ნატურალური წვენები თუ გაზიანი სასმელები, რომელია უფრო სასარგებლო ან დიეტური? თქვენ ალბათ ფიქრობთ რომ ნატურალური წვენები, მაგრამ რეალურად საქმე სულ სხვანაირადაა. ამ ვიდეოში უფრო დეტალურად განვილიხავთ ორივე ტიპის სასმელებს.
ბევრი ადამიანი ფიქრობს რომ ამ ორი სახის სასმელს შორის არის ძალიან დიდი განსხვავება, ერთი თითქოს არის ქიმია და საშინელება და მეორე ღმერთებისგან მოცემული კურთხეული სითხე. კი, მე ძალიან სარკასტული ვარ ახლა იმიტომ რომ შემადგენლობა სინამდვილეში ორივეს ძალიან მსგავსი აქვს.
დავიწყოთ იმით რაც აქვთ საერთო და ალბათ არავის გაუკვირდება თუ ვიტყვი რომ ეს არის შაქარი, თანაც ფრუქტოზა, რაც არის ალბათ ყველაზე ცუდი შაქარი დედამიწაზე.
საქმე იმაშია, რომ ფრუქტოზას გადამუშავება თქვენს ორგანიზმში შეუძლია მხოლოდ ღვიძლს და როცა თქვენ სვამთ ნატურალურ წვენს თუ ლიმონათს, ფრუქტოზა მიდის პირდაპირ ღვიძლში.
ახლა ეს რატოა მნიშვნელოვანი, ერთი იმიტომ რომ ღვიძლი შლის რეალურად დაგროვებულ ცხიმებს და გაკლებინებთ წონაში, ხოლო როცა თქვენ იღებთ დიდი ოდენობით ფრუქტოზას, ეს პირდაპირ აჩერებს წონის კლებას, რადგან ღვიძლს ჯერ ფრუქტოზა აქვს გადასამუშავებელი. თანაც ფრუქტოზა კიდევ უფრო სწრაფად გარდაიქმნება ცხიმად, ვიდრე გლუკოზა.
და მეორე, ფრუქტოზას ხშირი მიღება დროთა განმავლობაში აყალიბებს სხვადასხვა დაავადებებს, როგორიც არის ცხიმოვანი ღვიძლი, ინსულინის რეზისტენტულობა და მეორე ტიპის დიაბეტი. მარტივად, რომ ვთქვათ ფრუქტოზა აზიანებს თქვენს ერთ-ერთ ყველაზე მნიშვნელოვან ორგანოს – ღვიძლს, რაც უკვე შემდეგ იწვევს არაერთ დაავადებას და დარღვევას ორგანიზმში.
ფრუქტოზა ასევე იწვევს ანთებით პროცესებს ორგანიზმში, რაც ზრდის ქრონიკული დაავადებების რისკებს, მაგალითად ართრიტი, C ჰეპატიტი, უკვე ნახსენები დიაბეტი, თავად კიბოც და მრავალი სხვა. რა თქმა უნდა, ეს ყველაფერი არ დაგემართებათ წვენის ან კოკა კოლას ერთი დალევით, თუმცა განვითარდება დროთა განმავლობაში.
ასევე თუ თქვენ სვამთ წვენს ან გაზიან სასმელს ცილოვან საკვებთან ერთად, საკვებამდე ან საკვების შემდეგ, შაქარი ეწებება ცილას და ვიღებთ გლიცირებულ ცილას. რაც ნიშნავს, რომ ცილა ვეღარ ასრულებს თავის ფუნქციას ორგანიზმში.
და მხოლოდ ამ მონაცემითაც კი უკვე ორივე კატეგორიის სასმელი ამოვარდა დიეტური ან სასარგებლო სასმელების სიიდან. პრინციპში ეს ორი ძალიან გადაჯაჭვულია ერთმანეთთან. თუმცა გავაგრძელოთ.
ვიცი ახლა ბევრი თქვენგანი ფიქრობს, რომ წვენები იმიტომ არის სასარგებლო, რომ შეიცავს ბევრ ვიტამინებსა და მინერალებს. ეს შეიძლება ნაწილობრივ იყოს სიმართლე, თუმცა დამოკიდებულია იმაზე როგორი სახის წვენზე ვსაუბრობთ, ახლად ჩამოსხმულ წვენზე თუ წვენზე, რომელიც მაღაზიაში იყიდება.
თუ ვსაუბრობთ მაღაზიის წვენზე, აქ საერთოდ არ გქონდეთ ვიტამინების და მინერალების იმედი, რადგან ეს წვენები არის პასტერიზებული, ანუ აცხელებენ მაღალ ტემპერატურაზე რაც კლავს ორივე მათგანის უდიდეს ნაწილს და დანარჩენი ნაწილი სანამ თქვენ იყიდით მანამდე კვდება ოქსიდაციისგან.
მიუხედავად ამისა, ასეთი წვენების ეტიკეტზე ხშირად მაინც აწერია რომ შეიცავს C ვიტამინს, B ვიტამინს და ა.შ. თუმცა რეალურად ამატებენ ამ ვიტამინების სინთეთიკურ ვერსიებს, რადგან ბუნებრივი და ნამდვილი ვიტამინები უკვე მკვდარია წვენში. ხოლო ამ სინთეთიკურ ვიტამინებს დიდად არაფერი აქვთ საერთო რეალურ ვიტამინებთან და სარგებელიც თითქმის არ აქვთ.
თუ ვსაუბრობთ ახლად დაწურულ წვენზე, აქ უკვე ნამდვილად გვაქვს გარკვეული ოდენობის ვიტამენინები და მინერალები, თუმცა რა თქმა უნდა ისევ ბევრ შაქართან ერთად.
თანაც თვითონ ხილი ასევე შეიცავს ანტიოქსიდანტებს და საკვებ ბოჭკოებს, ხოლო ეს ორი როგორც წესი მიმაგრებულია ერთმანეთზე და ხშირად არის ხილის კანში. შესაბამისად დაწურვის დროსაც უმეტესი მათგანი ისევ კანში რჩება და წვენში ან ძალიან მცირე ოდენობითაა ან საერთოდ არ არის.
ზოგადად ანტიოქსიდანტები და საკვები ბოჭკოები არის ერთ-ერთი მთავარი სასარგებლო თვისება ხილში, მიუხედავად ტონა შაქრისა. ანტიოქსიდანტები ამცირებენ ანთებით პროცესებს და იმ დაავადებების რისკებს, რაზეც უკვე ვისაუბრე, ხოლო საკვები ბოჭკოები მცირედით ანელებენ თვითონ შაქრის მოქმედებას და ა.შ.
აქედან გამომდინარე ხილი ბევრად ნაკლებად საზიანოა, მაგრამ წვენში პრაქტიკულად არის მარტო შაქარი და საუკეთესო შემთხვევაში შაქარს + ცოტა ვიტამინები.
ახლა დავუბრუნდეთ გაზიანი სასმელების შემადგენლობას და სახელიც გვეუბნება, რომ ეს სასმელები შეიცავენ გაზიან წყალს. ჩნდება კითხვა, არის თუ არა გაზიანი წყალი უკეთესი ან უარესი ჩვეულებრივ წყალზე?
თეორიულად კვლევები ამ თემაზე არ არსებობს, რაც ნიშნავს, რომ ზუსტად არ ვიცით, თუმცა სხვადასხვა ექიმების მოსაზრებით საზიანო ეფექტები არუნდა ქონდეს.
პირიქით, ფოსფორმჟავასთან და ლიმონმჟავასთან ერთად, რომლებიც გაზიანი სასმელების კიდევ 2 ინგრედიენტია, შეიძლება დაგეხმაროთ საჭმლის მონელებასა და სასარგებლო ნივთიერებების უკეთესად შეთვისებაში.
მიზეზი არის ის, რომ ფოსფორმჟავა, ლიმონმჟავა და გაზიანი წყალი ერთად უზრუნველყოფენ გაზიანი სასმელების მაღალი მჟავიანობის დონეს, ხოლო კუჭში მოხვედრის შემდეგ ეს შესაძლოა დაგეხმაროთ საჭმლის მონელებაში.
თუმცა მეორე მხრივ ასეთი მაღალი მჯავიანობის დონე PH 2-დან 3-მდე, როგორიც აქვს თითქმის ყველა გაზიან სასმელს კარგია კუჭისთვის, თუმცა არა კბილებისთვის, რადგან აზიანებს კბილის ემალს. ამიტომ ასეთი მაღალი მჟავიანობის დონის სასმელები ყოველთვის უნდა დალიოთ საწრუპავით, რომ მაქსიმალურად აირიდიოთ პოტენციური ზიანი.
ასევე გაზიანი სასმელები შეიცავს კოფეინს, რა თქმა უნდა დოზა განსხვავებულია სასმელების მიხედვით, თუმცა დაახლოებით 1 ლიტრი კოკა კოლა ან პეპსი შეიცავს იგივე ოდენობის კოფეინს რასაც 1 ჭიქა ყავა.
თვითონ კოფეინი საკმაოდ უსაფრთხო ნივთიერებაა, გარკვეული სასარგებლო თვისებებიც აქვს, თუმცა არც კოფეინის და არც ფოსფორმჟავას დიდი დოზებით მოხმარება არ შეიძლება და პირიქით ზრდის სხვადასხვა დაავადებების რისკებს.
გაზიანი სასმელების შემადგენლობაში შედის ბუნებრივი არომატიზატორებიც, რაც პირდაპირ კაციშვილმა იცის რა შეიძლება იყოს, იმიტომ რომ ამის ზუსტი დეფინიცია არ არსებობს და რაიმე სასარგებლო რომ იყოს, ეჭვი მაქვს სასმელის წინა მხარეს ეტიკეტზე გამოჭიმავდნენ.
საბოლოო ჯამში, რა თქმა უნდა, არცერთი სასმელი არ არის არც სასარგებლო, არც დიეტური და რეალურად ერთი მეორეზე უარესია. რომელი უფრო ცუდია ეს თქვენ გადაწყვიტეთ და დაწერეთ თქვენი აზრი კომენტარებში.
თუ გაინტერესებთ დიეტა, წონის კლება და ჯანმრთელობის გაუმჯობესება, ალბათ დაგაინტერესებთ ჩვენი სხვა ვიდეოებიც. ჩვენ კი შევხვდებით მომავალ ვიდეოში.
