ერთ-ერთი ყველაზე გავრცელებული მეთოდი კუნთის უფრო სწრაფი ზრდისთვის არის Proteinსთან ერთად ნახშირწყლების მიღება — რაც არის მითი. ნახშირწყლები არაფერს ცვლის კუნთის ზრდისთვის და მე გაჩვენებთ არაერთ კვლევას რომელიც ამას ადასტურებს. მაგრამ მოდით დავიწყოთ თავიდან.
ზოგადი თეორია ჟღერს ასე, რომ როცა თქვენ იღებთ Proteinს, თქვენი ორგანიზმი Proteinს შლის ამინომჟავებად, ხოლო შემდეგ ჰორმონ ინსულინს ამინო მჟავები გადააქვს უჯრედებში, სადაც უკვე ხდება ცილის სინთეზი ანუ კუნთის შენება მარტივად რომ ვთქვათ.
გამოვიდა რომ გასაღები არის ინსულინი. რაც უფრო გააქტიურდება ინსულინი, უფრო მალე გაიზრდება კუნთოვანი მასა. რა ააქტიურებს ინსულინს ყველაზე მეტად? რა თქმა უნდა, ნახშირწყლები, შესაბამისად თუ Proteinს დავამატებთ ნახშირწყლებს, შედეგად მივიღებთ ბევრად უფრო ეფექტურ და სწრაფ კუნთის ზრდას.
უნდა ვთქვა რომ ეს ყველაფერი საკმაოდ ლოგიკურად ჟღერს ერთი შეხედვით და ალბათ ამიტომაც არის ასეთი გავრცელებული მითი ლამის უკვე 30 წელია, მაგრამ ყველანაირი თეორია და ლოგიკური მსჯელობა უნდა დაიტესტოს კლინიკური კვლევებით, უნდა დაიტესტოს ადამიანებზე და მხოლოდ ასე გვეცოდინება ზუსტი პასუხები.
ჩვენდა საბედნიეროდ ასეთი კვლევები უამრავია ჩატარებული და დასკვნა ისაა რომ როგორ ლოგიკურადაც არ უნდა გვეჩვენებოდეს ეს ყველაფერი, სამწუხაროდ თუ საბედნიეროდ არ შეესაბამება რეალობას.
მაგალითად 2011 წელს გამოქვეყნებულ კვლევაში, მონაწილეების ერთ ჯგუფს მისცეს 25 გრამი ვეი პროტეინის იზოლატი და მეორე ჯგუფს მისცეს იგივე, ოღონდ პლიუს 50 გრამ ნახშირწყალთან ერთად. ვეი პროტეინის იზოლატი არის ყველაზე მაღალი ხარისხის პროტეინი, რა თქმა უნდა.
საბოლოო ჯამში ნახშირწყლების დამატებამ არ შეცვალა შედეგი, რადგან არც ცილის სინთეზი ანუ კუნთის ზრდის სიჩქარე და არც კუნთის დაშლის სიჩქარე არ იყო განსხვავებული ჯგუფებს შორის.
აქ გარდა ცილის სინთეზისა, ხაზი მინდა გავუსვა იმას რომ კუნთის დაშლის სიჩქარეც არ იყო განსხვავებული, იმიტომ რომ ხშირად ნახშირწყლების თეორიის მიმდევრები ასევე ამბობენ, რომ ნახშირწყლები შეიძლება კი არ ზრდის კუნთის სინთეზს, მაგრამ გეხმარება არსებული კუნთოვანი მასის შენარჩუნებაში, რაზეც დააშენებ უფრო მეტ კუნთს და საბოლოოდ უკეთეს შედეგს მიიღებ.
ზოგადად როგორც ვიცით ვარჯიშის შემდეგ იწყება კუნთოვანი მასის დაშლა და აღდგენის ეტაპზე უფრო მეტ კუნთოვან მასას ასინთეზირებს ორგანიზმი, ასე უზრდება კუნთი და თეორიულად თუ კუნთოვანი მასის დაშლას შევამცირებთ, მაშინ კიდევ უკეთეს შედეგს მივიღებთ.
მაგრამ როგორც ვხედავთ კვლევამ აჩვენა რომ ნახშირწყლები არც კუნთის დაშლას არ აჩერებს და ეს არგუმენტიც არასწორია. იგივე დატესტეს 2010 წელს გამოქვეყნებულ კვლევაში სადაც მონაწილეების ერთ ჯგუფს ცილასთან ერთად მისცეს 30 გრამი ნახშირწყალი და მეორე ჯგუფს 90 გრამი ნახშირწყალი, მაგრამ არც ნახშირწყლების ოდენობამ და არც ინსულინის დონემ არ შეცვალა კუნთის დაშლის სიჩქარე.
არ არის საკმარისი ეს ორი კვლევა?! კიბატონო, 2007 წელს ჩატარდა მსგავსი კვლევა, სადაც ცილისა და ნახშირწყლების სხვადასხვა კომბინაციები დასტესტეს და 2013 წელსაც ჩატარდა იგივენაირი კვლევა. On the other hand 2015 წელს საერთოდ შეაჯამეს 40 ადამიანებზე ჩატარებული კვლევა.
თუ გამოიცნობთ როგორი იყო შედეგები? არ გაგიკვირდებათ თუ გეტყვით რომ ნახშირწყლების დამატებამ არაფერი შეცვალა, არც კუნთის ზრდისთვის, არც კუნთის დაშლის მიმართულებით, არც ვარჯიშის დროს მიღებით, არც ვარჯიშის შემდეგ მიღებით.
კუნთის ზრდის მთავარი განმსაზღვრელი არის ცილის ოდენობა რაციონში და ინსულინს საჭირო ოდენობით თვითონ ცილის მიღებაც ასტიმულირებს, დამატებით წელებზე ფეხის დადგმა და კედლებზე სიარული საჭირო არ არის.
თუ არ იცით, აქვე გეტყვით რომ ჩვენს მაღაზიაში შეიძენთ რეალურად ეფექტურ სპორტულ დანამატებს, რისი ეფექტურობაც დადასტურებულია კლინიკური კვლევებით. ჩვენთან ვერ ნახავთ რაღაც უაზრო დანამატებს, რომლებიც ქართულ ჯიგრულ პონტში იყიდება. მისამართი: ვაჟა-ფშაველას 12
რაც შეეხება ნახშირწყლებს, რამდენი ნახშირწყალი უნდა მიიღოთ, ეს დამოკიდებულია თქვენს მიზნებზე, მთავარი ის არის რომ სპეციალურად ბევრი ნახშირწყლის დამატება არ არის აუცილებელი კუნთის ზრდისთვის და დანარჩენი უკვე შეიძლება განისაზღვროს ადამიანის ჯანმრთელობაზე და ფიზიკურ აქტივობაზე დაყრდნობით.
