თქვენ გჭირდებათ დაახლოებით 4000 მგ კალიუმი დღეში, რაც საკმაოდ ბევრია და ეს არის ერთ-ერთი მიზეზი რატომაც ძალიან ბევრი ადამიანი ვერ იღებს საკმარის კალიუმს საკვებიდან, როგორ ჯანსაღადაც არ უნდა იკვებებოდეთ. ამიტომ დღეს ვისაუბრებთ კალიუმის ნაკლებობის სიმპტომებზე.
პირველი და საკმაოდ ცალსახა სიმპტომი არის დაღლილობა, რადგან კალიუმი არის ერთ-ერთი ყველაზე მნიშვნელოვანი მინერალი, რომელიც ჩართულია ენერგიის წარმოებაში. შესაბამისად საქმე მარტივადაა, გაქვთ კალიუმის ნაკლებობა, ხართ მოთენთილი, გაქვთ სისუსტის შეგრძნება და ა.შ.
თუნდაც მაგალითად თუ გრძნობთ რომ კუნთები თითქოს არ არის ფორმაში, მოდუნებულია, იმდენი სიმძლავრე არ აქვს რაც უნდა ქონდეს და სისუსტეს გრძნობთ, დიდია შანსი კალიუმის ნაკლებობა იწვევდეს ამ ამბავს.
მეორე და ასევე შესამჩნევი სიმპტომი არის აჩქარებული გულის ცემა და ზოგადად არარეგულარული გულის რიტმი. მაგალითად როცა ბალიშზე თავს დადებთ თუ გაქვთ შეგრძნება რომ თითქოს საკუთარი გულის ცემა გესმით და გული თითქოს „ბაგაბუგობს“, ესეც მათ შორის კალიუმის ნაკლებობის სიმპტომია.
ასევე ძალიან მნიშვნელოვანი სიმპტომი არის მომატებული მგრძნობელობა მარილის მიმართ. ზოგადად მარილი სასიცოცხლოდ მნიშვნელოვანია თქვენთვის, მაგრამ თუ შეამჩნიეთ რომ მარილის მიღების შემდეგ სხვადასხვა გვერდითი ეფექტები ვლინდება, ძალიან დიდი შანსია რომ ზუსტად კალიუმის ნაკლებობით არის გამოწვეული.
მაგალითად ეს შეიძლება იყოს შეშუპება, მაღალი არტერიული წნევა, თუნდაც გამონაყარი და ა.შ. ასეთ დროს ადამიანების უმეტესობა ამცირებს ხოლმე მარილს რაციონში, რაც ყველაზე დიდი შეცდომაა, რადგან მარილი არის ზემნიშვნელოვანი თქვენთვის და მეორე მხრივ მარილის შემცირება კიდევ უფრო ფიტავს კალიუმს ორგანიზმიდან.
მარილი ანუ ნატრიუმი და კალიუმი მუშაობენ ერთად, არეგულირებენ და აკონტროლებენ ერთმანეთს, შესაბამისად თუ ორგანიზმში გაქვთ მარილი მაგრამ არ გაქვთ კალიუმი, ამას შეუძლია გამოიწვიოს ჩამოთვლილი გვერდითი ეფექტები, მაგრამ არა იმიტომ რომ მარილია ცუდი ან ბევრი მიიღეთ, არამედ იმიტომ რომ კალიუმი გაკლიათ და მარილი დაუბალანსებელია.
მეოთხე სიმპტომი არის უძილობა, რაც სხვათაშორის შეიძლება იყოს გამოწვეული მაგნიუმის ნაკლებობით, მაგრამ იგივე წარმატებით შეიძლება იყოს კალიუმის ნაკლებობის სიმპტომი. ზოგადად ეს ორი მინერალი გეხმარებათ რომ მოდუნდეთ, დაიწიოს წნევამ და მშვიდად დაიძინოთ.
კალიუმის ნაკლებობა ასევე ზრდის მხედველობის დაზიანების, გულის დაავადებების და ინსულტის განვითარების რისკებს. როცა გაკლიათ კალიუმი, თქვენი პანკრეასი აწარმოებს საჭიროზე ნაკლებ ინსულინს. ხოლო როცა გაქვთ ნაკლები ინსულინი, სისხლში შაქრის დონე მუდმივად მაღალი რჩება.
ზოგადად ინსულინის ერთ-ერთი მთავარი მოვალეობა ზუსტად სისხლში შაქრის დონის დარეგულირებაა, ხოლო როცა არ გაქვთ საკმარისი ინსულინი, სისხლში მაღალი შაქრის დონე აზიანებს არტერიის შიდა კედლებს, რაც უკვე ზრდის ჩამოთვლილი დაავადებების განვითარების რისკებს და არამხოლოდ.
ასევე მათ შორის როგორც კვლევები აჩვენებს კალიუმის ნაკლებობა და სისხლში მუდმივად მაღალი შაქრის დოზე ზრდის ინსულინის რეზისტენტულობისა და დიაბეტის განვითარების რისკებსაც.
გარდა ამისა, როცა კრიტიკულად მცირე ოდენობით კალიუმი გაქვთ ორგანიზმში, აქტიურდება ჰორმონები ალდოსტერონი და კორტიზოლი, ამით ორგანიზმი ცდილობს კალიუმის მაქსიმალურად შენარჩუნებას .
თუმცა ქრონიკულად გააქტიურებული სტრესის ჰორმონები უფრო მეტად მიდრეკილს გხდით გასუქებისკენ, დეპრესიისკენ და ყველა ჩამოთვლილი დაავადების განვითარების რისკი კიდევ უფრო იზრდება.
ბონუსად კალიუმის ნაკლებობის კიდევ 1 სიმპტომი: კალიუმის ნაკლებობა იწვევს ხელების, ფეხებისა და ზოგადად კიდურების დაბუჟებას
ახლა რომელი საკვებია კალიუმით მდიდარი, ესენია ძირითადად: ავოკადო, ხორცი, თევზი, ბოსტნეული, თხილეული და თხილეულის კარაქები. მოკლედ კალიუმი ბევრ პროდუქტშია საკმაოდ უბრალოდ პრობლემა ისევ და ისევ ის არის რომ ასევე ბევრია საჭირო ყოველდღიურად.
როგორც ვიდეოს დასაწყისში ვთქვი საშუალოდ 4 000 მგ გჭირდებათ დღეში და პრობლემაც ეს არის. თუ ამ პროდუქტებით იკვებებით დღიური დოზის 40-60% რომ მიიღოთ საკვებიდან ეს საკმაოდ რეალისტურია, თუმცა პრობლემა დანარჩენი ნახევრის მიღებაა.
მაგალითად დღიური დოზის მისაღებად საჭიროა ჭამოთ დაახლოებით:
4 ცალი ავოკადო
ან
1.5 კგ ხორცი
ან
2 კგ ბოსტნეული
ან
800 გ თხილეული
ან
900 გ თევზი
რა თქმა უნდა, ცალკე აღებულ ერთ პროდუქტს არავინ ჭამს და რაციონი შედგება როგორც წესი რამდენიმე სახეობისგან, თუმცა ნებისმიერ შემთხვევაში კალიუმის საჭირო ოდენობით მიღება მაინც წარმოუდგენელია.
მეორე მხრივ კალიუმის ის ოდენობა რასაც საკვებიდან ვერ იღებთ შეგიძლიათ შეივსოთ საკვები დანამატიდან, დაახლოებით 1500-დან 2000 მილიგრამამდე. საკვები დანამატის ქიმიურ ფორმასაც მნიშვნელობა აქვს, რა თქმა უნდა და კარგი დანამატებია ძირითადად კალიუმის ციტრატი და კალიუმის გლიცინატი.
ჩვენს მაღაზიაში იყიდება ამ შემთხვევაში კალიუმის ციტრატი, რასაც ძალიან ეფექტურად ითვისებს ორგანიზმი. ჩვენი მაღაზიის მისამართი: ვაჟა-ფშაველას 12 , გვეწვიეთ აუცილებლად. ასევე შეგიძლიათ შეიძინოთ ეს პროდუქტი ჩვენი საიტიდან Ketogen.ge
აქვე უნდა ვთქვათ, რომ თუ ბევრ შაქარს და ნახშირწყლებს იღებთ საკვებიდან, ეს უფრო ზრდის კალიუმის საჭიროებას და დღიურ დოზას, ისევე როგორც სტრესი და უძილობა. დღეისათვის კი სულ ეს იყო, შევხვდებით შემდეგ ვიდეოში.
