კეტო დიეტა წონის დაკლების შემდეგ?

უკვე დაიკელით წონა კეტო დიეტით და მიაღწიეთ სასურველ მიზანს, მაგრამ რა ხდება ამის შემდეგ, როგორ უნდა შეინარჩუნოთ წონა? გაგიკვირდებათ და დღევანდელ ვიდეოში ამ საკითხზე ვისაუბრებ.

უპირველესყოვლისა მთავარი საკითხი ის არის აგრძელებთ კეტოგენურად კვებას თუ არა და აქედან გამომდინარე შეგვიძლია უკვე ვიმსჯელოთ. იმიტომ რომ კეტო დიეტა არ არის მხოლოდ წონის კლების დიეტა, ეს არის რეალურად ჯანსაღი და ადამიანისთვის ოპტიმალური კვების სტილი.

ამიტომ სასურველი წონის დაკლება არ ნიშნავს ავტომატურად რომ შემდეგ კეტო დიეტა გვერდით უნდა გადადოთ. წონის კლება კეტოგენური კვების მხოლოდ ერთ-ერთი დადებითი მხარეა უბრალოდ.

მოკლედ ჯერ ვისაუბროთ იმ შემთხვევაზე თუ როგორ უნდა შეინარჩუნოთ წონა თუ გადაწყვიტეთ კეტოგენური კვების გაგრძელება და შემდეგ იმაზეც თუ კეტო კვებას აღარ აგრძელებთ.

თუ კეტოგენურ კვებას აგრძელებთ, მაშინ საქმე მოსალოცად მაქვს, იმიტომ რომ თქვენ აირჩიეთ ჯანსაღი გზა და გარდა იმისა რომ წონის პრობლემა აღარასდროს შეგაწუხებთ, ასევე არ შეგაწუხებთ მილიონი ჯანმრთელობის პრობლემა.

რაც შეეხება კვებას, თეორიულად თქვენ ჩვეულებრივ რომ გააგრძელოთ კეტო კვება როგორც იკვებებოდით წონის კლების დროს, არც ეგ იქნება პრობლემა, უბრალოდ იქიდან გამომდინარე რომ წონის კლება აღარ არის თქვენი მიზანი, შეგიძლიათ უფრო მეტი თავისუფლება მიცეთ საკუთარ თავს და უფრო კომფორტული გახადოთ კეტო დიეტა.

მაგალითად თუ აქამდე დღეში შეგეძლოთ მაქსიმუმ 20 გრამი ნახშირწყლის მიღება, ახლა უკვე შეგიძლიათ ეს ზღვარი 50 გრამამდე აწიოთ ანუ პრაქტიკულად გამოდის რომ უბრალოდ კეტო მეგობრული პროდუქტებით უნდა იკვებოთ და მიირთვით რამდენიც გაგიხარდებათ.

იქიდან გამომდინარე რომ კეტო მეგობრულ პროდუქტებს ისედაც ძალიან მცირე ოდენობით ნახშირწყლები აქვთ, თქვენ ძალიანაც რომ მოინდომოთ, გაგიჭირდებათ დღეში 50 გრამზე მეტი ნახშირწყლის მიღება.

შეზღუდვა განსაკუთრებით ეხება ხოლმე თხილეულს, რადგან თხილეულს ყველაზე მეტი ნახშირწყალი აქვს კეტო მეგობრულ პროდუქტებში და თუ აქამდე 100 ან 200 გრამს იღებდით დღის განმავლობაში, ახლა შეგიძლიათ საერთოდ შეუზღუდავად იჯეროთ გული.

ასევე უნდა შევეხოთ ხილის საკითხს, რაც სერიოზულად არის შეზღუდული კეტო დიეტაზე და მით უმეტეს წონის კლების დროს. რა თქმა უნდა აქაც უფრო მეტი თავისუფლება გაქვთ შენარჩუნების ეტაპზე.

თუ წონის კლების დროს რაც უფრო ნაკლებ ხილს მიირთმევთ, უკეთესია, ახლა უკვე შენარჩუნების რეჟიმში ყოველდღიურადაც შეგიძლიათ მიირთვათ კეტო მეგობრული ხილი ვთქვათ 100-200 გრამი.

ან თუნდაც სხვა ნებისმიერი ხილიც რომ მიირთვათ კვირაში ერთხელ ან ორჯერ არც ეგ იქნება პრობლემა, ამიტომ უფრო თავისუფლად იქნებით და უფრო კომფორტულადაც იგრძნობთ თავს.

რა თქმა უნდა, დოზები მნიშვნელოვანია და საუბარია ისევ 100-200 გრამ ხილზე, რადგან დიდი ოდენობით ხილი და მასში არსებული ფრუქტოზა ისევ ღვიძლს ურტყავს და ისევ საფრთხილო ამბავია.

მოკლედ ხილის მიმართულებითაც შეგიძლიათ უფრო მოეშვათ და თავისუფლად შეგიძლიათ შეიტანოთ გარკვეული ოდენობით თქვენს რაციონში. ახლა ვისაუბროთ კვების რეჟიმზე და რა თქმა უნდა, აქაც გვაქვს ცვლილებების საშუალება.

წონის კლების ფაზაში თუ იკვებებით ვთქვათ დღეში 2-ჯერ და იცავთ 18 ან 19 საათიან რეჟიმს, შენარჩუნების დროს უკვე აღარ არის აუცილებელი რომ ყოველდღიურად ეს რეჟიმი დაიცვათ.

შეგიძლიათ ვთქვათ კვირაში 3-4 დღე იყოთ ამ რეჟიმზე და დანარჩენი დღეები იკვებოთ დღეში 3-ჯერ და საერთოდ აღარ მიაქციოთ ყურადღება საათობრივ კვებას. რა თქმა უნდა ისევ რომ დაიცვათ ჩვეულებრივი რეჟიმი კვირის ყველა დღეს, არც ამაშია რაიმე პრობლემა.

კიდევ ერთი საინტერესო ცვლილება, რაც შეგიძლიათ შეინატოთ რაციონში შენარჩუნების დროს ეხება კეტო ყავას, რაც არის რა თქმა უნდა ჩვეულებრივ ყავას დამატებული რაიმე სახის ჯანსაღი ცხიმი.

ხოლო ცვლილება არის ის, რომ თუ აქამდე კეტო ყავის დალევა შეგეძლოთ მხოლოდ კვებასთან ერთად, ახლა უკვე შეგიძლიათ დალიოთ ნებისმიერ დროს.

ცხიმს აქვს მინიმალურზე მინიმალური ზემოქმედება ინსულინზე, რაც კეტო დიეტაზე ყველაზე მეტად გვაღელვებს, იქიდან გამომდინარე რომ ეს არის ჰორმონი რომელიც გვასუქებს, იწვევს უამრავ ჯანმრთელობის პრობლემას და ა.შ.

თუმცა რადგან ინსულზე ცხიმის ზემოქმედება ძალიან უმნიშვნელოა, შეგიძლიათ კეტო ყავა ნებისმიერ დროს მიირთვათ ისევ და ისევ უკვე წონის შენარჩნების ეტაპზე და ეს არ იქნება პრობლემა.

მეორე მხრივ წონის კლების დროს ეს იმიტომ არ არის დაშვებული რომ ამ მცირე ინსულინის გააქტიურებასაც შეუძლია შეანელოს ცხიმის წვა, რაც რა თქმა უნდა შენარჩუნების ეტაპზე უკვე აღარ გვაღელვებს.

ამიტომ თქვენ თავისუფლად შეგიძლიათ დაამატოთ თქვენს ყავას კარაქი, ქოქოსის ზეთი, თუნდაც ნაღები ხანდახან და ეს არც წონაში მოგამატებინებთ და ჯანმრთელობასაც გაიუმჯობესებთ ჯანსაღი ცხიმის მიღებით.

აქვე შეიძლება გაგიჩნდეთ კითხვა რომ თუ კეტოს გავაგრძელებ მაშინ გამოდის რომ ვთქვათ ხინკალი და ხაჭაპური აღარასდროს აღარ უნდა ვჭამო? და პასუხი არის რომ საბედნიეროდ ეგეთი აკრძალვა საჭირო არ არის.

შეგიძლიათ გქონდეთ დარღვევის დღეები რამდენიმე თვეში ერთხელ და ამ დროს მიირთვით რაც გაგიხარდებათ. იქნება ეს ხინკალი, პიცა თუ რაც თავში მოგივათ.

მე მაგალითად ყოველ 3-4 თვეში ერთხელ მაქვს გამოყოფილი რამდენიმე დღე, უმეტესწილად 3 დღე, როცა ვჭამ ყველაფერს რაც მომინდება და რა თქმა უნდა, ნახშირწყლებზეც არ ვღელავ დიდად.

ეს დღეები ძირითადად ემთხვევა სხვადასხვა დღესასწაულებს მაგალითად ახალ წელს ან ვთქვათ ზაფხულში დასვენების დღეებს და ა.შ. ასე არც წონას ავნებთ, არც ჯანმრთელობას და არც რაიმე საკვებს მოინატრებთ მაინც და მაინც.

მოკლედ თუ კეტოს აგრძელებთ, პრაქტიკულად ყველა მიმართულებით შეგიძლიათ უფრო მოეშვათ, მოდუნდეთ, მთავარია კეტო მეგობრული პროდუქტებით იკვებოთ და იყავით მშვიდად.

თუ წონის დაკლების შემდეგ კეტოს არ აგრძელებთ, აქ საქმე ბევრად უფრო რთულად არის და ხშირად მეკითხებიან ხოლმე რომ რა მოხდება თუ კეტოს აღარ გავაგრძელებ და ვთქვათ რაღაც კონკრეტული კატეგორიის პროდუქტებს შევჭამ ხოლმე ან ნაკლებად მივიღებ და ა.შ.

და ამ კითხვაზე პასუხის გაცემა პრაქტიკულად შეუძლებელია, იმიტომ რომ 1. მე არ ვიცი და ვერ მეცოდინება ზუსტად რა პროდუქტებს მიიღებთ, რა ნივთიერებებს ან რა ოდენობით და 2. თუნდაც ვიცოდე რაღაცნაირად, მაინც ვერ გავცემ პასუხს ამ კითხვას.

იმიტომ რომ აქ კიდე ჩართულია თქვენი ჯანმრთელობის მდგომარეობა, ჰორმონალური მდგომარეობა, მოკლედ ძალიან ბევრი უცნობია ამ განტოლებაში და ნებისმიერი პასუხი ჩემგან იქნება რაღაც სახის მარჩიელობა ან მანიპულაცია.

არიან ადამიანები რომლებიც მაგალითად პერიოდულად იცავენ კეტო დიეტას, ანუ მაგალითად 3 თვე არიან კეტოზე, მერე 3 თვე ჩვეულებრივ იკვებებიან, მერე ისევ კეტოზე გადმოდიან და ა.შ. , არიან ადამიანები, რომლებიც აგრძელებენ კვებას კეტოსა და ჩვეულებრივი კვების რეჟიმის ნაზავი რაციონით და მოკლედ ბევრნაირი კომპინაცია მინახავს.

თუმცა ნებისმიერ შემთხვევაში თუ თქვენ მიიღებთ ბევრ ნახშირწყლებს და შაქრებს, ეს რა თქმა უნდა რაღაც პერიოდში გამოიწვევს წონის მატებას. აქ ორი აზრით არ არსებობს.

კეტოს შემდეგ ზოგადად წონის მატება ბევრად ნელა მიდის, იმიტომ რომ კეტო დიეტა უფრო და უფრო გაჯანსაღებთ და აჯანსაღებს თქვენს მეტაბოლურ მდგომარეობასაც, თუმცა თუ ჩვეულებრივ გააგრძელებთ კვებას, ისევ დააზიანებთ მეტაბოლიზმს და ისევ მოიმატებთ წონაში დროთა განმავლობაში.

აქედან გამომდინარე ადრე თუ გვიან თქვენ მაინც მოიმატებთ წომაში თუ ნახშირწყლებს და შაქრებს არ შეზღუდავთ და თუ შეზღუდავთ, მაშინ ისედაც კეტოგენური კვება გამოვა, მით უმეტეს რომ შენარჩნების ეტაპზე კეტო დიეტაშიც ბევრად დიდი თავისუფლება გაქვთ და კიდევ უფრო მარტივდება.

მოკლედ იმედი მაქვს ვუპასუხე თქვენს კითხვას, თუ ჯერ კიდევ არ ხართ ჩვენი კეტო ჯგუფის წევრი Facebook-ზე, ლინკს კომენტარებში დავტოვებთ და შემოგვიერთდით. შემდეგ ვიდეომდე.