რომელ სეზონზეა საჭირო ვიტამინების მიღება?

ადამიანების გარკვეული ნაწილი ფიქრობს, რომ Vitamins სეზონურად არის საჭირო, რაც კატასტროფულად არასწორია. თუ ასე ფიქრობთ, ეს ნიშნავს რომ ფუნდამენტურად არ გესმით საკითხი. მაგრამ არაუშავს, ყველაფრის ცოდნით არავინ არ იბადება და ამ ვიდეოში ვეცდები ავხსნა ეს ამბავი.

ცოტა უკან რომ გადმოვახვიოთ, ვიტამინების და მინერალების განმარტება არის ასეთი, რომ ეს არის ბუნებრივი ნივთიერებები, რის გარეშეც ადამიანის ორგანიზმს გამართულად არ შეუძლია ფუნქციონირება და რომლებიც საჭიროა მიიღოთ გარეგანი წყაროდან.

ყველაზე ექსტრემალურ შემთხვევაში კი თუ ადამიანს საერთოდ არ ექნება ვიტამინები ორგანიზმში, ადამიანი პირდაპირი მნიშვნელობით მოკვდება, თუმცა ეს თავისთავად იშვიათად ხდება.

მაგრამ რაც არ არის იშვიათი, ეს არის სხვადასხვა ვიტამინების და მინერალების დეფიციტი და მათ მიერ გამოწვეული ჯანმრთელობის პრობლემები. ეს ძირითადად იმის გამო, რომ ზოგი ვიტამინის ოდენობა თვითონ საკვებშია შემცირებული, ხოლო ზოგ შემთხვევაში თქვენ არ იღებთ საჭირო პროდუქტებს.

რადგან ვიტამინების და მინერალების დეფიციტი ასე გავრცელდა, 1916 წელს, ჯერ კიდევ 108 წლის წინ შეიქმნა პირველი საკვები დანამატი და მას შემდეგ დანამატები არსებობს იმისთვის რომ შეავსოთ რაციონში არსებული ვიტამინების დეფიციტი.

შესაბამისად გამოდის რომ თქვენ იღებთ საკვებიდან ვიტამინების გარკვეულ ოდენობას და რაც დაგაკლდებათ, აუცილებელია შეივსოთ დანამატით. აბა მითხარით ამ ყველაფერთან სეზონი რა შუაშია?

კიბატონო, მე გეტყვით რა პასუხს სცემენ ადამიანები ამ კითხვაზე. ერთ-ერთი გამართლება არის ის, რომ მაგალითად ზაფხულში მზე კანს უფრო მეტად ხვდება და რადგან ორგანიზმს შეუძლია D ვიტამინის სინთეზირება მზის სხივებისგან, შესაბამისად შეიძლება იფიქროთ რომ D ვიტამინის მიღება ზაფხულში ნაკლებად საჭიროა.

ან C ვიტამინის შემთხვევაში, რადგან C ვიტამინს ძირითადად ბოსტნეული შეიცავს და ყველაზე მეტად ბოსტნეულს თეორიულად ზაფხულში იღებთ, ეს შეიძლება ნიშნავდეს, რომ ზაფხულში ასევე არც C ვიტამინის მიღებაა საჭირო.

მაგრამ აქ არის ერთი მნიშვნელოვანი საკითხი: D ვიტამინის საჭირო ოდენობა რომ მიიღოთ, უბრალოდ მზის არსებობა არ არის საკმარისი, მზეზე უნდა გაატაროთ რამდენიმე საათი.

ზაფხულში ნაკლები დრო დაგჭირდებათ D ვიტამინის ასათვისებლად, მაგრამ მზეზე ყოველდღიურად ყოფნა მაინც საჭიროა და ამდენ დროს ბევრი ადამიანი უბრალოდ არ ატარებს მზე, თუნდაც ზაფხულში.

მით უმეტეს, რომ რაც უფრო ემატება ადამიანს ასაკი, D ვიტამინის ასათვისებლად უფრო მეტი დროა საჭირო, არადა ასაკის მატებასთან ერთად, მზეზე გატარებული დრო პირიქით იკლებს როგორც წესი.

ან იგივე C ვიტამინს რომ დავუბრუნდეთ, კი C ვიტამინი არის ბოსტნეულში, მაგრამ საშუალოდ 200-300 გრამი უნდა ჭამოთ ყოველდღიურად, C ვიტამინის დღიური დოზის მისაღებად.

მოკლედ საკვებ რაციონზეა დამოკიდებული ვიტამინების საჭიროება და არა სეზონზე. სეზონს შეიძლება მცირედი გავლენა ქონდეს, მაგრამ ეს არის მინიმალური. მაქსიმუმ მართლა შეიძლება C ვიტამინი არ გჭირდებოდეთ იმდენად და სულ ეგარის, არადა 30-მდე ვიტამინი და მინერალი სჭირდება ადამიანის ორგანიზმს.

რა თქმა უნდა, უმეტესობას საკვებიდანაც მიიღებთ, მაგრამ რასაც ვერ მიიღებთ საკვებიდან, უნდა შეივსოთ საკვები დანამატიდან.

მეორე ლოგიკა რატომაც სეზონურად იღებს ზოგი ადამიანი ვიტამინებს, ეხება იმუნიტეტს, რადგან ცივ სეზონებზე ითვლება, რომ უფრო მეტად გვჭირდება იმუნიტეტი, რაც უბრალოდ არასწორია.

იმუნური სისტემა პასუხისმგებელია არა მხოლოდ ვირუსებთან გამკლავებაზე, არამედ უამრავ სხვა პროცესზე, რაც ნებისმიერ სეზონზე საჭიროა. მაგალითად იმუნური სისტემა მუდმივად ასკანერებს მთელ ორგანიზმს რომ არ გაჩნდეს კიბო და თუკი გაჩნდება მსგავსი უჯრედები, მანამდე კლავს იმუნიტეტი სანამ გამრავლდებიან და მივიღებთ სერიოზულ პრობლემას.

ასევე იმუნიტეტია პასუხისმეგებლი ვირუსის გარდა სხვა ინფექციების მოგერიებაზეც, რომლებიც ნებისმიერ დროს შეიძლება მოხვდეს თქვენს ორგანიზმში. ეს იქნება ბაქტერიები, პარაზიტები თუ სოკო.

თუ თქვენს ორგანიზმში რაიმე დაზიანდება ან გარეგანად რაიმეს გაიჭრით, ამის შეხორცებაზეც იმუნიტეტი აგებს პასუხს. მაგალითად კუჭის ლორწოვანი გარსი შეიძლება მცირედით დაზიანდეს და თქვენი ორგანიზმი ისე გაუმკლავდეს, რომ თქვენ ვერც იგრძნოთ. ან შეიძლება პირიქით გართულდეს და გასტრიტი გამოიწვიოს, თუ იმუნიტეტი დასუსტებულია.

კარგით, ძლიერი იმუნიტეტი ყოველთვის საჭირო რომ არის, ეს გასაგებია, მაგრამ ის ვიტამინები და მინერალები, რაც იმუნიტეტისთვის გვჭირდება, ასევე ასობით სხვა ფუნქციას ასრულებენ ორგანიზმში და ამის გამოც არის არასწორი იმუნიტეტის გასაძლიერებლად ვიტამინების სეზონურად მიღების ლოგიკა.

მაგალითად მინერალი თუთია, რომელიც ერთ-ერთი ყველაზე მნიშვნელოვანია იმუნიტეტისთვის, ასევე საჭიროა სხვადასხვა ჰორმონების საწარმოებლად, როგორიც არის ტესტოსტერონი, ესტროგენი, ფარისებრი ჯირკვლის ჰორმონები და ა.შ.

ეს ჰორმონები ამუშავებს ორგანიზმს და თუთიის გარეშე არა მხოლოდ იმუნიტეტი დასუსტდება, არამედ უამრავი პროცესი შეფერხება. მათ შორის თმის ცვენა არის ხშირად თუთიის დეფიციტის სიმპტომი, კანის აქერცვლა, ყნოსვის დაქვეითება და ა.შ.

და ეს მხოლოდ 1 მინერალის შემთხვევაში, მაგალითისთვის, თორემ იმუნური სისტემისთვის არაერთი ვიტამინი და მინერალია საჭირო, და თითოეულს ასობით ფუნქცია აქვს ორგანიზმში.

მოკლედ ბევრი რომ არ ვისაუბრო, ვიტამინების დეფიციტი გამომდინარეობს საკვები რაციონიდან და სეზონი თითქმის არაფერს ცვლის ამ კუთხით, მით უმეტეს სასიკეთოდ, და თუ შესაძლებელია, ვიტამინები უნდა მიიღოთ მთელი წლის განმავლობაში.

არაერთი ვიდეო გვაქვს სხვადასხვა ვიტამინებზე და გირჩევთ გადახედოთ. სხვათაშორის თუ გაინტერესებთ რომელი ვიტამინი გაკლიათ, ჩვენს საიტზე შეგიძლიათ შეავსოთ აპლიკაცია და თქვენს კვების რაციონზე დაყრდნობით გიჩვენებთ რომელი ვიტამინი გაკლიათ.