ალბათ ერთხელ მაინც გქონიათ თავბრუსხვევა ფეხზე სწრაფად წამოდგომის დროს და მით უმეტეს თუ ეს ხშირად ხდება, ამ ვიდეოში მინდა გითხრათ როგორ მოაგვაროთ ეს პრობლემა 1 პროდუქტით, რომელიც სახლში აქვს ყველა ადამიანს.
ამ მდგომარეობას სამედიცინო ენაზე ქვია ორთოსტატული ჰიპოტენზია, იგივე დაბალი არტერიული წნევა, ანუ ეს იმას ნიშნავს რომ სისხლძარღვებში სისხლის მოცულობა არის იმაზე უფრო ნაკლები ვიდრე უნდა იყოს და როცა თქვენ წამოდგებით, იმის გამო რომ სისხლის მოცულობა არის ნაკლები, გრავიტაციის ზეგავლენით ეს სისხლის მასა ქვედა კიდურებში კონცენტრირდება და საკმარისი სისხლი ტვინამდე ვეღარ აღწევს, რის შედეგადაც უკვე გრძნობთ თავბრუსხვევას, გარკვეულ დაბნეულობას, შეიძლება თვალებშიც დაგიბნელდეთ, ცოტა ღებინების შეგრძნებაც გქონდეთ და ა.შ.
თუმცა კითქვა ის არის თვითონ დაბალ წნევას და სისხლის მასის შემცირებას რა იწვევს ? რეალურად გამომწვევი ფაქტორები რამდენიმე შეიძლება იყოს, თუმცა ყველაზე გავრცელებული პრობლემა არის მარილის ნაკლებობა და კი, მარილის ნაკლებობა არსებობს. მარილი და კონკრეტულად მარილში შემავალი მინერალი ნატრიუმი აკონტროლებს სითხის ბალანსს ორგანიზმში და როცა არ იღებთ საკმარის მარილს, შესაბამისად ეცემა სისხლის მოცულობაც და წნევაც.
მეორე მხრივ ვინმემ შეიძლება გითხრათ რომ დეჰიდრატაციაა თავბრუსხვევების მიზეზი, რაც მართალია, მაგრამ უმეტეს შემთხვევაში თუ თქვენ უბრალოდ წყალს დალევთ და ორგანიზმში არ გაქვთ საკმარისი მარილი, ეს სითხე ისევე დაიკარგება როგორც მიიღეთ, რადგან მარილია ის ჩამკეტი მექანიზმი, რომელიც აკავებს საჭირო ოდენობით სითხეს ორგანიზმში და აი თუ დალევთ მარილიან წყალს, ეს უკვე სულ რამდენიმე წუთში მოაგვარებს თქვენს პრობლემას.
აქვე ვახსენებ იმასაც რომ ხშირად დაბალი წნევის დროს ყავას სვამენ ხოლმე, რაც ცოტახნით შემოგეშველებათ, თუმცა კოფეინი არის შარდმდენი და ზედმეტი სითხის დაკარგვა რეალურად კიდევ უფრო გააუარესებს მარილის ნაკლებობასაც და დეჰიდრატაციასაც. მოკლედ მიიღეთ მარილი და წამოდგომის დროს თავბრუსხვევა აღარასდროს შეგაწუხებთ.
თუ მარილის მიღება არ აუმჯობესებს სიტუაციას, როგორც უკვე ვთქვი ამ მოვლენას შეიძლება სხვა უფრო იშვიათი ფაქტორებიც იწვევდეს, მაგალითად რკინის ან B12 ვიტამინის ნაკლებობა თუ ხორცს არ ჭამთ, ან შეიძლება რაიმე მედიკამენტს იღებთ რაც წნევაზე მოქმედებს, ან შეიძლება ეს მიანიშნებდეს მინერალების ნაკლებობაზე ან გულის პრობლემებზე და ა.შ. თუმცა ისევ და ისევ ძირითადად ეს მარილის ნაკლებობის პრობლემაა. თუ ეს ვიდეო მოგეწონათ, გირჩევთ ჩვენს სხვა ვიდეობსაც გადახედოთ და კარგი იქნება თუ გაუზიარებთ ვიდეოს თქვენს მეგობრებს, დღეისათვის კი სულ ეს იყო, შევხვდებით შემდეგ ვიდეოში.
