მაგნიუმის და კალიუმის დეფიციტი სისხლის ანალიზით არ დგინდება. არადა თითქოს საიდანღაც ვიცით რომ ვიტამინების და მინერალების ნაკლებობას ანალიზი ადგენს, რაც დიდად არ შეესაბამება რეალობას ხშირ შემთხვევაში და მით უმეტეს როცა მაგნიუმზე და კალიუმზე ვსაუბრობთ. არადა ეს ორი უმნიშვნელოვანესი მინერალია, რაც ადამიანების უმეტესობას აკლია. ამაზე უამრავი ვიდეო გვაქვს.
ახლა საქმე რაშია, მაგნიუმის და კალიუმის ოდენობის საშუალოდ 99% ინახება უჯრედებში ანუ კუნთებში, ძვლებში და ა.შ. და მარაგის მხოლოდ მცირე ნაწილია სისხლში, კონკრეტულად კი მაგნიუმის მხოლოდ 0.8%-ია სისხლში როგორც ეს 2018 წელს გამოქვეყნებულ კვლევაშია ნაჩვენები და კალიუმის მხოლოდ 2%-ია სისხლში, რაც 2016 წელს გამოქვეყნებულ კვლევაშია ნაჩვენები. ამიტომ სისხლის ანალიზის გაკეთებით სრულ სურათს სინამდვილეში ვერ ვხედავთ.
თუმცა აქ შეიძლება გაგიჩნდეთ კითხვა, რომ კარგი ვთქვათ სისხლში შეიძლება მაგნიუმის და კალიუმის მცირე ოდენობაა, მაგრამ ხომ შეიძლება ამ 1-2%-ში განისაზღვროს მინერალების კონცეტრაცია და არის თუ არა დეფიციტი.
და ეს ნამდვილად სწორი კითხვაა იმიტომ რომ ვიტამინებისა და მინერალების დიდი ნაწილი ისედაც უჯრედებშია როგორც წესი, ეს არ არის ექსკლუზიურად დამახასიათებელი მაგნიუმისა და კალიუმისთვის, მაგრამ აქ მივდივართ კიდევ ერთ და რეალურად მთავარ პრობლემასთან.
მთავარი პრობლემა ამ სიტუაციაში ის არის, რომ ორგანიზმი ძალიან მკაცრად აკონტროლებს მაგნიუმისა და კალიუმის კონცენტრაციას სისხლში და მუდმივად ავსებს ამ 1-2%-ს დანარჩენი მარაგებიდან. რატომ? იმიტომ რომ თუნთაც თუ ერთ-ერთის ოდენობა სისხლში ჩამოცდება კრიტიკულ ზღვარს, თქვენ პირდაპირი მნიშვნელობით ცუდად გახდებით და წაიქცევით.
ამიტომ ორგანიზმი ცდილობს მუდმივად შეინარჩუნოს სისხლში ბალანსი და საჭიროების შემთხვევაში უჯრედებიდან იღებს მაგნიუმს და კალიუმს და გადმოაქვს სისხლში. შესაბამისად სისხლში ეს ორი მინერალი როგორც წესი ყოველთვის არის ნორმის ფარგლებში და ასეც უნდა იყოს მათი ფუნქციებიდან გამომდინარე.
მაგალითისთვის ჩვენ ვიცით რომ მინერალი იოდი შეუცვლელია ფარისებრი ჯირკვლისთვის და თუ დავუშვებთ რომ თქვენ უკვე გაკლიათ იოდი, წლები გავა სანამ ფარისებრი ჯირკვალი დაგიზიანდებათ იოდის დეფიცის გამო, მაგრამ მე რომ ახლა თქვენს სისხლში გავაქრო მაგნიუმი და კალიუმი, თქვენ ამ წამსვე წაიქცევით და ვეღარ ადგებით სანამ არ გაგიკეთებენ ამ ორ მინერალს.
აქედან გამომდინარე გასაგებია ორგანიზმისთვის რამხელა პრიორიტეტია ამ ორი მინერალის ბალანსის შენარჩუნება სისხლში და ამას საკმაოდ კარგადაც ახერხებს, მაგრამ ამის გამო თითქმის შეუძლებელი ხდება დეფიციტის დადგენა სისხლის ანალიზით.
მაგალითად 2018 წელს გამოქვეყნებულ კვლევათა შეჯამებაში ვკითხულობთ: რადგან სისხლში ხშირად ივსება მაგნიუმი ორგანიზმის მარაგებიდან, სისხლში მაგნიუმის ვიწრო დიაპაზონის შენარჩუნების მიზნით, ეს არის მთავარი მიზეზი, რატომაც სისხლის ანალიზი ხშირად ფარავს მაგნიუმის დეფიციტს. და რა თქმა უნდა, კალიუმის შემთხვევაშიც იგივე სიტუაცია გვაქვს.
ამიტომ მათ შორის უამრავჯერ ყოფილა რომ ჩვენს ვიდეოებზე დაუმკომენტარებიათ ან პირადად უთქვამთ რომ გავიკეთე მაგნიუმის და კალიუმის ანალიზი, თეორიულად ანალიზის მიხედვით ყველაფერი ნორმაშია, მაგრამ დეფიციტის სიმპტომები მაინც მაქვს.
მით უმეტეს თუ მიიღებთ მაგნიუმით და კალიუმით მდიდარ საკვებს ან საკვებ დანამატს და სიმპტომები გაქრება, ეს კიდევ ერთი ცალსახა ინდიკატორი იქნება რაც მიანიშნებს დეფიციტზე.
საერთოდაც საუკეთესო ანალიზად ამ მიმართულებით ითვლება 24 საათიანი შარდის ანალიზი, რა დროსაც ადამიანს აძლევენ მაგნიუმის ან კალიუმის დანამატს და აანალიზებენ 24 საათის განმავლობაში რა ოდენობით გამოიყოფა შარდში ეს მინერალები.
რაც უფრო ნაკლები აღმოჩნდება შარდში, ეს ნიშნავს რომ ორგანიზმს უფრო მეტად აკლია ეს მინერალები და შესაბამისად უფრო მეტი დაიტოვა ორგანიზმმა. თუ ადამიანს არ აქვს დეფიციტი, ორგანიზმი ყოველთვის უპრობლემოდ იშორებს ზედმეტს და ამ შემთხვევაში 70% ან უფრო მეტიც შარდში აღმოჩნდება. თუმცა ეს ანალიზიც არ არის 100%-ით ზუსტი.
ზოგადად უნდა გავიაზროთ რომ ლაბორატორიებიც, რომლებიც ატარებენ ანალიზებს, არის ჩვეულებრივი ბიზნესი და ის რომ კონკრეტულ მინერალზე თუ ვიტამინზე ანალიზი ტარდება, ეს არ ნიშნავს იმას რომ თქვენ მიიღებთ იმ პასუხს და შედეგს რაც თქვენ გინდათ.
ეს რაც შეეხება ანალიზებს, თორემ ძირითადად ანალიზის ჩატარებაც არ არის საჭირო, შეგიძლიათ მოიძიოთ თითოეული ვიტამინის ან ამ შემთხვევაში თითოეული მინერალის საუკეთესო საკვები წყაროები, რა ოდენობით უნდა მიიღოთ დღეში და გაიგებთ არის თუ დეფიციტური თქვენს რაციონში.
თუ არ იღებთ კონკრეტულ პროდუქტებს კონკრეტული ოდენობით, შესაბამისად ჰაერიდან ვერ გაჩნდება ვიტამინები და მინერალები თქვენს ორგანიზმში. საერთოდ ვიტამინების და მინერალების პირველადი განსაზღვრება ზუსტად ეს არის, რომ ესენია ნივთიერებები, რომლებიც აუცილებელია ჯანსაღი ფუნქციონირებისთვის, მაგრამ ორგანიზმი ვერ აწარმოებს და საჭიროა გარეგანი წყაროდან მიღება.
ასევე თუ არ იცით, ჩვენს საიტზე შეგიძლიათ შეავსოთ აპლიკაცია, რა თქმა უნდა, სრულიად უფასოდ და თქვენი კვების რაციონზე დაყრდნობით გიჩვენებთ რომელი ვიტამინი ან მინერალი გაკლიათ, ასევე თითოეულს უწერია დეფიციტის სიმპტომებიც.
მართალია რაციონის ანალიზი უფრო მნიშვნელოვანია ვიდრე სიმპტომები, მაგრამ დანამატებით ინფორმაციად გამოგადგებათ. იმიტომ რომ ჩვეულებრივად შესაძლებელია, რომ გაკლდეთ რომელიმე ვიტამინი და სიმპტომები ჯერ არ იყოს გამოხატული.
