ნიორი არის გამონაკლისი, იმიტომ რომ ზოგადად საზოგადოებაში გავრცელებული ინფორმაციის 90% როგორც წესი არასწორია, მაგრამ ნიორი არის იშვიათი შემთხვევა, როცა ზოგი ინფორმაცია ნამდვილად მართალია, თუმცა დიდი ალბათობით ის არის მართალი რასაც არ ელოდებით.
მოკლედ ვისაუბრებთ ნიორის რეალურ და სამეცნიერო კვლევებით დადასტურებულ სასარგებლო თვისებებზე და ვიდეოს ბოლოს გეტყვით მარტივ ხრიკს ნიორის სარგებლიანობის გასაზრდელად.
როგორც 2013 წელს გამოქვეყნებულმა კვლევამ აჩვენა, ნიორს შეუძლია დაგეხმაროთ არტერიული წნევის დასტაბილურებაში. კვლევის მონაწილეები 12 კვირის განმავლობაში იღებდნენ ნიორს და რაც ყველაზე მნიშვნელოვანია, ნიორს წნევაზე ქონდა დაახლოებით ისეთივე ეფექტი, როგორიც აქვს ხოლმე წნევის შემამცირებელ მედიკამენტებს.
ამიტომ შეიძლება ნიორი იყოს ძალიან კარგი და ნატურალური საშუალება წნევის შესამცირებლად, თან გვერდითი ეფექტების გარეშე .
Also ნიორს შეუძლია დაგეხმაროთ სახსრების ტკივილის შემცირებაში. 2018 წელს ჩატარებულ კვლევაში, 50-დან 75 წლამდე 80 მონაწილე, რომლებსაც აწუხებდათ ოსტეოართრიტი და შესაბამისად სახსრების ტკივილი, იღებდნენ ნიორს 12 კვირის განმავლობაში, ხოლო შედეგად შემცირდა ანთებითი პროცესები და იკლო სახსრების ტკივილმა.
გარდა ამისა, ნიორი აძლიერებს იმუნიტეტს და ზრდის იმუნიტეტის ეფექტურობას. რაც რა თქმა უნდა, არის ნიორის ყველაზე ცნობილი სასარგებლო მხარე. ქუჩაშიც რომ გააჩეროთ ნებისმიერი ადამიანი, ალბათ გეტყვით რომ ნიორი კარგია იმუნიტეტისთვის, მაგრამ არა იმ მიმართულებით, რაც ადამიანების უმეტესობას გონია.
2012 წელს გამოქვეყნებულმა კვლევამ აჩვენა, რომ ნიორი ნამდვილად აძლიერებს იმუნიტეტს, მაგრამ საერთოდ არ მოქმედებს იმაზე თუ რამდენად ხშირად გაცივდებით და რამდენად ხშირად შეგხვდებათ გრიპი. არადა საზოგადოებაში ზუსტად ეს ინფორმაციაა გავრცელებული, რაც როგორც აღმოჩნდა არ შეესაბამება რეალობას.
სინამდვილეში ნიორი ამცირებს გრიპის სიმძლავრეს, ანუ რამდენად რთულად გადაიტანთ გრიპს და გაციებას. და მართლაც, ადამიანები რომლებიც იღებდნენ ნიორს 90 დღის განმავლობაში, ქონდათ 21%-ით ნაკლები სიმპტომები და მათი ორგანიზმი 61%-ით უფრო სწრაფად მოერია ვირუსს.
ანუ თუ თქვენ ნიორს მიიღებთ რეგულარულად, შეიძლება ჩვეულებრივად შეგხვდეთ ვირუსი და ამას ვერ აირიდებთ თავიდან, მაგრამ უფრო მარტივად გადაიტანთ და უფრო მარტივად გამოჯანმრთელდებით.
პლიუს ამას, ნიორს აქვს ანტიბაქტერიული თვისებები, რისი საშუალებითაც გეხმარებათ სხვადასხვა ინფექციებთან ბრძოლაში. მაგალითად 2016 წელს ჩატარებულ კვლევაში, ადამიანებს რომლებსაც ქონდათ ჰელიკობაქტერია და გამოხატული სიმპტომები, ნიორმა მნიშვნელოვნად შეამცირა ჰელიკობაქტერიის ოდენობა.
ჰელიკობაქტერია არის ერთ-ერთი ყველაზე გავრცელებული ბაქტერია, რაც ხშირად არის გასტრიტის და კუჭში წყლულების გაჩენის მიზეზი. ამ მონაცემებით ვერ ვიტყვით, რომ ჰელიკობაქტერიას მარტო ნიორით მოერევით, მაგრამ მინიმუმ შეიძლება კარგი დამხმარე იყოს ამ პროცესში.
გარდა ამისა, 2020 წელს ჩატარებულმა კვლევამ აჩვენა, რომ ნიორს შეუძლია გააუმჯობესოს ღვიძლის ფუნქციონირება, განსაკუთრებით იმ ადამიანებში ვისაც აქვს გაცხიმოვნებული ღვიძლი.
98 ადამიანი 15 კვირის განმავლობაში იღებდა ნიორს და თავისთავად გაუმჯობესდა ღვიძლის მდგომარეობა. ეს დატესტეს ულტრაბგერითი გამოკვლევით, იგივე ექოსკოპიით და ასევე შეამოწმეს ღვიძლის ფერმენტები, როგორიც არის ALT და AST, რითიც ასევე ადგენენ ხოლმე როგორ ფუნქციონირებს ღვიძლი. საბოლოოდ შედეგები საშუალოდ 12%-ით გამუჯობესდა.
Also ნიორს შეუძლია შეამციროს ქოლესტერინი და შესაბამისად გულის დაავადებების რისკი. 2013 წელს გამოქვეყნებულ კვლევაში შეაჯამეს 39 კვლევის შედეგები და დადგინდა, რომ ნიორი საშუალოდ 8%-ით ამცირებს ქოლესტერინის ოდენობას.
რა თქმა უნდა, ეს საოცრად დიდი შედეგი არ არის, მაგრამ მხოლოდ ნიორის მიღების ფონზე, მშვენიერი შედეგია.
აქვე გეტყვით რომ ჩვენს მაღაზიაში გვაქვს რამდენიმე პროდუქტი როგორც ქოლესტერინს შესამცირებლად, ასევე ღვიძლის ფუნქციების გასაუმჯობესებლად, რომლებიც შეიცავს სხვადასხვა მცენარეულ ექსტრაქტებს, რაც რამდენჯერმე უფრო ეფექტურია ვიდრე თუნდაც ნიორი. რა თქმა უნდა, თუ დანამატებსაც მიიღებთ და ნიორსაც დაამატებთ რაციონში, კიდევ უკეთესი. ინფორმაციას დავტოვებთ კომენტარებში.
რაც შეეხება ნიორს, ეფექტურია როგორც ცოცხლად, ასევე ფხვნილის ფორმითაც. ზოგიერთ კვლევაში საერთოდ პირდაპირ ნიორის ფხვნილი იყო გამოყენებული.
საუკეთესო იქნება თუ ნიორის გამოყენებამდე დაჭრით ნიორს და ჰაერზე გააჩერებთ 10-15 წუთის განმავლობაში, ეს მარტივი ხრიკი ზრდის ნიორში აქტიური ნივთიერებების კონცენტრაციას და შესაბამისად მიღებულ სარგებელს.
იმასაც გეტყვით, რომ კვლევებში ძირითადად გამოყენებული იყო საშუალოდ 3-4 კბილი ნიორი, ამიტომ მინიმუმ ამდენი უნდა მიიღოთ ყოველდღიურად სასურველი შედეგების მისაღებად. დღეისათვის კი სულ ეს იყო, შევხვდებით შემდეგ ვიდეოში.
