დიეტის დროს რომ ხშირად აიწონოთ და სასწორზე ნაჩვენებ რიცხვებს მიაქციოთ ყურადღება თითქოს ჩვეულებრივი ამბავია, მაგრამ ამ ვიდეოში მინდა გითხრათ რატომ უნდა მიაქციოთ კილოგრამებს ნაკლები ყურადღება Keto Dietზე.
მიზეზი რატომაც კეტოგენურ დიეტაზე სასწორის როლი არის ბევრად უფრო ნაკლები არის ის, რომ კეტო დიეტაზე თქვენ იმატებთ გარკვეული ოდენობით კუნთოვან მასას, რაც ვიცით რომ ცხიმზე ბევრად მძიმეა და ასევე მაგრდება ძვლებიც, ეს ორივე კი რა თქმა უნდა აისახება წონაზე.
ხშირად არის რომ გარეგნულად აშკარად ატყობთ კლებას, მაგრამ ეს ნაკლებად ჩანს სასწორზე, იმიტომ რომ ცხიმს კი იკლებთ, მაგრამ მეორე მხრივ იმატებთ კუნთს და მაგრდება ძვლები.
რაც ძალიან კარგია, იმიტომ რომ რაც უფრო მეტი კუნთი გაქვთ ორგანიზმში, უფრო მეტ კალორიას წვავთ ყოველდღიურად. თანაც თქვენი მიზანი ხომ უბრალოდ წონის კლება არ არის, თქვენი მიზანია რომ ცხიმი დაიკლოთ და გამოიყურებოდეთ კარგად.
ამიტომ თუ უბრალოდ წონას მიაქცევთ ყურადღებას, ამით დიდად ვერ გაიგებთ რამდენი კილო ცხიმი გაქვთ დაკლებული, რადგან უბრალოდ სასწორი ხომ არ აჩვენებს მხოლოდ ცხიმის კლებას, აჩვენებს მთლიან წონას რაშიც ბევრი ფაქტორია განმსაზღვრელი.
ყოველთვის ჯობს პრიორიტეტი მიანიჭოთ გარშემოწირულობას და ეს უკეთესი ინდიკატორი იქნება იმისა თუ რამდენაც იკლებთ წონაში და რაც მთავარია, რამდენ ცხიმს იკლებთ წონაში.
შეგიძლიათ გაზომოთ წელი, თეძოები, გულმკერდის ზონა და ეს ბევრად კარგად დაგანახებთ როგორ მიდის თქვენი წონის კლება. ან თუ გაზომვა გეზარებათ, უბრალოდ დააკვირდით რამდენად დაპატარავდება ცხიმის მასა გარეგნულად.
რა თქმა უნდა, მე არ ვამბობ რომ წონას საერთოდ არ უნდა მიაქციოთ ყურადღება, უბრალოდ საჭიროა ეს ყველაფერიც იცოდეთ და უკეთესი იქნება თუ ორივე მიმართულებით ადევნებთ თვალს თქვენ შედეგებს.
მეორე მხრივ კუნთებისა და ძვლების საკითხი საერთოდ არ გაინიხლება ჩვეულებრივ დიეტებში, სადაც მარტო კალორიებს ზღუდავენ, იმიტომ რომ როგორც წესი პირიქით იკლებს კუნთოვანი მასა, რაც მეტაბოლიზმს ანელებს და კიდევ მილიონ პრობლემას იწვევს.
თუმცა ეს ყველაფერი განსხვავებულია კეტო დიეტის შემთხვევაში, იმიტომ რომ ეს არის უპირველესყოვლისა ჯანსაღი კვება, შეიძლება ითქვას ადამიანისთვის შესაფერისი და შესაბამისი კვების სტილი.
და როცა თქვენ იკვებებით ისე, როგორც უნდა იკვებებოდეთ ზოგადად. თქვენი ძვლებიც მაგრდება, იმ კუნთოვან მასასაც იმატებთ, რაც უნდა გქონოდაც ბუნებრივად და ბევრი მიმართულებით უმჯობესდება თქვენი ჯანმრთელობაც და მეტაბოლიზმიც.
ბოლოს მოდით უფრო კონკრეტულად ვთქვათ რამდენიმე მთავარი ფაქტორი, რატომაც იმატებს კუნთოვანი მასა და მაგრდება ძვლები.
პირველი არის ის, რომ კეტოგენურ დიეტაზე უბრალოდ უფრო მეტად იღებთ საჭირო ნივთიერებებს, იქნება ეს ვიტამინები, მინერალები, ცხიმოვანები მჟავები, ამინო მჟავები თუ ა.შ. იმიტომ რომ ვიკვებებით ბევრი ხორცით, ბოსტნეულით და ა.შ.
მეორე მხრივ პირიქით, არ ვიღებთ ბევრ შაქარს, ნახშირწყლებს, ტრანს ცხიმებს და სხვა არაჯანსაღ ნივთიერებებს, რაც ფიტავს ორგანიზმს საჭირო მინერალებისა და ვიტამინებისგან .
და ასევე იწვევს ცილის გლიცირებას, ანუ პრაქტიკულად ცილა ხდება გამოუსადეგარი და შესაბამისად ეფექტურად ვეღარ იყენებს ორგანიზმი კუნთისა და ძვლების ასაშენებლად. ესეც მეორე ფაქტორი.
თანაც ერთია რა ნივთიერებებს იღებთ და მეორეა რამდენად ითვისებს ორგანიზმი ამ ყველაფერს. განსაკუთრებით როცა ვსაუბრობთ ცილასა და მინერალებზე, ორგანიზმს ჭირდება კუჭში საკმაოდ ძლიერი მჟავა რომ შეითვისოთ ეს ყველაფერი.
ხოლო მესამე ფაქტორი ზუსტად ის არის, რომ კეტო დიეტაზე ნელ-ნელა იმატებს და სტაბილურდება მჟავიანობის დონე, რაც გეხმარებათ ცილისა და მინერალების უკეთესად შეთვისებაში.
ეს ხდება იმიტომ, რომ ორგანიზმში დრამატულად მცირდება ქრონიკული ანთებითი პროცესები, რაც საერთოდაც იწვევს მჯავიანობის დონის შესუსტებას კუჭში და უამრავ სხვა პრობლემას.
მეოთხე ფაქტორი არის ის, რომ როცა თქვენ ათეულობით წლის განმავლობაში იღებთ ყოველდღე უამრავ შაქარს და ნახშირყალს, თქვენი უჯრედები ნელ-ნელა ხდება ინსულინ რეზისტენტული.
რაც არის მდგომარეობა როცა უჯრედები პრაქტიკულად აღარ ითვისებენ იმ საჭირო ნივთიერებებს, რაც თქვენ მიიღეთ საკვებიდან. შესაბამისად თუ ვერ შეითვისებთ ნივთიერებებს რაც გჭირდებათ კუნთის ასაშენებლად და ძვლების შესაქმნელად, მოხდება პირიქით, დეგრადაცია.
კეტოგენურ დიეტაზე კი პირიქით, თქვენ ხდებით უფრო და უფრო ინსულინ სენსიტიური, ანუ ეს არის საწინააღმდეგო მიმართულება და უფრო უფრო კარგად ითვისებთ ყველა მიღებულ ნივთიერებას
მეხუთე ფაქტორი არის რომ კეტო დიეტაზე ორგანიზმში იმატებს ზრდის ჰორმონის(HGH) ოდენობა, რაც არის ზუსტად ის ჰორმონი რომელიც ასტიმულირებს კუნთების და სხვადასხვა ქსოვილების შენებას, ძვლების გამაგრებას და ა.შ.
ამ და კიდე სხვა ფაქტორებიდან გამომდინარე, კეტო დიეტაზე უმჯობესი იქნება თუ წონასთან ერთად გააკონტროლებთ გარშემოწირულობასაც და ასე უფრო ნათლად დაინახავთ შედეგებს. შევხვდებით შემდეგ ვიდეოში.
