დარწმუნებული ვარ ვერასდროს გამოიცნობთ რომელია ყველაზე მნიშვნელოვანი ნივთიერება ტვინისთვის, და არა, ეს არ არის ომეგა 3. ეს ნივთიერება ბევრად უფრო ეფექტურია გონებრივი ფუნქციებისთვის და ქვია ქოლინი.
ქოლინი არის ვიტამინისებრი ნივთიერება, რაც ბუნებრივად გვხვდება სხვადასხვა საკვებ პროდუქტებში, ძირითადად ხორცში და კვერცხში. ხოლო როგორც 2023 წელს გამოქვეყნებულმა კვლევათა შეჯამებამ აჩვენა, ქოლინის მიღება აუმჯობესებს აზროვნების სიჩქარეს, მეხსიერებას, სწავლის ეფექტურობას, კონცენტრაციის უნარს, პრობლემების გადაჭრის სიჩქარეს და ა.შ.
რაც არანაკლებ მნიშვნელოვანია, ქოლინის მიღება არის ბევრად უფრო სწრაფი შედეგების მომტანი ვიდრე ვთქვათ ომეგა 3-ის მიღება. რა თქმა უნდა, ორივე საჭიროა ზოგადად, მაგრამ ქოლინის შედეგები შეიძლება პირველივე დღეებში იგრძნოთ და ომეგა 3-ის შედეგები შეიძლება 1 ან 2 თვის შემდეგ.
ქოლინი ორგანიზმში გარდაიქმნება აცეტილქოლინად, რაც არის ერთ-ერთი მთავარი ნეიროტრანსმიტერი. ნეიროტრანსმიტერები არის ნივთიერებები, რომლებსაც გადააქვთ ინფორმაცია ტვინში. თქვენი აზრები, ის ინფორმაცია რისი დამახსოვრებაც ან გახსენებაც გინდათ ან ის ინფორმაცია რისი გადამუშავებაც გინდათ, ეს ყველაფერი ხდება ნეიროტრანსმიტერების საშუალებით და ამ მხრივ მთავარი ნეიროტრანსმიტერი არის აცეტილქოლინი.
ნეიროტრანსმიტერები შეგვიძლია წარმოვიდგინოთ როგორც კურიერები, რომლებსაც ინფორმაცია და ფაილები გადააქვთ ერთი მისამართიდან მეორე მისამართზე. თუმცა ეს ყველაფერი ხდება ტვინში და ინფორმაცია გადაეცემა ერთი უჯრედიდან მეორეს.
ხოლო ქოლინს და შემდეგ უკვე აცეტილქოლინს აქვს გადამწყვეტი როლი ამ ყველაფერში და რაც უფრო აკლია ადამიანს ქოლინი, უფრო მეტად ფერხდება გონებრვი ფუნქციები.
მაგალითად 2022 წელს გამოქვეყნებულმა კვლევამ აჩვენა, რომ არასაკმარისი ქოლინის მიღება ძალიან მჭიდროდ დაკავშირებულია ისეთი გონებრივი დაავადებების განვითარებასთან როგორიც არის დემენცია და ალცჰაიმერი. მეორე მხრივ 2003 წელს გამოქვეყნებულ კვლევაში Taking choline dramatically improved Alzheimer's symptoms.
აქედან გამომდინარე ძალიან არასამართლიანია რომ ომეგა 3-ის შესახებ ყველამ იცის და ქოლინი თითქმის არავინ. ისევ და ისევ ომეგა 3-იც საჭიროა, მაგრამ ქოლინი კიდევ უფრო მნიშვნელოვანი და ეფექტურია.
ომეგა 3 და ქოლინი რომ შევადაროთ ერთმანეთს, ორივე მათგანი საჭიროა ტვინის უჯრედების ანუ ნეირონების სინთეზისთვის და მეორე მხრივ ქოლინი საჭიროა ამ ნეირონებს შორის ინფორმაციის გადასაცემად.
რომ წარმოვიდგინოთ გონება როგორც ერთი ქალაქი, გამოვა რომ ომეგა 3 და ქოლინი საჭიროა ქალაქში გზების დასაგებად, მაგრამ ქოლინით ასევე იწარმოება მანქანები, რომლებმაც უნდა იარონ ამ გზებზე და გადაიტანონ ინფორმაცია. რაც უფრო ნაკლებ ქოლინს იღებს ადამიანი, შესაბამისად უფრო ნაკლები მანქანაა ქალაქში და უფრო ნელა და შეფერხებით ხდება ტვირთის გადატანა.
სხვათაშორის 2023 წელს გამოქვეყნებულმა კვლევამ აჩვენა, რომ ორივეს ერთად მიღებამ კიდევ უფრო გააუმჯობესა გონებრივი ფუნქციები ვიდრე ცალკე ქოლინის ან ცალკე ომეგა 3-ის მიღებამ.
ქოლინის დღიური დოზა არის საშუალოდ 500-დან 700 მილიგრამამდე, რის მისაღებადაც ყოველდღიურად უნდა მიირთვათ საშუალოდ:
170 გრამი ძროხის ღვიძლი
ან
250 გრამი ქათმის ღვიძლი
ან
5 კვერცხი
ან
850 გრამი ქათმის ფილე ან იგივე ოდენობის ძროხის ხორცი.
ქოლინს შედარებით მცირე ოდენობით ასევე შეიცავს თევზი, რძის პროდუქტები, თხილეული და შავი შოკოლადი. თუმცა სამწუხაროდ სრული ოდენობით ქოლინის საკვებიდან მიღება არ არის შესაძლებელი როგორც წესი.
მაგრამ კიდევ უფრო სამწუხაროდ, ეს ყველაფერი აქ არ მთავრდება. 2019 წელს გამოქვეყნებულ კვლევაზე დაყრდნობით, ევროპელების დაახლოებით 36%-ს აქვს MTHFR გენის მუტაცია ანუ პოლიფირმიზმი, რის გამოც ორგანიზმს ბევრად მეტი ქოლინი სჭირდება.
თუ თქვენ ამ 36%-ში შედიხართ, მუტაციის პირობებში ორგანიზმი ქოლინს იყენებს უფრო მეტად სხვა ფუნქციების შესასრულებლად და ტვინს რჩება კიდევ უფრო ნაკლები. არადა პრაქტიკულად ქოლინის საშუალებით აზროვნებთ და ქოლინის საშუალებით იმახსოვრებთ ინფორმაციას.
საქმე რაშია, ორგანიზმში არსებობს ერთი ფუნდამენტურად მნიშვნელოვანი პროცესი, რასაც ქვია მეთილაცია, და ეს იმდენად მნიშვნელოვანი პროცესია, რომ მეთილაციის დარღვევა არის იმ იშვიათთაგანი რაც დაკავშირებულია სიცოცხლის ხანგრძლივობის შემცირებასთან. ხოლო ნახსენები გენეტიკური მუტაცია ნიშნავს ზუსტად მეთილაციის პროცესის დარღვევას.
მაგრამ ქოლინი რა შუაშია ამ ყველაფერთან? მეთილაციის პროცესის მნიშვნელობიდან გამომდინარე, ორგანიზმს აქვს სათადარიგო გეგმა რომ თუ სტანდარტული პროცესი დაირღვა, ორგანიზმი ანაცვლებს მეთილაციის პროცესს ქოლინის საშუალებით.
კონკრეტულად კი ნაცვლად იმისა რომ ქოლინი გარდაიქმნას ნეიროტრანსმიტერ აცეტილქოლიდან, რისი საშუალებითაც აზროვნებთ, ორგანიზმი ქოლინს გარდაქმნის ბეტაინად, რაც ანაცვლებს მეთილაციის პროცესს და თქვენი სიცოცხლის ხანგრძილივობას საფრთხე აღარ ემუქრება.
ეს რა თქმა უნდა, ძალიან ჭკვიანური სვლაა თქვენი ორგანიზმის მხრიდან, ბოლოს და ბოლოს თქვენს სიცოცხლეს ეხება საქმე, მაგრამ შედეგაც თქვენს ტვინს აკლდება ქოლინი და შესაბამისად ფერხდება ყველანაირი გონებრივი ფუნქციები.
იმის თქმა მინდა, რომ თუ თქვენ ამ 36%-ში შედიხართ, თქვენ ბევრად მეტი ქოლინი გჭირდებათ ვიდრე სხვა ადამიანებს, რადგან თქვენი ორგანიზმი ქოლინს არასტანდარტული პროცესებისთვის იყენებს და სრულიად შესაძლებელია, რომ ბევრად ეფექტურად შეგეძლოთ აზროვნება და არასაკმარისი ქოლინის გამო ვერ იყენებდეთ სრულ პოტენციალს.
ეს გენეტიკური მუტაცია გარეგნულად არ შეიმჩნევა და ერთადერთი გზა გენეტიკური ანალიზია, რომელიც საკმაოდ ძვირი ღირს. ამას ჯობს უბრალოდ ქოლინი დალიოთ და დააკვირდეთ თქვენს გონებრივ ფუნქციებს, შემდეგი რამდენიმე კვირის განმავლობაში.
მით უმეტეს იმის გათვალისწინებით, რომ თუნდაც არ გქონდეთ ეს გენეტიკური მუტაცია, დიდია შანსი რომ ქოლინს ისედაც არ იღებთ საკმარისად და ისედაც ბევრად წინ წაწევს ქოლინის მიღება თქვენს გონებრივ ფუნქციონირებას.
სხვათაშორის ქოლინი არის ერთ-ერთი წამყვანი ინგრედიენტი ჩვენს დანამატში, რომელსაც ქვია გონების ოპტიმაიზერი. ქოლინის გარდა ეს დანამატი კიდევ 13 ინგრედიენტს შეიცავს გონებრივი ფუნქციების გასაუმჯობესებლად.
ამ დანამატის შესახებ ცალკე ვიდეოც გვაქვს, სადაც უფრო დეტალურად არის ახსნილი ყველაფერი. დღეისათვის კი სულ ეს იყო, შევხდვდებით შემდეგ ვიდეოში.
