სტაფილო სიმაღლეში არ ზრდის!

სტაფილო სიმაღლეში არ ზრდის, მაგრამ ამ მითშიც არის სიმართლის მარცვალი, როგორც ხდება ხოლმე.

თეორია მომდინარეობს იქიდან, რომ სტაფილო შეიცავს ძალიან დიდი ოდენობით A ვიტამინს, რაც საჭიროა როგორც სიმაღლეში ზრდისთვის, ასევე ზოგადად ზრდისა და ჯანსაღი განვითარებისთვის და შესაბამისად გამოდის, რომ სტაფილო ზრდის სიმაღლეში.

ამ ლოგიკაში რამდენიმე ფუნდამენტური პრობლემაა, მაგრამ ყველაზე მთავარი ისაა რომ კი სტაფილო შეიცავს A ვიტამინს, რაც კი საჭიროა სიმაღელში ზრდისთვისაც, მაგრამ სტაფილო შეიცავს მცენარეულ A ვიტამინს ანუ ბეტა კაროტინს, რაც არის არააქტიური ფორმა და ადამიანის ორგანიზმი ვერ იყენებს.

A ვიტამინის აქტიური ფორმა, რაც სჭირდება ადამიანს არის რეტინოლი, რაც მარტო ცხოველურ პროდუქტებშია. ორგანიზმს შეუძლია დააკონვერტიროს და გარდაქმნას მცენარეული A ვიტამინი ადამიანისთვის გამოსადეგ აქტიურ ფორმაში, მაგრამ ეს კონვერტაცია საკმაოდ შეზღუდულია.

როგორც 2010 წელს გამოქვეყნებულმა კვლევათა შეჯამებამ აჩვენა, კონვერტაციის კურსი ხრიშად არის მხოლოდ 3.6% და მაქსიმუმ შეიძლება იყოს 28%. ეს დამოკიდებულია როგორც გენეტიკაზე, ასევე იმაზე თუ რამდენად ბევრ მცენარულ A ვიტამინს იღებთ.

იმიტომ რომ 2010 წელს გამოქვეყნებულმა კიდევ ერთმა კვლევამ დაადასტურა, რომ რაც უფრო მეტ მცენარეულ A ვიტამინს იღებს ადამიანი, ორგანიზმი უფრო ნაკლებს აკონვერტირებს, იმიტომ რომ ეს კონვერტაციის შესაძლებლობა უბრალოდ შეზღუდულია და ორგანიზმს არ შეუძლია გარდაქმნას რაღაც ოდენობაზე მეტი.

ამიტომ თუნდაც კილოობით ჭამოთ სტაფილო, მხოლოდ მცირე ოდენობით A ვიტამინს აითვისებს ორგანიზმი და შესაბამისად ეს სიმაღლეში ზრდაში დიდად ვერ მოგეხმარებათ. პლიუს ამას გენეტიკა ვახსენეთ და ზოგ ადამიანს აქვს გენეტიკური მუტაცია, იგივე პოლიმორფიზმი, რის გამოც შეიძლება საერთოდ არ შეგეძლოთ მცენარეული A ვიტამინის გარდაქმნა და გამოყენება.

თუ A ვიტამინზეა საუბარი, საჭიროა მიიღოთ ცხოველური პროდუქტები, განსაკუთრებით A ვიტამინით მდიდარია ძროხისა და ქათმის ღვიძლი, ყველი, კვერცხი, კარაქი, თევზი და რძის პროდუქტები. სხვათაშორის 100 გრამი ქათმის ღვიძლი შეიცავს 3 დღის სამყოფ A ვიტამინს და ძროხის ღვიძლი საერთოდ 6 დღის დოზას.

თუმცა თუნდაც სტაფილო შეიცავდეს აქტიურ A ვიტამინს ან ზოგადად რამდენ A ვიტამინსაც არ უნდა იღებდეთ, სიმაღლეში რამხელა გაიზრდება ადამიანი მაინც უპირველესყოვლისა დამოკიდებულია გენეტიკაზე.

და ასევე სიმაღლეში ზრდისთვის მხოლოდ A ვიტამინი არ არის საკმარისი, მოზარდის ჯანსაღი ზრდისთვისა და განვითარებისთვის საჭიროა რომ მიაწოდოთ ყველა აუცილებელი ვიტამინი, მინერალი, Protein და ჯანსაღი ცხიმი.

სიმაღლეში ზრდისთვის განსაკუთრებით მნიშვნელოვანია: ცილის ოდენობა რაციონში, ასევე D3 ვიტამინი, K2 ვიტამინი, მაგნიუმი, B ვიტამინები, Calcium და A ვიტამინი თავისთავად.

თუ მოზარდს აკლია რომელიმე საჭირო ნივთიერება, რა თქმა უნდა, ამას შეუძლია შეაფერხოს სიმაღლეში ზრდა და არამხოლოდ. ზოგადად პრაქტიკულად ადამიანი არ დადის დედამიწაზე ვისაც რამდენიმე ვიტამინი არ აკლია და ერთ-ერთი მიზანი თქვენი და თქვენი შვილების ჯანმრთელობისთვის ზუსტად ამ ნივთიერებების შევსებაა.

სხვათაშორის ჩვენს საიტზე შეგიძლიათ შეავსოთ უფასო აპლიკაცია, შეიყვანთ თქვენს ან თქვენი შვილის რაციონს და აპლიკაცია მაშინვე გიჩვენებთ რომელი ვიტამინი ან მინერალია დეფიციტური რაციონში. შეავსე აპლიკაცია

პლიუს ამას, დამატებითი ინფორმაციის სახით გეტყვით, რომ უფრო იშვიათად მაგრამ მაინც, მოზარდებში ზრდის შეფერხება შეიძლება გამოწვიოს ჰორმონალურმა პრობლემებმა. მაგალითად ლიონელ მესის ჰქონდა სწორედ ასეთი პრობლემა და 11 წლის ასაკიდან უკეთებდნენ ზრდის ჰორმონს, რომ დეფიციტი გამოსწორებულიყო.

სიმართლე გითხრათ ისეთი შეგრძნება მრჩება რომ მარტივ მითზე ზედმეტად ბევრი ვისაუბრე და იმედი მაქვს ასე არ არის, მაგრამ ცალსახად ბევრად მეტი ვიტამინია საჭირო სიმაღლეში ზრდისთვის და მით უმეტეს მხოლოდ სტაფილოს მიღება სიმაღლეში ვერ გაგზრდით. დღეისათვის კი სულ ეს იყო, შევხვდებით შემდეგ ვიდეოში.