საუკუნის კითხვა: შეიძლება თუ არა დიეტური კოკა კოლის დალევა წონის კლებისა და დიეტის დროს. ან რა გავლენა აქვს ჯანმრთელობაზე. მოდით ამაზე ვისაუბროთ.
ზოგადად რა თქმა უნდა ყველამ იცის რომ ჩვეულებრივი კოკა კოლა შაქრით და სხვადასხვა ქიმიკატებითაა გამოტენილი და არც დიეტასთან და არც ჯანმრთელობასთან კავშირი არ აქვს, მაგრამ რადგან არსებობს კოკა კოლას “დიეტური” ვერსია, აქ ჩნდება კითხვების ზღვა.
ჯერ ვნახოთ დიეტური კოკა კოლას შემადგენლობა: გაზიანი წყალი, ფოსფორმჟავა, კალიუმის ბენზოატი, კოფეინი, კარამელის ფერი, ნატურალური არომატიზატორები, ასპარტამი და ა.შ. აქედან დამატკბობელი არის ასპარტამი, რომელსაც შაქრის ჩამნაცვლებლად იყენებენ და ჩვეულებრივ კოკა კოლასა და დიეტურ კოკა კოლას შორის განსხვავება მხოლოდ ამ ერთ ინგრედიენტშია.
დიეტურ კოკა კოლას შაქარი არ აქვს, შესაბამისად არც ნახშირწყლები, რაც წესით გასუქების მთავარი ფაქტორია და არც კალორიები აქვს, ამიტომ შეგვიძლია ვიფიქროთ რომ მშვენიერი დიეტური სასმელია, თუმცა მოდით ჯერ დასკვნებს ნუ გამოვიტანთ.
რა არის ასპარტამი? ასპარტამი არის ადამიანის მიერ ლაბორატორიაში შექმნილი ხელოვნური დამატკობელი, რომელიც ნატურალურად არ არსებობს ბუნებაში და პრობლემებიც ზუსტად აქედან იწყება. კონკრეტულად კითხვაზე ასუქებს თუ არა ასპარტამი, პასუხია კი და არა.
უპირველესყოვლისა ჩვენ ვიცით რომ ასპარტამი გავლენას არ ახდენს სისხლში შაქრის დონეზე და არც ინსულინზე. რაც ტექნიკურად უნდა ნიშნავდეს რომ ასპარტამი არ ასუქებს. სინამდვილეში კი ერთი საწამლავი ჩანაცვლებულია მეორე საწამლავით.
რამდენიმე კვლევა აჩვენებს რომ ასპარტამი გხდით არატოლერანტულს გლუკოზის მიმართ. მარტივად რომ ვთქვათ, ორგანიზმი ვეღარ ახერხებს გლუკოზის ანუ შაქრებისა და ნახშირწყლების შესაბამისად მეტაბოლიზებას.
რაც უკვე იწვევს გასუქებას, ინსულინის რეზისტენტულობას, დიაბეტს, მხედველობის პრობლემებს, გულის დაავადებებს, ნერვების დაზიანებას და ა.შ. ამას აჩვენებს მაგალითად 2016 წელსა და 2017 წელს ჩატარებული კვლევები და არამხოლოდ. კვლევა 1. კვლევა 2
არ უნდა დაგვავწყდეს ისიც რომ ასპარტამი მისი სუპერ ტკბილი გემოდან გამომდინარე იწვევს ტკბილზე დამოკიდებულებას, რაც ალბათ დამეთანხმებით, რომ ძალიან დიდი ხელისშემშლელი ფაქტორია დიეტის დროს, როცა თქვენ პირიქით გინდათ რომ მოიშოროთ ტკბილეულის მოთხოვნილება.
აქედან შეგვიძლია დავასკვნათ რომ თუ დიეტურ კოკა კოლას დღეს დალევთ, ხვალ ეს არ გაგასუქებთ, რა თქმა უნდა, თუმცა გრძელვადიან პერსპექტივაში აუცილებლად ექნება ძალიან უარყოფითი გავლენა თქვენს წონაზე და ჯანმრთელობაზეც.
კიდევ ერთი დიდი საკითხი არის ის თუ რა გავლენა აქვს ასპარტამს ტვინზე და აქ რეალურად გვაქვს კიდევ უფრო ცუდი ვითარება, რაც სხვათაშორის ასევე დაკავშირებულია წონის მატებასთანაც.
თვითონ ასპარტამი არის ექსციტოტოქსინი, რაც ნიშნავს, რომ როგორცკი დიეტური კოკა კოლა მოხვდება თქვენს გემოს რეცეპტორებს, ტვინში იწვევს ნეირონების ჰიპერ აქტივაციას და საბოლოო ჯამში გადაწვას და სიკვდილს.
წარმოიდგინეთ ასეთი რამ, რომ გაქვთ ნათურა, რომლის მოვალეობაც, რა თქმა უნდა, არის რომ ელექტრო ენერგია გარდაქმნას სინათლეთ, თუმცა ახლა წარმოიდგინეთ რომ ამ ნათურისკენ მიმართეთ იმდენი ელექტრო ენერგია 1 წუთში, რასაც იყენებდა ერთი თვის განმავლობაში.
ასეთ შემთხვევაში ნათურა გადაიწვება და შესაბამისად აღარ იმუშავებს. ზუსტად ეს ემართებათ ნეირონებსაც თქვენს ტვინში, როცა პირობითად ერთი სიგნალის ნაცვლად გემოს რეცეპტორები აგზავნიან ტვინისკენ 1000 სიგნალს.
ნეირონების ანუ ტვინის უჯრედების სიკვდილი კი დროთა განმავლობაში უარყოფითად მოქმედებს კოგნიტურ ფუნქციებზე, როგორიც არის აზროვნება, მეხსიერება, სწავლის უნარი და სხვა.
ზუსტად ამიტომ არის ასეთი ექსციტოტოქსინები დაკავშირებული სხვადახასხვა გონებრივ დაავადებებთან: სკლეროზი, ალცჰეიმერის დაავადება, პარკინსონის დაავადება და ა.შ.
2012 წელს ჩატარებულმა კვლევამ აჩვენა, რომ ასპარტამი ამცირებს გლუტათიონის კონცენტრაციას ტვინში, რაც არის ანტიოქსიდანტი, რომელიც იცავს ტვინს დაზიანებისგან.
გამოდის რომ დიეტური კოკა კოლა ასუსტებს ტვინის დამცავ ფარს და შემდეგ გადადის შეტევაზე, რაც როგორც უკვე ვთქვი იწვევს ტვინის უჯრედების სიკვდილს.
ასევე ასპარტამი დაკავშირებულია შფოთვისა და დეპრესიის გამოწვევასთან, რადგან ამცირებს ტვინში სერატონინისა და დოპამინის დონეს, ხოლო ეს ნივთიერებები პასუხისმგებელია პრაქტიკულად ყველანაირ სასიამოვნო შეგრძნებაზე თქვენს ცხოვრებაში.
როცა მეგობრებთან ერთად ერთობით, როცა საყვარელ ადამიანებთან ერთად ატარებთ დროს, თავს კარგად იმიტომ გრძნობთ რომ ზუსტად ეს ორი ნივთიერება გამოიყოფა ტვინში და ახლა წარმოიდგინეთ რომ ეს ყველაფერი ერთ დღეს გაქრა ან ძალიან შემცირდა.
ასეთ დროს დამატებით კიდევ უფრო დიდია შანსი, რომ რაიმე არაჯანსაღი საკვები ჭამოთ, მაგალითად ტკბილეული, რომელიც პირიქით ასტიმულირებს სერატონინისა და დოპამინის გამოყოფას. მართალია ცოტა ხნით, თუმცა საბოლოოდ ისევ თქვენ იმატებთ წონაში და იზიანებთ ჯანმრთელობას.
1994 და 1989 წელს ჩატარებული კვლევები აჩვენებს, რომ ზოგ ადამიანს აღენიშნება დამატებით ქრონიკული თავის ტკივილიც, რაც პრინციპში საკმაოდ ლოგიკურია უკვე ჩამოთვლილი ფაქტორების გათალისწინებით.
რამდენიმე წუთის წინ ნახსენები კვლევები ასევე აჩვენებს, რომ ასპარტამს აქვს საკმაოდ უარყოფითი გავლენა კუჭის მიკროფლორაზე, რასაც შეუძლია თავდაყირა დააყენოს თქვენი ჯანმრთელობა, იმუნიტეტი, წონა და ა.შ.
დიეტურ კოკა კოლას სხვა ინგრედიენტები როგორც ვახსენე არის ზუსტად იგივე რაც ჩვეულებრივ კოკა კოლაში და იგივენაირად ზრდიან კიბოს გაჩენის რისკებს თქვენს ორგანიზმში.
საბოლოო ჯამში როგორც ხედავთ ის ფაქტი, რომ დიეტური კოკა კოლა არ შეიცავს შაქარს, ეს არ აქცევს მას რეალურად დიეტურ სასმელად და არც ის რომ შაქრის შემცვლელი ასპარტამი არ მოქმედებს პირდაპირ სისხლში შაქრის დონეზე, არ ნიშნავს რომ არ ექნება უარყოფითი გავლენა წონასა და ჯანმრთელობაზე.
ხაზს გავუსვამ და ვიტყვი, რომ კეტოგენურ დიეტაზე ხართ თუ სხვა ნებისმიერ დიეტაზე, არცერთ შემთხვევაში არ არის რეკომენდირებული დიეტური კოკა კოლის დალევა.
ასპარტამის ნაცვლად რომ იყენებდნენ მაგალითად ერითრიტოლს, რაც არის ბუნებრივი და არასაზიანო დამატკბობელი, ამ შემთხვევაში კიდევ შესაძლებელი იქნებოდა კოკა კოლაზე დაფიქრება და მსჯელობა, თუმცა ერითრიტოლი ბევრად უფრო ძვირია და ამიტომაც იყენებენ ასპარტამს.
დღეისათვის სულ ეს იყო, თუ გაქვთ კითხვები დაწერეთ კომენტარებში, ჩვენ კი შევხვდებით შემდეგ ვიდეოში.
