ნუშის კარაქი, თხილის კარაქი, არაქისის კარაქი, სეზამის კარაქი იგივე ტაჰინი. ესენია Nut Butters და დღეს მინდა გესაუბროთ იმაზე თუ რატომ უნდა ჭამოთ მინიმუმ ერთ-ერთი მათგანი ყოველდღე და რატომ არის თხილეულის კარაქები ბუნების ნატურალური მულტიმინერალების კომპლექსი.
ზოგადად თქვენ თუ ნახავთ სხვადასხვა თხილეულის შემადგენლობას, აღმოაჩენთ რომ თხილეული არის პრაქტიკულად მინერალების საბადო, რაც უკვე ძალიან მაგარია და მით უმეტეს ყურადღებამისაქცევი არის ის, რომ თხილეული მაგნიუმისა და კალიუმის ერთ-ერთი საუკეთესო წყაროა და ეს განსაკუთრებით ყურადღებამისაქცევი იმიტომ არის, რომ ეს ორი მინერალი პრაქტიკულად აკლია ადამიანების უმეტესობას, რაც უკვე უამრავ პრობლემას იწვევს დაწყებული ძილის პრობლემებით, დასრულებული მაღალი არტერიული წნევით, ყაბზობით, კუნთების სპაზმით და ა.შ და ა.შ.
თუმცა პრობლემა ის არის, რომ თხილეულიდან მინერალების ათვისება არცთუ ისე მარტივი ამოცანაა ორგანიზმისთვის. თხილეული შეიცავს საკმაო ოდენობით ოქსალატებს, რაც გადის მინერალების დამბლოკავების კატეგორიაში, ანუ ეს ნივთიერება ხელს გიშლით მინერალების ათვისებაში და ამიტომ თხილეულში არსებული მინერალების საშუალოდ 30%-ს უბრალოდ ვერ შეითვისებთ და კარგავთ.
რა თქმა უნდა, მიუხედავად ამისა თხილეული მაინც მინერალების კარგი წყაროა, მაგრამ თხილეულის კარაქები ბევრად უკეთესია. ამის მიზეზი არის პროცესი, რომელსაც გადის თხილეული სანამ საბოლოო პროდუქტს მივიღებთ, ძირითადად ეს მოიცავს მოხალვას და თხილისეულის იმ დონეზე დამუშავებას სანამ არ მივიღებთ კრემოვან მასას.
ეს პროცესი ანადგურებს ოქსალატების უმეტესობას, რის შედეგადაც თქვენი ორგანიზმი ბევრად თავისუფლად აითვისებს იმ ძალიან ბევრ მინერალს, რასაც თხილეულის კარაქები შეიცავს. იქნება ეს მაგნიუმი, კალიუმი, თუთია, სპილენძი, ფოსფორი, მანგანუმი თუ ა.შ.
ახლა როგორ და რასთან ერთად შეიძლება მიირთვათ თხილეულის კარაქები. უპირველესყოვლისა ყველა მათგანს საკმაოდ განსხვავებული გემო აქვს და თავისუფლად შეიძლება ჩავთვალოთ როგორც ცალკე აღებული სნეკი, იგივე ხემსი და შეგიძლიათ უბრალოდ აიღოთ ნებისმიერი თხილეულის კარაქი და კოვზით მიირთვათ. ასევე შეგიძლიათ გამოიყენოთ სხვადასხვა დესერტებში, გააკეთოთ ძალიან მარტივი ორცხობილები, შეგიძლიათ გამოიყენოთ სალათებში და ა.შ. და ა.შ.
რა თქმა უნდა, თხილეულის კარაქებს არ უნდა ქონდეს დამატებული შაქარი ან პალმის ზეთი, რადგან უბრალოდ ასეთ შემთხვევაში ჯანსაღი პროდუქტიდან გადაიქცევა არაჯანსაღ პროდუქტად და მთელი არსი დაიკარგება.
სხვათაშორის ჩვენს ჯანსაღ მაღაზიაშიც იყიდება სხვადასხვანაირი თხილეულის კარაქები ყველანაირი დანამატის გარეშე.მისამართი: ვაჟა-ფშაველას 12 , გვეწვიეთ აუცილებლად. ასევე შეგიძლიათ გააკეთოთ შეკვეთა ჩვენს საიტზე Ketogen.ge და კურიერი მოგიტანთ მისამართზე მთელი საქართველოს მასშტაბით.
ნებისმიერ შემთხვევაში თხილეულის კარაქები ყოველთვის ძალიან ჯანსაღი და კარგი დამატება შეიძლება იყოს თქვენი რაციონისთვის. თუ ეს ვიდეო მოგეწონათ, გირჩევთ ჩვენს სხვა ვიდეობსაც გადახედოთ. დღეისათვის კი სულ ეს იყო, შევხვდებით შემდეგ ვიდეოში.
