N1 პრობლემა ისაა რომ დიეტების მიზანი არის მხოლოდ წონის კლება. თუ ეს აზრი გეუცნაურება მგონი ჯობს ამ ვიდეოს უყურო ბოლომდე, იმიტომ რომ კი წონის კლება შეიძლება იყოს მიზანი, რა თქმა უნდა, თუმცა სხვა რამდენიმე ფაქტორზე თვალის დახუჭვამ შეიძლება კატასტროფულ შედეგებამდე მიგიყვანოთ.
მაგალითად ხართ შვრიის დიეტაზე, სიმარტივისთვის ვთქვათ ჭამთ მარტო შვრიას. რა მოხდება თქვენი აზრით ? ნუ ზოგი ადამიანი დაიკლებს წონაში იმიტომ რომ შვრია ძალიან დაბალკალორიულია, მაგრამ მათ შორის იმიტომ არის დაბალკალორიული რომ შეიცავს ძალიან ცოტა Proteinს და პრობლემაც ეს არის. არამარტო შვრიის, არამედ ზოგადად დიეტების პრობლემა, რომ მთავარი ამოსავალი წერტილი არის კალორიების შემცირება და არავინ აქცევს ყურადღებას თუნდაც ცილის ოდენობას რაციონში, რაც ყველაზე მნიშვნელოვანი მაკროელემენტია.
თქვენი ორგანიზმის უმეტესობა შექმნილია ცილისგან და ეს ყველაფერი ყოველდღიურ რეჟიმში გადის განახლებას, ძველი უჯრედები ნაცვლდება ახალი, ჯანსაღი უჯრედებით, რისთვის საჭიროა ცილის მუდმივი მიწოდება. თუ თქვენ არ მიიღებთ საკვებიდან საკმარის Proteinს, უპირველესყოვლისა დაიწყება კუნთოვანი მასის დაშლა, რაც ცილის ყველაზე დიდი საცავია ორგანიზმი და რასაც მოყვება რამდენიმე უარყოფითი შედეგი.
ერთი ის არის რომ თქვენ რეალურად უფრო სწრაფადაც დაიკლებთ წონაში, იმიტომ რომ კუნთოვანი მასა ბევრად მძიმეა ვიდრე თუნდაც იგივე ზომის ცხიმი, მაგრამ კუნთოვანი ქსოვილები ასევე არის კალორიების ყველაზე დიდი მწველი და ენერგიის ყველაზე დიდი მომხმარებელი ორგანიზმში, რაც ნიშნავს რომ თქვენ კი შეიძლება ბევრად სწრაფად დაიკლოთ წონაში, მაგრამ შეგინელდებათ მეტაბოლიზმი და მომავალში კიდევ და კიდევ უფრო სწრაფად მოიმატებთ წონაში. თუმცა მოიმატებთ ცხიმს და არა კუნთს, რა თქმა უნდა.
ასევე კუნთოვანი მასა არის თქვენი ჯანმრთელობის ერთ-ერთი მთავარი საფუძველი შეიძლება ითქვას. რაც უფრო ნაკლები კუნთოვანი მასა დაგრჩებათ ორგანიზმში უფრო ნაკლებად ჯანსაღი იქნებით მეტაბოლურად, ხოლო მეტაბოლური დაზიანება, იგივე მეტაბოლური სინდრომი არის ერთ-ერთი ყველაზე დიდი რისკფაქტორი გულის დაავადებებისთვის, თირკმელების, ღვიძლის და სხვა ორგანოების დაზიანებისთვის, იწვევს მაღალ არტერიულ წნევას, საზიანო ქოლესტერინის მატებას და ეს სია არის უსასრულო.
Protein კიდევ არის საჭირო კანის სიჯანსაღისთვის, ძვლების სიმაგრისთვის, სახსრების სიჯანსაღისთვის, სხვადასხვა ჰორმონებისა და ფერმენტების საწარმოებლად, სხვადასხვა ნეიროტრანსმიტერების საწარმოებლად, რაც არის გონებრივი საკომუნიკაციო სიგნალები, Protein საჭიროა იმუნიტეტისთვის, თუნდაც ანტისხეულების საწარმოებლად და მოკლედ ყველა ამ მიმართულებით შეიძლება შეგექმნათ პრობლემა თუ დიეტა არ არის გაჯერებული ცილით და არ იღებთ საკმარის Proteinს.
ცილის მისაღებად დიეტის რაციონში აუცილებლად უნდა იყოს ცხოველური პროდუქტები ანუ ხორცი, კვერცხი, თევზი და რძის პროდუქტები. მცენარეებშიც არის გარკვეული ოდენობით Protein, რა თქმა უნდა, თუმცა ბევრად ნაკლებია, ასევე ნაკლებად ითვისებს ორგანიზმი და მოკლედ ცხოველური პროდუქტები არის აუცილებელი, არ აქვს მნიშვნელობა წონას იკლებთ თუ არა.
კარგით, ცილის საკითხია გასაგებია, მაგრამ გარდა ამისა პრაქტიკულად ყველა ადამიანს აკლია მინიმუმ რამდენიმე ვიტამინი, ეს საკმაოდ ცნობილი ფაქტია და ალბათ გაგიგიათ, მაგრამ რა ხდება მაშინ როცა იწყებთ რაღაც დიეტას და იმაზე კიდევ უფრო ნაკლებ საკვებს იღებთ ვიდრე იღებდით აქამდე, შესაბამისად მანამდეც რომ გაკლად ვიტამინები, ახლა კიდევ უფრო დაგაკლდებათ.
ამიტომ არის ხოლმე რომ ხშირად დიეტის დაწყება ასოცირდება ფრჩხილების და კანის ხარისხის გაუარესებასთან, თმის ცვენასთან, ენერგიის ნაკლებობასთან, ძილის პრობლემებთან და ა.შ. თუნდაც ასეთი სიმპტომები არ იყოს გამოხატული კონკრეტულად დიეტის დროს და თქვენმა ორგანიზმმა გაუძლოს რაღაცნაირად, ზოგიერთი ვიტამინის და მინერალის ნაკლებობის გამოვლენას თვეები სჭირდება და შემდეგ შეიძლება ვეღარც მიხვდეთ რის გამო გაგიუარესდათ ჯანმრთელობა.
გარდა ამისა მაგალითად მინერალების მაგნიუმისა და კალიუმის ნაკლებობა ისედაც ძალიან კრიტიკულია ადამიანების უმეტესობის შემთხვევაში და თუ დიეტის რაციონი სწორად არ არის შედგენილი, ამ მინერალების კიდევ უფრო დიდი დეფიციტი შეიქმნება ორგანიზმში. არადა ორივე დრამატულად მნიშვნელოვანია გულის ჯანსაღი ფუნქციონირებისთვის, რის გაუარესებასაც გარეგნულად და ერთი შეხედვით საერთოდ ვერც იგრძნობთ, რა თქმა უნდა. ისევე როგორც სხვადასხვა ორგანოების დაზიანებას, რაც ასევე შეიძლება იყოს გამოწვეული სხვადასხვა ნივთიერებების ნაკლებობით.
ასეთი მაგალითების მოყვანა შემიძლია უსასრულოდ, მაგრამ ისევ და ისევ იმის გამო რომ უმეტეს შემთხვევაში დიეტების ერთადერთი მიზანი წონის კლებაა, არავინ აქცევს ყურადღებას პროდუქტებში ვიტამინების, მინერალების, ცილის და თუნდაც ცხიმის შემადგენლობას.
Fat მათ შორის მგონი პირველი ნივთიერებაა რასაც რაციონიდან იშორებენ დიეტის დაწყებისთანავე და ჯანსაღი ცხიმის ნაკლებობამ კიდევ ცალკე შეიძლება გამოიწვიოს ჰორმონალური პრობლემები, ნაღვლის ბუშტის პრობლემები, გონებრივი პრობლემები, კანის პრობლემები და მოკლედ.
დიეტების სხვა უამრავ პრობლემაზე შეგვიძლია კიდევ საათები ვისაუბროთ, მაგრამ ყველაზე დიდი პრობლემა ზუსტად ის არის, რომ მთლიანი ყურადღება გადატანილია წონის კლებაზე და სხვა ყველაფერი თითქოს არც არავის აღელვებს. არადა ასეთი მიდგომა უფრო მეტი წონის მატებასაც გამოიწვევს გრძელვადიან პერსპექტივაში, რაც მილიონჯერ გვინახავს და ბონუსად ჯანმრთელობასაც მიწასთან გაასწორებს, რის აღდგენასაც რამდენი დრო და რესურსები დაჭირდება კაცმა იცის.
მე გირჩევდით კეტოგენურ დიეტას, რაც ჯანსაღი კვების სტილია უპირველესყოვლისა და რაციონი დაკომპლექტებულია ყველაზე ჯანსაღი პროდუქტებით ამ პლანეტაზე, რაც ყველაზე მეტ ვიტამინებს, მინერალებს, ჯანსაღ ცხიმებს და ცილებს შეიცავს. კეტო დიეტაზე უამრავი ვიდეო გაქვს და გაეცანით აუცილებლად. გაუზიარეთ ეს ვიდეო თქვენს მეგობრებს, ჩვენ კი შევხვდებით შემდეგ ვიდეოში.
