რატომ არ მუშაობს დიეტები?

ჩვენ გარშემო არის ათობით და ასობით დიეტა, თუმცა მათი აბსოლუტური უმრავლესობა უბრალოდ არ მუშაობს. ბევრი დიეტა წონის კლებაში ვერ გვეხმარება და თუ მაინც დავიკელით, დიეტის შემდეგ მალევე ვიმატებთ ხშირად უფრო მეტსაც.

ამ ვიდეოში ვისაუბრებთ მიზეზებზე თუ რატომ არ მუშაობს დიეტები და გეტყვით როგორი უნდა იყოს დიეტა, რომ წონაშიც არ მოიმატოთ დასრულების შემდეგ და ჯანმრთელობაც არ გაინადგუროთ.

უპირველესყოვლისა, დიეტების 99% ანელებს მეტაბოლიზმს. და ეს ხდება რამდენიმე მარტივი მიზეზის გამო.

ყველაფრის სათავე არის ის, რომ დიეტების უმეტესობა აქცენტს აკეთებს კალორიების შეზღუდვაზე ნაცვლად კონკრეტული ნივთიერებების შეზღუდვისა, ხოლო როცა მხოლოდ კალორიებზე ზრუნავთ და მაგალითად ჩვეულებრივ შემთხვევაში დღეში იღებდით ვთქვათ 2 000 კალორიას და დიეტის დროს ვთქვათ  დღეში იღებთ 1 000 კალორიას, თქვენი ორგანიზმი ვერ მიხვდება დიეტაზე ხართ თუ უბრალოდ უფრო ცოტა საკვების მიღება დაიწყეთ და ამიტომ ორგანიზმი ადაპტირდება ახალი კვების რეჟიმზე და ანელებს მეტაბოლიზმის დონეს.

რაში სჭირდება ორგანიზმს სწრაფი მეტაბოლიზმი, თუ კალორიების ოდენობამ დაიკლო და შესაბამისად ნაკლები ენერგიაა დასაწვავი. ასეთ დროს დამატებით  თქვენ კარგავთ კუნთოვან მასას, ხოლო რაც უფრო ცოტა კუნთი გაქვთ სხეულში, უფრო ნაკლებ კალორიას წვავს თქვენი ორგანიზმი, რაც კიდევ უფრო შენელებულ მეტაბოლიზმს ნიშნავს.

ასევე დიდი პრობლემაა ნახშირწყლები, რასაც ჩვეულებრივად ტოვებთ თქვენს საკვებ რაციონში როცა მხოლოდ კალორიებს ზღუდავთ და ეს ერთი მხრივ ხელს უშლის თქვენს ორგანიზმს რომ ცხიმის წვაზე გადავიდეს და მეორე მხრივ ანელებს მეტაბოლიზმს, რადგან ასეთ დროს ინსულინის დონე მუდმივად მაღალი რჩება სისხლში. ხოლო ინსულინს მარტივად რომ ვთქვათ საკმაოდ უარყოფითი გავლენა აქვს მეტაბოლიზმე.

ეს არის მიზეზები რატომაც დიეტის დასრულების შემდეგ ადამიანების უდიდესი ნაწილი ისევ იმატევს წონას და ხშირად უფრო მეტსაც, რადგან მეტაბოლიზმი არის შენელებული და წყობიდან გამოსული.

რამდენიმე წუთში გეტყვით როგორ უნდა აირიდოთ თავიდან ყველა ეს უარყოფითი ეფექტი, მანამდე კი გადავიდეთ N2 მიზეზზე, რატომაც დიეტები არ მუშაობს და აქ უკვე საქმე გვაქვს ვიტამინებისა და მინერალების ნაკლებობასთან.

თეორიულად თითქოს დიეტა უფრო უნდა გაჯანსაღებდეთ ვიდრე ჩვეულებრივ, თუმცა სამწუხაროდ ეს არ შეესაბამება რეალობას და როგორც წესი იფიტებით ყველანაირი ვიტამინებისა და მინერალებისგან.

ალბათ ხშირად შეგიმჩნევიათ ან თქვენზე ან სხვა ადამიანებზე, რომ დიეტის დროს იწყება თმის ცვენა, უხეშდება კანი და ფრჩხილები, უარესდება განწყობა / ხასიათი, შეიძლება ხართ უფრო მოთენთილი და ა.შ. და ა.შ.  ეს ყველაფერი ზუსტად კონკრეტული ვიტამინებისა და მინერალების ნაკლებობის სიმპტომებია.

და ეს არის მხოლოდ ძალიან პატარა ჩამონათალი, რადგან არასწორ დიეტას გრძელვადიან პერსპექტივაში შეუძლია გაანადგუროს თქვენი ჯანმრთლებობა, რაც ხშირად ასევე პირდაპირ მიბმულია წონის მატებასთან და საბოლოოდ ვიღებთ იმაზე უარეს შედეგს, ვიდრე დიეტის დაწყებამდე გქონდათ.

N3 მიზეზი – დიეტები არის ძალიან მკაცრი. ხშირად არის საათებით და წუთებით გაწერილი გრაფიკი, დღეში 5-ჯერ უნდა იკვებოთ, 5-ჯერ რაღაც სასმელები უნდა დალიოთ და ძალიან რთულია ამის თქვენ გრაფიკთან შეთავსება და მორგება. პრაქტიკულად გამოდის რომ მთელი დრო დიეტას უნდა დაუთმოთ, რაც შეუძლებელია უბრალოდ დიდი ხანი გაგრძელდეს.

და აქედან მივდივართ უკვე N მე-4 მიზეზთან და ეს არის ის, რომ დიეტები არ არის შენარჩუნებადი და გათვლილია მცირე პერიოდზე, რაც უბრალოდ არაეფექტური მიდგომაა, იმიტომ რომ ვთქვათ დაიკელით წონაში და მიაღწიეთ მიზანს, მაგრამ თუ ზოგადად თქვენ რაციონში არაფერს არ შეცვლით, უბრალოდ დროის საკითხია როდის მოიმატებთ ისევ წონაში.

მით უმეტეს, თუ მეტაბოლიზმი გექნებათ შენელებული, თუ ვიტამინების ნაკლებობას დაგმართებთ ეს დიეტა და თუ კალორიების თვლით მუდმივად შიმშილის შეგრძნება გექნებათ. რამდენი ხანი გაძლებთ ასე მშიერი და დასტრესილი, ეს უბრალოდ არარეალურია.

ასევე თუნდაც გაუძლოთ მკაცრ რეჟიმს, თუნდაც სწორად იყოს შედგენილი დიეტა და თუნდაც დაიკლოთ წონაში, დიეტა არ გაძლევთ ინფორმაციას იმის შესახებ თუ როგორ განასხვავოთ ჯანსაღი და არაჯანსაღი საკვები, ხოლო დიეტაში გაწერილი გრაფიკით, ერთი და იგივე რაღაცას ვერ შეჭამთ მთელი ცხოვრება, შესაბამისად დიეტის დასრულების შემდეგ როგორც წესი უბრუნდებით იგივე კვების რეჟიმს, რაც ისევ და ისევ იწვევს წონის მატებას და მივდივართ იგივე წრეზე.

და რადგან უკვე ჩამოვთვალეთ ყველაზე ხშირი მიზეზები, რატომაც დიეტების უმეტესობა არ მუშაობს, ახლა ვისაუბროთ იმაზე თუ როგორი უნდა იყოს დიეტა, რომ დაიკლოთ წონაში, გაიუმჯობესოთ ჯანმრთელობა და არ გქონდეთ შეხება საერთოდ ჩამოთვლილ სიტუაციებთან.

დავიწყოთ იმით, რომ დიეტის დროს საკვებ რაციონში უნდა იყოს მინიმალურზე მინიმალური ოდენობით ნახშირწყლები. იმიტომ რომ ნახშირწყლები ყველაზე მეტად გასუქებთ, იწვევს დიაბეტსა და სხვა უამრავ დაავადებას, ანელებს მეტაბოლიზმს. ესენია პური, ტკბილეული, ცომეული, ბურღულეული, ხილი და ა.შ.

ასევე დიეტის დროს უნდა მიირთმევდეთ ბევრ ბოსტნეულსა და ხორცს, რომ მიიღოთ ყველა საჭირო ვიტამინი, მინერალი, ცილა, ცხიმი და ა.შ. დიეტა არ უნდა ზღუდავდეს კალორიებს და საკვების ოდენობას, პირიქით უნდა გქონდეთ საშუალება რომ გემრიელად იკვებოთ ყველანაირი სტრესის გარეშე.

დიეტის დროს თქვენ თვითონ უნდა შეგეძლოთ შეადგინოთ კვების რაციონი საკუთარი გემოვნებით და სურვილით. დიეტა უნდა იყოს მოქნილი და შეგეძლოთ საკუთარ გრაფიკზე მორგება, ისე რომ მაქსიმალურად კომფორტული იყოს თქვენთვის. მხოლოდ ასე შეძლებთ დაამარცხოთ წონა სამუდამოდ, არ მოიმატოთ ისევ და ისევ და არ გიწევდეთ ისევ რაღაც საშინელი დიეტის დაწყება.

საბედნიეროდ ასეთი დიეტა უკვე არსებობს და ქვია კეტოგენური დიეტა, რომელზეც ბევრს ვსაუბრობ ამ გვერდზე და არის მსოფლიოში ერთ-ერთი ყველაზე პოპულარული დიეტა.

რა თქმა უნდა, ამ დიეტას არ აქვს არცერთი ჩამოთვლილი პრობლემა და პირიქით, ამ ყველაფერს დამატებული კიდევ უფრო გაჯანსაღებთ, აჩქარებს მეტაბოლიზმს, გხდით უფრო ენერგიულს და ა.შ. და ა.შ.

რა არის ეს დიეტა, როგორ უნდა იკვებოთ და როგორ უნდა დაიწყოთ კონკრეტულად, ამ საკითხებზე მაქვს 3 მოკლე ვიდეო, სადაც ყველაფერი ახსნილია ძალიან მარტივად და გასაგებად. ვიდეოების სანახავად მიყევით ბმულს: https://ketogen.ge/start-keto-diet/

თუ რაიმე კითხვა გაქვთ, დაწერეთ კომენტარებში და გიპასუხებთ აუცილებლად. მომავალ ვიდეომდე.