რა არის C ვიტამინის საუკეთესო წყარო? ალბათ ბევრი ადამიანი უპასუხებდა რომ ფორთოხალი და რა თქმა უნდა, ნამდვილად არის C ვიტამინი ფორთოხალში, თუმცა საქმე ასე მარტივადაც არ არის.
ცნობილი გამოთქმა არსებობს რომ „შენ ხარ ის რასაც ჭამ“, მაგრამ რეალურად ბევრად სწორი იქნებოდა თუ ვიტყოდი, რომ შენ ხარ ის რასაც ითვისებ, იმიტომ რომ C ვიტამინი კი არის ფორთოხალში და ეს ფაქტია, მაგრამ თქვენი ორგანიზმი უბრალოდ ვერ ითვისებს.
პრობლემა იმაშია რომ ფორთოხალი გარდა C ვიტამინისა ასევე შეიცავს საკმაო ოდენობით შაქარს და ნახშირწყლებს, ხოლო ორივე მათგანი უბლოკავს ორგანიზმს C ვიტამინს და არ აძლევს ათვისების საშუალებას.
შაქარი, ნახშირწყლები და C ვიტამინი ორგანიზმში გადააქვს ერთი და იგივე ტრანსპორტერებს(SVCT/GLUT), ხოლო როცა ორივე მათგანს იღებთ საკვებიდან, პრიორიტეტი ენიჭება ისევ და ისევ შაქარს და ნახშირწყლებს, ხოლო C ვიტამინი რადგან წყალში ხსნადი ვიტამინია, უბრალოდ გამოიდევნება ორგანიზმიდან.
წარმოიდგინეთ რომ ეს ტრანსპორტერები არის ავტობუსები, რომლებსაც სხვადასხვა ნივთიერებები გადააქვს უჯრედებაბმდე და რომლის ადგილებიც შეზღუდულია. თუ ეს ყველა ადგილი დაიკავა შაქარმა ან ნახშირწყლებმა ზოგადად, C ვიტამინისთვის უბრალოდ აღარ იქნება საკმარისი ადგილი და გარეთ დარჩება.
ზუსტადაც ძალიან მსგავსი რამ ხდება როცა იღებთ ფორთოხალს ან თუნდაც ნებისმიერ ხილს. და პრაქტიკულად C ვიტამინს ან საერთოდ ვერ აითვისებთ ან ყველაზე კარგ ვარიანტში აითვისებთ ძალიან ძალიან მცირე ოდენობით.
C ვიტამინის კარგი წყაროა ისეთი პროდუქტები, რომლებიც მინიმალური ოდენობით შეიცავს შაქარს ან ნახშირწყლებს, მაგალითად უმეტესი ბოსტნეული, ეს იქნება ბულგარული წიწაკა, ბროკოლი თუ ა.შ.
ფორთოხლიდან არათუ C ვიტამინს ვერ მიიღებთ, არამედ შაქრებით გამოწვეული ოქსიდაციური სტრესის გარკვეულწილად დასაბალანსებლად დაგჭირდებათ სხვა წყაროდან მიღებული C ვიტამინი, რასაც ანტიოქსიდანტური მოქმედება აქვს როგორც ვიცით.
მოკლედ ფორთოხალი C ვიტამინის კარგი წყარო კი არ არის, პირიქით აჩენს უფრო მეტი C ვიტამინის საჭიროებას ორგანიზმში. რა თქმა უნდა, იგივე ლოგიკა ვრცელდება ფორთოხლის წვენზეც.
თუ ეს ვიდეო მოგეწონათ, გირჩევთ ჩვენს სხვა ვიდეოებსაც გადახედოთ. დღეისათვის კი სულ ეს იყო, შევხვდებით შემდეგ ვიდეოში.
