კალორიებს ჩვენ არ ვითვლით კეტოგენური დიეტის დროს, თუმცა კალორიები მაინც კალორიებია და მათ აქვთ თავისი ადგილი ამ დიეტაშიც. ზოგადად ვიცით რომ პრაქტიკულად არ არსებობს დიეტა, რომელიც კალორიებს არ გიზღუდავთ და მთელი ტაქტიკა ამაზეა აწყობილი, თუმცა კეტო დიეტაში ცოტა სხვანაირი მიდგომა გვაქვს და დიდად არ ვაქცევთ კალორიებს ყურადღებას.
ეს ყველაფერი გამოწვეულია არა იმიტომ, რომ კალორიებს საერთოდ არ აქვს მნიშვნელობა, არამედ იმიტომ რომ კეტოგენური დიეტის რეჟიმით ნელ-ნელა თვითონ ეჩვევით ნაკლები საკვების მიღებას. რადგან სრულად გიქრებათ შიმშილის შეგრძნება და პრაქტიკულად 2 კვებაში ვერც მიიღებთ ძალიან ბევრ კალორიას და დიდად სურვილიც არ გექნებათ.
თუ ასეთ მაგალითს ავიღებთ, რომ ვთქვათ დღეში წვავთ 2 000 კალორიას და როგორღაც მოახერხეთ და მიიღეთ ამდენი კალორია საკვებიდან კეტო დიეტის დროს, ასეთ შემთხვევაში ან ნელა დაიკლებთ წონაში ან უბრალოდ შეინარჩუნებთ წონას და მიიღებთ კეტოგენური დიეტის სხვა დადებით თვისებებს, იქნებით უფრო ჯანმრთელები, ენერგიულები და ა.შ. და ა.შ.
ჩვენ კეტო დიეტის დროს უპირველესყოვლისა ყურადღებას ვაქცევთ ნახშირწყლების ოდენობას, რომ რაც შეიძლება ცოტა იყოს, შემდეგ იმას თუ რამდენად ჯანმრთელი და ნატურალური პროდუქტია და ამის შემდეგ შეიძლება მივაქციოთ ყურადღება კალორიებს. ამიტომ სულ უმნიშვნელო არ არის, მაგრამ მარტივად რომ ვთქვათ უფრო მესამე ხარისხოვანი საკითხია.
როგორც წესი, კეტო დიეტის დროს დღეში დაახლოებით 1 300 კალორია გამოდის ხოლმე, უბრალოდ მეტი კალორიის მიღება ცოტა რთულიც კი არის როცა დღეში ორჯერ იკვებებით და ამ კვებებს შორისაც არ იღებთ არანაირ კალორიას რაიმე სასუსნავიდან ან სასმელიდან.
ამიტომ ეს კალორიების მშვენიერი რაოდენობაა და თქვენი ორგანიზმი თავისუფლად გამოიყენებს დანარჩენი ენერგიის მისაღებად თქვენს სხეულში დაგროვილ ცხიმებს. ეს არის კეტოგენური დიეტის ერთ-ერთი დადებითი მხარეც, რომ თქვენ არ ზღუდავთ საკვებს და ეს ყველაფერი უბრალოდ ავტომატურად ხდება ზედმეტი სტრესის გარეშე.
ერთადერთი „საფრთხე“ ამ მიმართულებით არის თხილეული, რადგან მაგალითად 100 გრამი კაკალი არის 650 კალორია, მზესუმზირა 585 კალორია და თქვენი არ ვიცი მაგრამ მე 100 გრამზე ბევრად მეტი შემიძლია შევჭამო, ამიტომ უნდა აკონტროლოთ თხილეულის მიღება, რადგან იმდენი კალორია არ მიიღოთ, რომ თქვენს ორგანიზმს არ დარჩეს შესაძლებლობა გამოიყენოს დაგროვილი ცხიმები.
რა თქმა უნდა, არ უნდა დაგვავიწყეს რომ ყველა კალორია არ არის შექმნილი ერთნაირად და სხვადასხვა სახის ნივთიერებები, სხვადასხვანაირად მოქმედებს ორგანიზმზე. ამიტომ ვახსენე რომ უპირველესყოვლისა ნახშირწყლების ოდენობას ვაკონტროლებთ კეტოგენური დიეტის დროს, თორემ თუ კალორიების უმეტესობას მიიღებთ ნახშირწყლებიდან, წონის დაკლების შანსიც არ გექნებათ და ეს კეტოგენური დიეტაც არ იქნება.
ასევე მაგალითად არაყში საერთოდ არ არის არცერთი ნახშირწყალი, არც დიდად კალორიულია თუმცა რადგან ეს არის ალკოჰოლი, ღვიძლს უწევს ამ ნივთიერების გადამუშავება, ხოლო ღვიძლი არის ის ორგანო რომელიც ასევე წვავს თქვენს ცხიმებს, შესაბამისად არაყის დალევით სრულად გააჩერებით წონის კლებას საშუალოდ რამდენიმე დღით.
თუ მაგალითად ვარჯიშობთ, შესაძლებელია დაგჭირდეთ უფრო მეტი კალორია, რადგან უფრო მეტი ცილის მიღება გჭირდებათ ამ დროს და ეს ძალიან ნორმალურია, თანაც ვარჯიშით ისედაც უფრო მეტ კალორიას წვავთ.
საბოლოო ჯამში, დიახ, კალორიები მნიშვნელოვანია და იმაზე ნაკლებ კალორიას უნდა იღებდეთ ვიდრე იყენებთ დღის განმავლობაში, თუმცა კეტოგენური დიეტის დროს ცოტა ნაკლებად ვღელავთ კალორიებზე, რადგან ეს ძირითადად უბრალოდ ავტომატურად ხდება, თუმცა ცოტა ფრთხილად იყავით თხილეულთან.
დღეისათვის სულ ეს იყო, თუ რაიმე კითხვა გაქვთ, რა თქმა უნდა უნდა დაწეროთ კომენტარებში და ჩვენ კი შევხვდებით მომავალ ვიდეოში.
