგადადაც რთულია არაერთი მიზეზის გამო, ამაზე ცალკე ვიდეოც გვაქვს და რაც უფრო მეტ შაქარს იღებთ, ეს დეფიციტი კიდევ უფრო მწვავდება.
ასევე თეორიულად რაც უფრო მეტი ცომეული და ტკბილეულია რაციონში, შესაბამისად ბევრად ნაკლებ ჯანსაღ და ვიტამინებით დატვირთულ პროდუქტებს იღებთ. უბრალოდ ნაკლები ადგილი რჩება ასეთი პროდუქტებისთვის. ანუ ვიტამინების გასავალი დიდია და შემოსავალი ბევრად ნაკლები.
პლიუს ამას, გრძელვადიან პერსპექტივაში ბევრი ცომეულის და ტკბილეულის მიღებას შეუძლია გამოიწვიოს დიაბეტი და ინსულინ რეზისტენტულობა, რაც არის პრედიაბეტური მდგომარეობა. ამ დროს იზრდება თირკმელების მიერ სითხის გამოყოფა და სითხესთან ერთად დამატებით იკარგება: კალიუმი, მაგნიუმი და მარილი.
სხვათაშორის თუ გაინტერესებთ რომელი ვიტამინი ან მინერალი გაკლიათ, შეგიძლიათ ჩვენს საიტზე შეავსოთ აპლიკაცია, რა თქმა უნდა, უფასოდ და თქვენი კვების რაციონზე დაყრდნობით გიჩვენებთ რომელი ვიტამინი გაკლიათ. აპლიკაციის ლინკს დავტოვებთ კომენტარებში.
მოკლედ რაც შეიძლება შეამცირეთ ცომეული და ტკბილეული თქვენს რაციონში და ან ჩაანაცვლეთ უშაქრო ალტერნატივებით, რომ არ გამოიფიტოს თქვენი ორგანიზმი ამ ვიტამინებისგან.
