სტევია არის შაქრის ერთ-ერთი ჯანსაღი ალტერნატივა და ჯანსაღი დამატკბობელი, მაგრამ ყველაფერი რასაც ეტიკეტზე აწერია სტევია, ხშირად სტევია სულაც არ არის. სინამდვილეში სტევიას 99% საქართველოშიც და მთელ მსოფლიოშიც არის ყალბი. იგულისხმება ის, რომ რეალურად ასეთი დამატკბობლების ძირითად ნაწილს შეადგენს ხოლმე შაქარი ან შაქარზე უარესი ნივთიერებები და ძალიან მცირე ოდენობით აქვს სტევია დამატებული უბრალოდ ფორმალობისთვის და ეტიკეტზე დასაწერად.
ამიტომ სანამ იყიდით სტევიას, ყოველთვის უნდა წაიკითხოთ ინგრედიენტები პროდუქტის უკანა მხარეს და თუ იპოვით ამ ინგრედიენტებიდან რომელიმეს, ჩათვალეთ რომ უბრალოდ ძვირადღირებულ შაქარს ყიდულობთ და არა ჯანსაღ დამატკბობელ სტევიას. ესენია ძირითადად: მალტოდექსტრინი, დექსტროზა, ლაქტოზა, მალთიტოლი და სახამებელი
ასევე სტევია ბუნებაში არ არსებობს გრანულების ანუ შაქრის მსგავსი ფხვნილის ფორმით, ამიტომ თუ სტევია აწერია რომელიმე ასეთ პროდუქტს, ეს ნიშნავს რომ რაღაც შემავსებელი აქვს დამატებული ან უფრო სწორია ვთქვათ რომ შემავსებელ ნივთიერებას აქვს დამატებული ცოტა სტევია. ეს შემავსებელი ნივთიერება ხშირად არის ხოლმე მალტოდექსტრინი, რაც შაქარზე ბევრად უარესი ნივთიერებაა.
გლიკემიური ინდექსით, რომლითაც დადგენილია რომელი პროდუქტი რამდენად მოქმედებს სისხლში შაქრის დონეზე, შაქრის გლიკემიური ინდექსი არის საშუალოდ 65, ხოლო მალტოდექსტრინის 110. ამაზე მაღალი გლიკემიური ინდექსი არცერთ პროდუქტს არ აქვს დედამიწაზე. მალტოდექსტრინთან შედარებით შაქარი ანგელოზია ჩვეულებრივი.
ანუ რა გამოდის რომ თქვენ შეიძლება გინდათ შაქარი ჩაანაცვლოთ ჯანსაღი ალტერნატივით და საბოლოოდ შეიძლება ხელში შეგრჩეთ შაქარზე ბევრად უარესი დამატკბობელი.
პლიუს ამას რეალური სტევია არ შეიცავს არანაირ ნახშირწყლებს და შაქარს, რაც რა თქმა უნდა ნახშირწყალია ისევ და ისევ, ამიტომ თუ შემადგენლობაში სტევიას უწერია რომ შეიცავს ნახშირწყლებს, მით უმეტეს დიდი ოდენობით, ესეც იმის მაჩვენებელია რომ ხელში ნამდვილი სტევია არ გიჭირავთ და ჯობს დახლზე დააბრუნოთ.
თუ ეძებთ ჯანსაღ დამატკბობელს, ასევე შეგიძლიათ ცადოთ ერითრიტოლი, რომელსაც თითქმის შაქრის იდენტური გემო აქვს. სხვათაშორის სუფთა და ნამდვილი სტევია, ისევე როგორც სუფთა ერითრიტოლი შეგიძლიათ შეიძინოთ ჩვენს მაღაზიაში, მისამართი: ვაჟა-ფშაველას 12 , ასევე შეგიძლიათ შეკვეთა გააკეთოთ ჩვენს საიტზე Ketogen.ge და კურიერი მოგიტანთ შეკვეთას მისამართზე.
მოკლედ არასდროს ენდოთ მხოლოდ ეტიკეტის წინა მხარეს დატანილ წარწერას და ყოველთვის გადახედეთ ინგრედიენტების ჩამონათვალს. დღეისათვის სულ ეს იყო, შევხვდებით შემდეგ ვიდეოში.
