თქვენ შეიძლება გქონდეთ ტკბილეულის მოთხოვნილება, როცა გაკლიათ მარილი და არ იღებთ საკმარის მარილს. ვიცი ცოტა უცნაურად ჟღერს, მაგრამ ფაქტი ასეთია. დავიწყოთ იმით საერთოდ რა განსხვავებაა ამ ორს შორის. მარტივად რომ ვთქვათ მარილი არის 2 შეუცვლელი მინერალის გაერთიანება, ეს არის ნატრიუმი და ქლორიდი, ხოლო შაქარი არის პრაქტიკულად საწამლავი. შაქარი იწვევს მიჩვევას, მარილი არა. მაგრამ რა კავშირია ტკბილეულის მოთხოვნილებასა და მარილს შორის?
ახლა საქმე რაშია, თქვენ ტვინში გაქვთ ეგრედწოდებული დაჯილდოების ცენტრი, რაც არის რამდენიმე ნერვული სტრუქტურის გაერთიანება. უცნაური სახელი ქვია მე თუ მკითხავთ, მაგრამ ასე ქვია და რას ვიზამთ. ნებისმიერ შემთხვევაში ეს არის ტვინის ის ნაწილი, რომელიც გიბიძგებთ სხვადასხვა აქტივობებისკენ, მაგალითად თუნდაც მარილის მიღებისკენ, რადგან მარილი სასიცოცხლოდ მნიშვნელოვანია.
ხოლო როცა თქვენ არ იღებთ საკმარის მარილს და ორგანიზმში გაკლიათ მარილი, ეს დაჯილდოების ცენტრი უფრო და უფრო აქტიურდება. პრაქტიკულად თქვენი ტვინი აწესებს უფრო და უფრო დიდ ჯილდოს, რათა წაგახალისოთ და მოტივაცია მოგცეთ მარილით მისაღებად. ამიტომ არის რომ მაგალითად ხანდახან მარილიანი საკვები გეჩვენებათ განსაკუთრებით გემრიელი და განსაკუთრებით მიმზიდველი.
მეორე მხრივ როცა თქვენ იღებთ შაქარს, აქტიურდება იტივე ტვინის უბანი, გამოიყოფა დოპამინი, რაც გაძლევთ სიამოვნების შეგრძნებას, და ეს მშვენიერი ამბავი იქნებოდა ზუსტად ამის გამო შაქარი მიჩვევას რომ არ იწვევდეს, ისევე როგორც ალკოჰოლი, ნარკოტიკები და სხვა ბევრი ნივთიერება.
ზუსტად აქ ხდება საინტერესო რამ. წარმოიდგინეთ რომ ორგანიზმს აკლია მარილი და ტვინში გააქტიურდა ეს ჩვენი დაჯილდოების ცენტრი, რომ რა თქმა უნდა გიბიძგოთ მარილის მიღებისკენ. თუმცა თქვენს გონებას ახსოვს რომ იგივე დოპამინის მიღება და იგივე დაჯილდოების ცენტრის სტიმულირება შეუძლია შაქარსაც. ამ დროს შეიძლება ითქვას, რომ ხაზები იკვეთება და როცა თქვენს ორგანიზმს მარილი ჭირდება, ამ დროს შეიძლება გქონდეთ მარილის მოთხოვნილება, მაგრამ ასევე შეიძლება გაგიძლიერდეთ ტკბილეულის მოთხოვნილება.
ხოდა თუ თქვენ მიიღებთ ტკბილეულს, ცოტა ხნით ტვინი მოტყუვდება და დაიკლებს ტკბილეულის მოთხოვნილებაც და მარილის მოთხოვნილებაც, მაგრამ იქიდან გამომდინარე რომ რეალურად მარილი თქვენ არ მიგიღიათ და არ მიგიღიათ მარილში შემავალი ორი უმნიშვნელოვანესი მინერალი, ცოტა ხანში ისევ გააქტიურდება ტვინის დაჯილდოების ცენტრი და ყველაფერი თავიდან დაიწყება.
ამიტომ როცა შეამჩნევთ რომ უცებ ტკბილეული მოგინდათ, ჭამეთ რაიმე მარილიანი საკვები ან მწნილი ან დალიეთ მარილიანი წყალი, მოკლედ ნებისმიერი რამ რაც შეიცავს მარილს და თქვენ ნახავთ რომ ტკბილეულის მოთხოვნილება ან ძალიან შემცირდება ან გაქრება საერთოდ. ისევ და ისევ იმიტომ რომ თქვენს ორგანიზმს სინამდვილეში მარილი ჭირდებოდა და არა შაქარი.
რა თქმა უნდა, შაქრის და ტკბილეულის მოთხოვნილებას მხოლოდ მარილის ნაკლებობა არ იწვევს და სხვა ფაქტორებიც არის ჩართული, თუმცა ერთ-ერთი მთავარი ფაქტორი როგორც წესი მარილის ნაკლებობაა ხოლმე.
ჯერ კიდევ 1988 წელს გამოქვეყნებულ კვლევაში, მკვლევარებმა თაგვები დაყვეს ორ ჯგუფად, ერთი ჯგუფი იყო უმარილო დიეტაზე, ხოლო მეორე ჯგუფს სტანდარტულად აძლევდნენ მარილს საშუალოდ 10 დღის განმავლობაში. ამ პერიოდის გასვლის შემდეგ ორივე ჯგუფს მისცეს 4 სახის ნივთიერება: მარილი, შაქარი, მჟავე ნივთიერება და ალკალოიდები, რაც ახლა ნაკლებად მნიშვნელოვანია. მაგრამ თაგვების 60-მა პროცენტმა, რომლებიც მარილს არ იღებდნენ, საბოლოოდ აირჩიეს შაქარი, ხოლო თაგვების ჯგუფი, რომელიც იღებდა მარილს, პრაქტიკულად არცერთი არ გაკარებია შაქარს.
გარდა ამისა, შაქრის ნაკლებობა ბუნებაში არ არსებობს და თუ ტკბილეულის მოთხოვნილება გაქვთ, ეს როგორც წესი სხვა ფაქტორებით არის გამოწვეული და არა იმიტომ რომ ორგანიზმს შაქარი ჭირდება, თქვენი ორგანიზმი თვითონ აწარმოებს საჭირო ოდენობის შაქარს. ხოლო თქვენს ორგანიზმს რაც რეალურად ჭირდება არის მარილი, საშუალოდ 2 ჩაის კოვზამდე დღეში, რისი ნაკლებობაც აჩენს ტკბილეულის მოთხოვნილებას და არამხოლოდ. მარილზე ცალკე ვიდეოც გვაქვს სათაურით „სიმართლე მარილის შესახებ“ და შეიძლება დაგაინტერესოთ, ასევე გადახედეთ ჩვენს სხვა ვიდეოებსაც. დღეისათვის კი სულ ეს იყო, შევხვდებით შემდეგ ვიდეოში.
